Hugsa bloggvinir.... hugsa.

 

Öll höfum við ákveðnar hugmyndir um hvaða matur passar saman;

.

Læri, kartöflur, grænar baunir, rauðkál, sulta, sósa

eða

Fiskur, hrísgrjón, hrásalat, brauð

eða

Buff, kartöflustappa, sósa og spælegg

Nú verð ég að hætta að telja upp, því ég er orðin svo svöng. 

------------

EN...... hvaða matur passar hræðilega illa saman ?

------------

Ef þið ættuð að hrekkja einhvern með svakalegri samsetningu á mat, hvernig liti sú samsetning út ?

Þetta getur komið sér vel síðar, ef einhver mætir iðulega í heimsókn, einmitt á matartíma, dag eftir dag. 

Athugasemdir

[Ásgeir Kristinn Lárusson, 2.4.2008 kl. 21:36]

Það væri helst niðurskorin, súr lifrarpylsa, með súkkulaðisósu. Má gjarnan bera fram með ORA sardínum í olíu...;)

[Ragnheiður , 2.4.2008 kl. 21:40]

Hangikjöt með remúlaði ?

[Birna Dis Vilbertsdóttir (IP-tala skráð) 2.4.2008 kl. 21:43]

Ýsa í raspi með rabbabarasultu.Saltfiskur með kanil og grjónagrautur með rúsínum og kartöflum,þetta passar lýgilega vel saman

[Ingibjörg Friðriksdóttir, 2.4.2008 kl. 21:48]

Hangikjöt með smá remúlaði er mjög gott, en hvítlaukssósa á súrsaðan hval gengur bara ekki.  Eða sultutau á súrsaða punga.

Ef einhver kemur í heimsókn á matartíma,(oft og iðulega) þá berið á borð fyrir hann  kjötfisksbollur sem eru blandaðar til helminga af fiskibollum úr dós og saxbauta úr dós.  Gefa með þessu gróft skorið hvítkál, niðursoðnar radísur, belgbaunir og uppstúf yfir allt saman.  Bregst ekki, vinurinn lætur ekki sjá sig oftar.

[Linda litla, 2.4.2008 kl. 23:48]

Ég hef heyrt af manni sem borðar rabbabarasultu með saltfisk. Mér verður óglatt við tilhugsunina.

[Halldór Egill Guðnason, 3.4.2008 kl. 00:11]

Grillaður svínahnakki, remólaði og steiktur laukur. Brenndar kartöflur í álpappír úr Helguvík "by the way" og smurt með túnfisksaladi úr Bónus.

Juoghk. oj bara.

[Guðrún Jóna Gunnarsdóttir, 3.4.2008 kl. 00:55]

Slátur, stór klessa af smjöri og sulta með. Til vara reykt hrossakjöt með sama meðlæti. Hef í raun séð menn snæða þennan ófögnuð

[Gunnar Helgi Eysteinsson, 3.4.2008 kl. 05:24]

Fyrsta skiptið sem mér verður óglatt af að lesa athugasemdir... 

[Fanney Björg Karlsdóttir, 3.4.2008 kl. 13:42]

Steikt slátur með tómatsósu......ég legg ekki meira á  ykkur...

[Þorsteinn Valur Baldvinsson, 3.4.2008 kl. 14:24]

Finnst þetta allt saman vera alveg þess virði að prufa einhvertímann á góðri stundu, hef samt trú á að til dæmis grænn hafragrautur sé ekki lystugur né mjög rauður fiskur, spurning um að kaupa matarlit Anna og skemmta sér svo í eldhúsinu.

Gerði einu sinni grænan grjónagrautinn fyrir dætur mínar, urðu óvenju listalausar og viðbjóðurinn í andlitunum sagði allt, mér fannst samt virkilega gaman að þessu.

[Brynja skordal, 3.4.2008 kl. 15:11]

Saltfisks vöfflur hélt ég myndi gubba þegar ég smakkaði það En búandi með manni sem gerir hinar ótrúlegustu kúnstir með mat og álegg kemur mér ekkert á óvart hann hefur fengið suma til að nánast ÆLA og hefur gaman af sérstaklega Dætur sínar hann myndi hiklaust borða það sem þið hafið skrifað hér

[Anna Einarsdóttir, 3.4.2008 kl. 16:23]

Takk fyrir margar frábærar hugmyndir. 

Mér dettur í hug að setja saman sviða-rúgbrauðspizzu með sinnepi og niðursoðnum perum. 

Þið fáið % þegar ég sel viðskiptahugmyndina;

Veitingahúsið Sullumsaman - öðruvísi matur fyrir nýjungagjarna.

[Tófulöpp, 3.4.2008 kl. 17:05]

Ég þigg frekar matarboð hjá Önnu heldur en ÖLLUM ofangreindum kommenturum. Væri t.d. alveg til í hvað sem er af öllum þessum "eðlilega" sem þú taldir upp... Steiktur blóðmör með sykri, kartöflum, rófustöppu og SPÆLEGGI fellur undir "eðlilegt" hjá mér

[Guðný Anna Arnþórsdóttir, 7.4.2008 kl. 22:50]

Slátur í skyrhræringi með lýsi útá. Getsvosvarið að ég sá þetta einusinni. En bragðaði ekki ....