Blogg - tímataka.

 

Klukkan er 11.00

Ég veit að margir sem lesa blogg hugsa sem svo;  Fer ekki allur dagurinn í þetta ?

Auðvitað er aðeins misjafnt hversu lengi maður er að blogga.  Það getur tekið lengri tíma ef þarf að hlaða niður mynd úr skrá.  Einnig er misjafnt hversu ljúflega vísur renna uppúr manni þegar þær eru að fæðast.  Og svo skiptir máli að hafa hugmynd um hvað þú ætlar að skrifa.  Stundum byrja ég að skrifa og hef enga hugmynd. 

Þar sem þetta er tímataka, verð ég að flýta mér svolítið.  Keppnisskapið !!

Best að henda inn eins og einni hnoðvísu svo þetta sé marktækt.

Er ég lengi blogg að rita
eða er ég fljót ?

já og botnið þið svo....... því ég er að flýta mér. 

Svo þarf auðvitað að henda inn eins og einni mynd til skrauts.

Hvaða mynd á ég að velja í dag ?  Kannski górillu ?  Augnablik.

.

 

.

Síðan er til Púki.... svona íslenskupúki sem lagfærir stafsetningavillur.  Ég nota hann hins vegar aldrei því ég er sjálf svo mikill púki. 

Jæja....... þá er þessari tímatöku að ljúka og ég kem í mark á 7 mínútum.

Mér sýnist að ég sé fyrst. 

Athugasemdir

[Hrönn Sigurðardóttir, 8.8.2008 kl. 11:18]

garg!! Ég vissi ekki einu sinni að þetta væri keppni!!!!!

[Brynjar Jóhannsson, 8.8.2008 kl. 11:40]

Þegar þú kaupir þér skó Anna hugsar þú þá um hve hratt þeir voru unnir ? 

[kop, 8.8.2008 kl. 12:11]

ok, fyrst þú biður um það.

Er ég lengi blogg að rita
eða er ég fljót ?                                                                                                                                                                                           Skrif þín mig með brosi smita                                                                                                                                                                          og ekki ertu ljót.

[kop, 8.8.2008 kl. 12:13]

Þetta fór í graut, prófa aftur.

Er ég lengi blogg að rita
eða er ég fljót ?

Skrif þín mig með brosi smita

og ekki ertu ljót.

[Anna Einarsdóttir, 8.8.2008 kl. 12:13]

Surprice Hrönn.... always surprice. 

Ég kaupi svo sjaldan skó.  Nei, ætli ég fari ekki bara hugsunarlaust í skóbúðina hjá Sæu. 

.... á ekki að botna vísu hérna ?

[Anna Einarsdóttir, 8.8.2008 kl. 12:14]

Landamæravörður.  Þú kemur sterkur inn. 

[Brjánn Guðjónsson, 8.8.2008 kl. 12:37]

Er ég lengi blogg að rita
eða er ég fljót ?

Önnublogg, þú ættir að vita,

er allra meina bót.

[Anna Einarsdóttir, 8.8.2008 kl. 13:02]

Á ég ekki heimsins hagmæltustu bloggvini ! 

[Anna Einarsdóttir, 8.8.2008 kl. 14:10]

Er ég lengi blogg að rita
eða er ég fljót ?
stöfunum á skjáinn drita
skýt mig oft í fót. 

[Guðrún Jóna Gunnarsdóttir, 8.8.2008 kl. 16:22]

 Það er ýmislegt sem má leggja á sig á gamals aldri. Hef aldrei getað hnoðað neinum kveðskap saman en finnst gaman af kveðskap annarra. Þar sem áskorunin kemur frá þér Anna, læt ég þetta fjúka

Er ég lengi blogg að rita
eða er ég fljót ?

Hugtök sem ég niður hripa

stinga hina líkt og spjót.

Góða helgi

[Anna Einarsdóttir, 8.8.2008 kl. 17:07]

Takk fyrir Guðrún Jóna.  Þú getur þetta og það bara vel. 

[Fanney Björg Karlsdóttir, 8.8.2008 kl. 17:40]

Er ég lengi blogg að rita

eða er ég fljót?

Á meðan allir aðrir strita

þá skrifa ég um grjót...

[Bergljót Hreinsdóttir, 8.8.2008 kl. 20:16]

Er ég lengi blogg að ritaeða er ég fljót?Þetta víst ég verð að vita

viðbrögð  kanna skjót....

  

[Bergljót Hreinsdóttir, 8.8.2008 kl. 20:18]

Arrrgh....þetta fer allt í bull hérna...reyni aftur...

Er ég lengi blogg að rita 

ða er ég fljót?

Þetta víst ég verð að vita

viðbrögð  kanna skjót....

[Ásgeir Kristinn Lárusson, 8.8.2008 kl. 20:26]

     Er ég lengi blogg að rita

     eða er ég fljót?

     Þar er vafinn, það vil ég vita

     svo vefjist tunga ei hætishót.
 

[Anna Einarsdóttir, 8.8.2008 kl. 20:46]

Þið standið ykkur frábærlega. 

En talandi um ljóð..... ég rakst á þetta í dag..... gullfallegt; 

http://beggita.blog.is/blog/beggita/entry/608986/#comment1613040

[sæa (IP-tala skráð) 8.8.2008 kl. 23:17]

Hæ,Anna,Stalst inn á þessa slóð með ljóðinu,og það er svakalega fallegt. Velkomin ef þig vantar á fæturna skóna,Kveðja.

[Hrönn Sigurðardóttir, 9.8.2008 kl. 00:54]

Er ég lengi blogg að rita

eða er ég fljót

það fer eftir megabita

ég ætla´ð vinna þetta mót

[Anna Einarsdóttir, 9.8.2008 kl. 18:04]

Hrönn.  Þú komst allavega á pall.