Snæfellsnesið.

6.9.2007 | 22:16

Árið er 1981. Unglingarnir í sveitinni fara á öll sveitaböll. Það er sniðugt kerfi í gangi.... ball á Lýsuhóli þessa helgi, í Ólafsvík þá næstu, því næst á Breiðabliki og svo koll af kolli. Alltaf dansleikur einhvers staðar. Hljómsveitin Tíbrá frá Akranesi vinsælust.

Ég klæði mig upp og fer á ball á Breiðabliki. Er ekki byrjuð að mála mig á þessum tíma. Það gerist löngu síðar. Á Breiðabliki er fatahengið staðsett beint á móti innganginum. Þegar ég geng inn á ballið hitti ég stráka í anddyrinu. Þeir ákveða að hrekkja mig. Þeir lyfta mér upp, troða herðatré innanundir jakkann minn og hengja mig upp í fatahenginu. Ég blasi við öllum sem koma inn.

Þarna hangi ég og get ekki annað... í hálftíma....með hendurnar út í loftið....eins og ASNI.

Prófið að hengja ykkur svona upp. Maður verður gjörsneiddur öllum virðuleika.

blog-tour-overload

Flokkur: Spil og leikir | Breytt s.d. kl. 22:48 | Facebook

Athugasemdir

... ég myndi þykjast vera frakki ef ég lenti í þessu...

Brattur, 6.9.2007 kl. 22:21

LOL, ekki þægilegt held ég. Uss, þvílíkir hrekkjalómar!

Bjarndís Helena Mitchell, 6.9.2007 kl. 22:26

Þeir sem gerðu Önnu þetta, ættu ekki að reyna við "SKÁKMÓT BLOGGARA MEÐ TATTOO"!!!!!!!

Halldór Egill Guðnason, 6.9.2007 kl. 22:53

Slakur Halldór.... það eru 26 ár síðan og þetta eru eldgamlir kallar í dag.

Anna Einarsdóttir, 6.9.2007 kl. 23:00

Löngu vaxnir uppúr hrekkjum líklega...gott samt að þú slappst úr fatahenginu að lokum. Var einmitt að rifja upp svona minningar við systur áðan. Það snerist reyndar um spælegg sem starði á hana af diskinum. Eggið var samt ánægt með að vera bara með glyrnur en engin eyru. Önnur eins öskur held ég að hafi ekki heyrst í Laugarnesinu.

Ragnheiður , 6.9.2007 kl. 23:25

Svo eru auðvitað góðir punktar við að hanga í jakkanum sínum í fatahenginu...... maður týnir ekki jakkanum á meðan.

Anna Einarsdóttir, 6.9.2007 kl. 23:30

Þú hefur mætt of snemma....Guðbjartur í Miklaholti hefur ekki verið búinn að mjólka og mættur í dyravörsluna...eins gott annars hefðir þú kannski týnt jakkanum.

Gíslína Erlendsdóttir, 7.9.2007 kl. 00:20

Af hverju dettur mér í hug sprelligosi með spotta niður úr klofinu?

Kristjana Bjarnadóttir, 7.9.2007 kl. 09:46

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.