Fasteignamat ríkisins - ekki fyndið.

 

Nýlega voru skrifstofur Fasteignamats ríkisins í Borgarnesi og á Egilsstöðum, lagðar niður.

Samkvæmt samantekt sem ég hef undir höndum, var heildar rekstrarkostnaður skrifstofunnar í Borgarnesi 2,46% af heildar rekstrarkostnaði Fasteignamats ríkisins.

Á sama tíma unnu starfsmenn í Borgarnesi 14% af heildar fjölda þeirra erinda sem unnin voru í Fasteignamati ríkisins.

M.ö.o.  Starfsmennirnir í Borgarnesi unnu mun betur fyrir kaupinu sínu, heldur en aðrir starfsmenn stofnunarinnar.

Því er sú ákvörðun að loka skrifstofunni í Borgarnesi "í sparnaðarskyni" alveg óskiljanleg með öllu.   

Kristinn H. Gunnarsson tók þetta mál upp á Alþingi í dag og fórst það afar vel úr hendi.  Árni V. Mathiesen svarar honum með langloku sem heldur ekki vatni. 

Hérna er slóð á umræðurnar um ofangreint á Alþingi í dag

 

Athugasemdir

[Brynjar Jóhannsson, 16.4.2008 kl. 23:21]

HAHAHAHAHHAHAHAHAHAHAHA alltaf sami grallarinn anna ....

Sorrí varð að skjóta þessu á þig þegar ég sá titilinn á blogginu þínu. 

[Brjánn Guðjónsson, 16.4.2008 kl. 23:28]

ég átti fasteign í Borgarnesi Það var mikill sparnaður hjá mér að losna við hana

[Þorsteinn Valur Baldvinsson, 17.4.2008 kl. 08:04]

Þetta er kallað á tyllidögum flutningur starfa út á land, Þ.E.A.S flytja störf til Reykjavíkur.

Virðist vera þannig að Reykjavík er út á landi, að skilningi Árna og félaga.

Merkileg þróun á tímum fjarvinnslu, hvað illa gengur að láta vinna störf á landsbyggðinni, virðist sem menn álíti lyklaborð eða tölvur ekki geta gengið á landsbyggðinni.

[Steingrímur Helgason, 17.4.2008 kl. 13:01]

Má ekki loka frekar hyrnulegum sjoppum í Borgarannesinu & færa þjóðveginn í leiðinni frá byggðinni, & spara 'gommu' ?

[Edda Agnarsdóttir, 17.4.2008 kl. 17:25]

Hefurðu talað við þingmannaskarann?

[Anna Einarsdóttir, 17.4.2008 kl. 19:09]

Nei Edda.  Eins og Kristinn H. sagði, hafa þingmenn Norðvesturkjördæmis ekki séð ástæðu til að taka þetta mál fyrir á Alþingi, né heldur tjáðu þeir sig um það eftir að hann tók það upp.  Spæling.