Viðundrið biður um kauplækkun.

 

Maður er náttúrulega eins og hvert annað viðundur þegar maður skrifar jákvæðar fréttir en einhver verður jú að vera viðundur.    Ekki viljum við að viðundur deyji út !

Þessi pistill fjallar um stórgóða kartöfluuppskeru kortéri fyrir snjó. 

Hér á bæ voru nokkrar kartöflur settar niður þann 7. júlí s.l.  

Já, já, ég veit, ég veit.... doldið seint.

Hér á þessum sama bæ voru kartöflurnar teknar upp þann 2. október s.l. 

Í fyrradag.

Hvílík gleði að sjá litlar sætar kartöflur koma upp úr manns eigin garði. 

Þetta er alveg hellingur !

.

.

Að rækta kartöflur er mín leið til að mæta kreppunni.  Svo er ég að spegúlera í,  hvað ég geti gert næst.  Kannski ég biðji um kauplækkun.    Ég hef nefnilega heyrt að kauphækkanir séu verðbólguhvetjandi og þá hljóta kauplækkanir að vera verðbólguhamlandi.   Já, ég held að beiðni um kauplækkun sé besta hugmynd sem ég hef fengið lengi. 

Þó ég segi sjálf frá.    

 

Athugasemdir

[Kristjana Bjarnadóttir, 4.10.2008 kl. 11:44]

Passaðu þig bara að borða ekki útsæðið, óvíst að það fáist keypt í vor !

[Gulli litli, 4.10.2008 kl. 11:47]

Ég held að þú ættir að stjórna landinu ekki Davíð Geir Gísladóttir...

[Hrönn Sigurðardóttir, 4.10.2008 kl. 11:55]

Flottar kartöflur!! Glæsilegur árangur í tilraunræktun Önnu.

Mér finnst þetta góð hugmynd með kauplækkunina! Ég gerði akkúrat þetta í vikunni - minnkaði vinnuna um 50% Sjáum til hvort þetta fer ekki að lagast úr þessu........

[Bergljót Hreinsdóttir, 4.10.2008 kl. 12:26]

Audda!! Maður Þ.ARF ekkert laun! Maður skellir sér bara í sjálfþurftabúskap og málið er dautt!!!

Ég fæ mér eitt par af svínum, eitt par af nautum,eitt par af hænum,eitt par af lömbum...set niður kartöflur, íslenskar og sætar, rófur, gulrætur,rabbarbara,lauk og sveppi, kaupi epla, peru,banana,vínberja og plómutré og sái hveiti, höfrum og lyftidufti, sæki sjó og sigts úr honum sjávarsaltið, set nokkrar ýsur, lax og humar í búr og hegg eldivið til að geta eldað matinn og hitað mér þegar ég er búin að hamast allan daginn við búskapinn minn...þetta er snilld!

Það þarf hvort sem er enginn á leikskólakennara að halda þegar allir eru farnir í sinn eigin búskap, þeir ala bara upp sín afkvæmi sjálf!! Og það er einmitt svo gott fyrir börn að vera innan um blessuð dýrin, miklu betra en mála ilminn af blómunum eða moka sama sandinum hundraðþúsund sinnum í skóinn sinn....gera meira gagn þegar þau hjálpa manni að mjólka, gefa dýrunum og svíða sviðahausana....jess!!!!

Og samskipti foreldra og barna taka á sig heilbrigðari mynd...

Svo færi maður ekkert í einhvern banka neitt...bara vöruskipti milli okkar bændanna.....

Og krónan mun sóma sér vel á hillum þjóðminjasafnsins....og við sýnum næstu kynslóð hana og öllum finnst ógeð fyndið að það hafi verið notaðir peningar til að KAUPA mat í BÚÐUM...abbababb!!!!

Í safninu getum við svo líka sýnt síðustu minjar stjórnmálamannsins....bankastjórans og samninganefndanna...sem urðu útdauð vorið 2009...

Egg og beikon í morgunmat?..já, ég held það bara.... 

Þetta er framtíðin!!!!

[Ragnheiður , 4.10.2008 kl. 12:57]

Vá hvað mér líst vel á þetta og Bergljót er alveg að slá í gegn sko ! Hehehe

[Brynjar Jóhannsson, 4.10.2008 kl. 13:08]

Íslenska efnahags undrið.. varð íslenskaefnahags-við-undrið

[Einar Indriðason, 4.10.2008 kl. 13:58]

Flott snjókerlingin þarna framarlega til vinstri, þar sem tvær hafa vaxið saman.

[Aprílrós, 4.10.2008 kl. 20:00]

Snildar kartöflur ;)

[Þorsteinn Valur Baldvinsson, 5.10.2008 kl. 08:26]

Flottar kartöflur Anna, ég á eftir að taka upp mínar og kannski væri svo hægt að skipta við þig á annarri vöru.

sýnist allt stefna í vöruskipti frekar en að nota einhverja peninga sem aldrei halda verðgildi sýnu sökum gengisfalls eða verðbólgu, förum bara aftur í 1/2 fisk á kíló af kaftöflum, eða 10 rollur á 1 hest, og 2 hesta á 1 kýr.

Þá mætti reikna 2 góðar konur sem  1 unglingspilt eða 3 konur sem 1 karlmann.

Og svo varð fjaðrafok í húsinu.

[Edda Agnarsdóttir, 5.10.2008 kl. 11:23]

Skemmtilegt blogg og skemmtilegar umræður sem eru líka praktískar!

Höldum áfram í sjálfþurftarbúskapspælingum! (lengjum orðin - það sparar pappír og pláss! uhuh)

[Ásdís (IP-tala skráð) 5.10.2008 kl. 19:17]

Hér er mitt innlegg í SPGN i dag:

Gamall maður í Ólafsfirði átti eitt vorið ekki nægt útsæði. Hann brá á það ráð að skera hverja kartöflu í tvennt, og viti menn, uppskeran var alveg jafn góð og hefði hann sett niður heilar kartöflur.

Kveðjur til þín Anna.

[Brynjar Jóhannsson, 5.10.2008 kl. 20:13]

Anna

ég var að lesa blogg fyrir ári síðan þegar ég var að reyna að hafa uppi á texta.

þá vildir þú fá að heyra lagið við textan.. fyrir ári síðan...

við texta sem heitir Afþvíbara fíflið..

Hérna er lagið  

[Kristin Sif (IP-tala skráð) 6.10.2008 kl. 13:08]

[Fanney Björg Karlsdóttir, 7.10.2008 kl. 17:42]

Flott uppskera....enda ekki von á neinu öðru þar sem dagurinn sem jarðeplin voru sett niður er alveg öndvegisdagur..... þá á frumburður minn afmæli...allveg einstaklega vel heppnað eintak....