Mér er mál að blogga um íslenskt mál.

 

Það er ekki heiglum hent að læra íslensku.   Orð geta verið skrifuð eins en verið þó með mismunandi framburði.  Dæmi;

Vilborg = Villa  (linur framburður)
Villumelding = villa  (harður framburður)

Hvernig eiga útlendingar að sjá muninn ? 

Varstu að kalla Kalli ?   

.

Dóttir mín, 11 ára, er að gera ritgerð um Snorra Sturluson.  Henni fannst hann eiga of margar frillur. (með linum L-um)  Snorri var náttúrulega ekki í lagi;  1 trilla og 3 frillur. 

.

.

Ef útlendingar koma í búð og biðja um Só Fasett er ekki víst að þeir fái það sem um er beðið.

Þeir þurfa að segja Sófa sett.

Kannski þeim gangi betur að tala, ef þeir fá sér málband ?

.

Það er mjög hvimleitt þegar fólk heilsar mér mjög hratt.

Hæ´na. 

 

Athugasemdir

[Edda Agnarsdóttir, 19.4.2008 kl. 10:42]

Ertu í stuði kona? Ég er að deyja hérna úr hlátri... veik

[Einar Indriðason, 19.4.2008 kl. 12:45]

Á sama hátt, þá skulum við skoða eftirfarandi:  lítill polli er klæddur í polla-galla, en það er enginn galli á gallanum, sem er gott, því ef pollinn myndi detta ofan í poll, þá er gott að það er ekki galli í gallanum upp á leka.

Annað sem ég man eftir, varðandi orðskiptingar milli lína, var orðið:  "síma-sandi" .... Ég hugsaði mig lengi um... hvaða sandur er þetta?

Annað er ... "síma-landi".  Á sama hátt og sandurinn, hvaða land er þetta? 

Skilaboð á vegg, þarna er verið að bjóða einhverja kónga velkomna.  (Eða hvað?)  "Nosmo-king" ? 

Annars held ég, Anna (og Brattur) að það gæti verið við hæfi að fara að "fer-skeytlast á", með tilheyrandi STOPP-um inn á milli.

Góða helgi

[Ásdís (IP-tala skráð) 19.4.2008 kl. 13:39]

Man eftir útvarpsauglýsingu sem var lesin svona:" Útgerðarmenn athughið Flott Einarnir eru komnir, Hampiðjan " (eða eitthvað svoleiðis) Hvað ætli þetta hafi átt að þýða? Tek það fram að þulurin var rammíslensk.

[Hrönn Sigurðardóttir, 19.4.2008 kl. 13:53]

[Áslaug Benediktsdóttir (IP-tala skráð) 19.4.2008 kl. 15:04]

Hæanna!  Ég man líka eftir fyrirsögn í dagblaði sem var svona:" Ístruflanir á norðurlandi"  Ég var lengi að hugsa um hvað þetta væri.  "Ístru-flanir"? ?  Sá fyrir mér allskonar líkamlega kvilla sem væru að hrjá fólk fyrir norðan.  Kviðslit,offituvandamál, já og kalla í hvítum bol sitjandi fyrir framan imbann með bjórinn í hendinni ( já kellingar líka) með ístruna komna út um víðan völl.

[Sæmundur Bjarnason, 19.4.2008 kl. 15:36]

Skólapiltar fara á fjöll.

Faðma heimasætur.

Ungar stúlkur elska böll

einkanlega um nætur.

Þessa vísu kenndi Helgi Ágústsson frá Birtingaholti mér fyrir margt löngu. Auðvitað er verið að tala um dansleiki þarna í seinni partinum, en ekki eitthvað súper-dónalegt.

[Sæmundur Bjarnason, 19.4.2008 kl. 15:48]

Mér er mál að blogga,

mælir Anna rjóð.

Gerist glatt í Mogga,

gefum henni hljóð.

[Hrönn Sigurðardóttir, 19.4.2008 kl. 16:00]

Datt í hug - af því að ég sé hvað Brattur yrkir ljúflega til þín og sem smá innlegg í lin og hörð ell..... :)

....hvort hann ætti nokkurn bróðir sem senda mætti suður? Jafnvel þó hann sé bara Halli..........

[Birna Dis Vilbertsdóttir (IP-tala skráð) 19.4.2008 kl. 18:49]

[Hugarfluga, 19.4.2008 kl. 23:31]

Nákvæmlega!! Og orðin "flugnager" og "ístruflanir" missa alla meiningu ef þú segir flug nager og ístru flanir.  Aumingja útlen dingarnir.

[Anna Einarsdóttir, 20.4.2008 kl. 14:26]

Bestu bloggvinir í heimi...... þið. 

Hrönn;  Brattur á ekki bróður á lausu EN !  Hann á tvífara.  Indriði er víst svo líkur honum að unun er á að horfa.  Leitaðu að Indriða. 

[Hrönn Sigurðardóttir, 20.4.2008 kl. 17:15]

ok.....

[hildur (IP-tala skráð) 25.4.2008 kl. 10:36]

og þetta með að vinna í happadrætti og vinna vinnuna sína