Rómantískasta brauð sem ég hef séð.

5.9.2007 | 12:56

Rómantískasta brauð sem ég hef séð.

Undanfarnir dagar hafa verið alveg lausir við bull og er nú svo komið að ég er með fráhvörf. Úr því verður nú bætt….. Rómantík hefur ekki verið stór þáttur í mínu lífi undanfarið. Tja, nema þegar (róman)-tíkin nuddar sér upp við mig og horfir á mig ástaraugum.

Þegar þannig er ástatt… þ.e. rómantíkurlítið líf….. þá er rétti tíminn til að rifja upp gamlar minningar. Rómantík þarf ekki endilega að tengjast ástarsambandi…. hún getur líka tengst vináttu. Því er a.m.k. þannig farið í tilfellinu sem ég ætla að rifja upp núna.

Vinur minn einn, útlendingur, bauð mér í kaffi í ársbyrjun 2006. Þessi strákur er lífvörðurinn minn…. eða svo segir hann. Mér líkar vel við nokkra útlendinga.... en viðurkenni alveg að ég er skeptísk á allan þennan straum erlends vinnuafls, á svo stuttum tíma. Held að þetta endi með því að við töpum sérkennum okkar, Íslendingar. Þá ætla ég að flytja til Vestfjarða. Jæja.... aftur að efninu;

Ekki er nú ákaflega fréttnæmt að vera boðið í kaffi…. en ég er viss um að ekki hafa margir fengið meðlæti, sambærilegt við það sem hann gaf mér þarna.

Ætla að sýna ykkur………. .

Maður er það sem maður borðar....

Lífvörðurinn minn á kærustu og ég vona að hún fái svona kræsingar á hverjum degi. Krúttilegt !

Flokkur: Spil og leikir | Facebook

Athugasemdir

Var brauðið gott?

Gunnar Helgi Eysteinsson, 5.9.2007 kl. 13:01

En sætt..

Björg F (IP-tala skráð) 5.9.2007 kl. 13:03

...ég get alveg tekið undir þetta með þér, rómantík getur tengst svo mörgu öðru en ástarsambandi... jafnvel skák...

... var bara að spegúlera, fyrst maður er það sem maður borðar, hvað sá væri sem borðar mikið af mjólkurkexi...

Brattur, 5.9.2007 kl. 13:14

Mjólkurbílstjóri kannski ?

Anna Einarsdóttir, 5.9.2007 kl. 13:22

já, eða bara kexmylsna...

Brattur, 5.9.2007 kl. 13:42

Vonandi bragðaðist þetta vel...

Bjarndís Helena Mitchell, 5.9.2007 kl. 13:49

Gunnar.... brauðið var ekkert sérstakt.

Björg..... þú ert líka sæt.

(ég ætla ekki að segja Bratti að .... auðvitað er maðurinn kex.... það vita það allir.... en ég vil ekki særa hann)

Anna Einarsdóttir, 5.9.2007 kl. 13:50

... þú ert alltaf jafn hugulsöm Anna mín, en tókstu nokkuð eftir því að síðasta kommentið mitt var skrifaði með gulum gúmmíhönskum...... er nefnilega að skúra, en gengu hægt, því Kátur hleypur út um allt... áttu ráð handa mér í þessum efnum...

Brattur, 5.9.2007 kl. 13:56

Brattur.... hentu hundinum út, hættu í tölvunni og haltu áfram að skúra....

Anna Einarsdóttir, 5.9.2007 kl. 14:03

... já, þetta er málið... alltaf jafn seinn að fatta...

Brattur, 5.9.2007 kl. 14:09

Var þetta spægipylsa, á brauðinu Anna? Ef maður er það sem maður borðar....tja hvað er maður þá? Fer sennilega dulítið eftir því hvort miðað er við fyrir eða eftir máltíð, ekki satt?

Halldór Egill Guðnason, 5.9.2007 kl. 14:13

Brattur þú átt að fá þér svona "róbot" sem svífur um gólfin og gerir hreint meðan þú ert úti að leika við hundinn eða að veiða.

Halldór Egill Guðnason, 5.9.2007 kl. 14:14

Halldór, ég átti svona róbot, en nú er hann bilaður, eins og ég...

Brattur, 5.9.2007 kl. 14:41

Halldór ! Maður spyr ekki svona. Nú verð ég að segja þér að það var "pig" á brauðinu...... útlensk skinka. Hvað er ég þá ? Hnuss.

Anna Einarsdóttir, 5.9.2007 kl. 14:58

Halldór Egill Guðnason, 5.9.2007 kl. 15:44

Ef einhver SVÍNAR fyrir ykkur í umferðinni.... þá er viðkomandi pottþétt nýbúinn að borða svínakjöt..... rökrétt ?

Anna Einarsdóttir, 5.9.2007 kl. 15:58

... en þegar sagt er um einhvern að hann sé eins og RÓFULAUS hundur... hefur hann þá ekki fengið rófur lengi... hmm...

Brattur, 5.9.2007 kl. 17:12

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.