Skemmtileg eða leiðinleg ?

 

Um daginn hitti ég stelpu sem var vinnufélagi minn í tæpt ár fyrir nokkrum árum.  Hún sagðist lesa bloggið mitt,  finnast það skemmtilegt og spurði frekar hissa, hvort að ég hefði alltaf verið svona skemmtileg ? 

Góð spurning ! 

Í mánuð hef ég velt vöngum yfir þessu.   

.

Lítum á nokkrar staðreyndir;

Ég var einu sinni rekin úr vinnu þegar kom nýr yfirmaður.

Ég var öðru sinni rekin úr vinnu rétt áður en fyrirtæki rúllaði yfir.

Ég var í þriðja skiptið rekin úr vinnu um síðustu mánaðamót.

Vó....... maður er orðinn rek-vanur.   

.

Ætli ég sé skemmtileg í vinnunni ?     

Glætan spætan gaukurinn og spóinn.     

Auðvitað er ég að vinna þegar ég er í vinnunni og er því sem næst þrautleiðinleg. 

.

Veit einhver um góða vinnu fyrir mig ? 

.

PS.   Er góð í rekstri.... þegar ég er rekin.

 

Athugasemdir

[Hrönn Sigurðardóttir, 15.6.2008 kl. 12:28]

Skrýtið að vera vinna í vinnunni!! Undarlegt líka þegar þarf að vera skemmtilegur í vinnunni til að halda henni! Þ.e. að það sé ekki nóg að skila sínu vinnuframlagi og þurfa líka að hlæja að misskemmtilegum sögum misskemmtilegra vinnufélaga.....

Hef aldrei skilið það!

Þú hefur ábyggilega alltaf verið skemmtileg! Bara þegar það á við

Vildi að ég vissi um góða vinnu fyrir þig

[Anna Einarsdóttir, 15.6.2008 kl. 12:41]

Ég held og vona að ég hafi aldrei verið rekin beinlínis fyrir leiðinlegheit. 

Nei, skrambinn...... svo leiðinleg er ég ekki.

En þetta ástand hefur kosti líka.  Núna er vinnan ekki að trufla mig frá áhugamálunum. 

[Hrönn Sigurðardóttir, 15.6.2008 kl. 12:55]

Það hefur sína kosti að vera rekin!

[Birna Dis Vilbertsdóttir (IP-tala skráð) 15.6.2008 kl. 13:08]

Rekin,drekin.Veit ekki um vinnu en hvernig vinnu viltu?Mér finnst þú skemmtileg

[Anna Einarsdóttir, 15.6.2008 kl. 13:16]

Æi bara skrifstofustjóri eða eitthvað svoleiðis. 

[Gunnar Helgi Eysteinsson, 15.6.2008 kl. 14:29]

Getur þú ekki sót um vinnu í banka - sparisjóð... eða eitthvað?

[Anna Einarsdóttir, 15.6.2008 kl. 14:37]

Aha... Sparisjóður grínista og nágrennis.    Fer strax og spjalla við stjórann. 

Áðan fékk ég símtal frá bloggvinkonu sem hafði áhyggjur af mér.  Ég vil biðja ykkur að hafa engar áhyggjur þótt ég hafi ekki vinnu í augnablikinu.  Ekki hef ég það.  Það eina sem þið ættuð að hafa áhyggjur af er að ég blogga kannski of mikið á næstunni.   

[Hrönn Sigurðardóttir, 15.6.2008 kl. 14:51]

....ég hef ekki áhyggjur af því

[Guðrún Jóna Gunnarsdóttir, 15.6.2008 kl. 18:26]

Allt er þegar þrennt er. Nú stofnar þú þitt eigið fyrritæki, það er ekki flóknara en það Anna, þá færð þú að vera eins skemmtilega og þér sýnist og rekur þá leiðinlegu

[Einar Indriðason, 15.6.2008 kl. 19:03]

Blogga of mikið?  Úff, jú, ég hef áhyggjur af þessu.... Þá þarf að lesa þig oftar, og þá verð ég drekinn líka....

