Barnssálin er viðkvæm.

 

Árið er 1972.  Ég er úti að leika mér í bílaleik, búin að gera vegi sem hefðu sæmt hvaða Vegagerð ríkisins sem er.  Þar sem ég er að keyra "matsbox" bílinn, heyri ég gný.  Ég lít upp og sé flugvél í fjarska.  Ég hendist upp og hleyp eins hratt og litlu fæturnir bera mig ofan í næsta skurð.  Þar fel ég mig í grasinu og held höndunum yfir höfuðið.  Skyldi hún koma ?  Sprengjan.

Litla 8 ára gamla stúlkan var búin að sjá of margar bíómyndir, þar sem sprengjum var kastað úr flugvélum.    Hún var næstum viss um að flugvélin léti eins og eina sprengju falla.  Það tók stúlkuna nokkur ár að sannfærast um að ekki væri hætta á ferðum.

.

 

.

Þetta sama barn var ekki síður skelkað þegar minnst var á heimsendi og kjarnorkuvá í fréttatíma.

Barnssálin er viðkvæm. 

Athugasemdir

[Hrönn Sigurðardóttir, 13.8.2008 kl. 15:46]

Ójá! Ég man eftir þessum tíma!! Síðan hef ég varla hlustað á fréttir.......

[Hrönn Sigurðardóttir, 13.8.2008 kl. 16:02]

Það rifjast upp fyrir mér þegar ég hrökk upp á nóttunni - sannfærð um að ég hefði heyrt sprengju falla úti í móa....... og var jafnvel enn sannfærðari um að ég sæi eldglæringar frá henni......

Er það nokkur furða að ég hlusti ekki á fréttir? 

[Anna Einarsdóttir, 13.8.2008 kl. 16:10]

Hrönn.  Sennilega skýrir fréttaleysið óborganlegan húmor þinn. 

Hver hefur ekki heyrt málsháttinn;  "Fréttir skapa skapvonsku" ?

[Fanney Björg Karlsdóttir, 13.8.2008 kl. 16:12]

Ef ég sá fólk á hestbaki hér í den þá var ég sannfærð um að það væru annaðhvort indiánar eða flóttafólk......ég kippti mér hins vegar ekkert upp við flugvélar....enda veraldarvanur stelpukjáni...

[Hrönn Sigurðardóttir, 13.8.2008 kl. 21:20]

Já! Segðu!! Hver hefur ekki heyrt hann?

[Hrönn Sigurðardóttir, 13.8.2008 kl. 21:20]

....og Fanney! Indiánar eða flóttafólk!!? Hversu veraldarvön á skallanum 1-10 fannst þér þú vera?

[Fanney Björg Karlsdóttir, 14.8.2008 kl. 14:06]

11...ekki spurning...