[Anna Einarsdóttir, 15.6.2008 kl. 19:43]

Mitt eigið fyrirtæki...... sú hugmynd er reyndar að grassera í kollinum á mér.

Hvað ætti það að heita ? 

[Anna Einarsdóttir, 15.6.2008 kl. 19:44]

Fyrirgefðu átta sinnum Einar. 

[Einar Indriðason, 15.6.2008 kl. 20:06]

Já, nei, nei. Ekki láta mig stoppa þig :-)

Hmm... hugmynd að nafni?

Á það að vera með nafnið þitt sem hluta af nafninu?

"Anna og hin fjögur fræknu" ?

"Skemmtigarður Önnu og Bratts" ? 

"Anna segir gátur" ?

Eða... á nafnið bara að vera eitthvað út í loftið?

"Skýjafar, ehf" ?

[Hrönn Sigurðardóttir, 15.6.2008 kl. 20:29]

Mér finnst nú "Fyrirgefðu átta sinnum Einar" vera skásta nafnið só far

[Anna Einarsdóttir, 15.6.2008 kl. 20:31]

Þetta þarf að hljóma vel í síma.  Hvernig er t.d.

Það eru ekki alltaf jólin, góðan dag. 

[Guðrún Arna Möller (IP-tala skráð) 15.6.2008 kl. 22:41]

Leitt að heyra að þú hafir misst vinnuna.  Kannski þú getir farið að svara í símann núna eins og þú sért með fyrirtæki : "Skuldir og basl, góðan dag".......

[Hrönn Sigurðardóttir, 15.6.2008 kl. 23:30]

....eða: Upphandleggur, góðan daginn

[Hrönn Sigurðardóttir, 15.6.2008 kl. 23:31]

úhú! ég er með það! Einar upphandleggur, góðan dag!

Plís!! Má ég vera símadama hjá þér?

[Hrönn Sigurðardóttir, 15.6.2008 kl. 23:32]

Ég lofa að flissa ekkert eða fíflast.........

[Hrönn Sigurðardóttir, 15.6.2008 kl. 23:33]

.....allavega ekki í matartímanum

[Anna Einarsdóttir, 15.6.2008 kl. 23:51]

Þú ert ráðinn á staðnum.    Staðráðin. 

[Edda Agnarsdóttir, 16.6.2008 kl. 01:38]

Er ekki orðið SKJÁLFTI orðið dáldið vinsælt? Það hefur svo merkilega breiða skírskotun!

[Helga Guðrún Eiríksdóttir, 16.6.2008 kl. 07:56]

Kannski ekki alveg nægilega gömul til að kalla fyrirtækið þitt Aldin.. eða Ald.. sem styttu.. gætir þá verið svona yfir-REK-ALD...  

[Ragnheiður , 16.6.2008 kl. 10:46]

Svo kemur maður og hlær að athugasemdunum og þó er þetta grafalvarlegt mál. Það er eins gott að það finnist brátt vinna, leiðinlegt að hangsa heima en á meðan þú lofar mörgum bloggum þá er þetta skárra,,,fyrir okkur sko

[Anna Einarsdóttir, 16.6.2008 kl. 10:56]

Ragnheiður.  Það er algjört lágmark að við höfum gaman af því að ég var rekin... annars væri þetta alveg tilgangslaus brottvikning.    Svo leiðist mér svo til aldrei nokkurn tíma og hef  auk þess bara gott af fríinu.  Á næstu helgi ætla ég svo að taka mér frí frá fríinu og fara í húsmæðraorlof. 

[Anna Einarsdóttir, 16.6.2008 kl. 18:14]

Ó, takk Helena mín.    Sko, hver veit nema þetta hafi verið mikið gæfuspor og ég verði orðinn minn eigin framkvæmdastjóri áður en árið er liðið. 

Ég verð að æfa mig; 

ANNA !   Haltu áfram að vinna stelpa, þetta er ekki góðgerðarstofnun.

[Einar Indriðason, 17.6.2008 kl. 21:17]

Sona, sona, Anna... ekki vera of hvöss við hana Önnu, hún er nefnilega önnum kafin við að blogga sér til gleði, og fyrir okkar ánægju.  Það hlýtur að vera einhvers virði?