Færsla til kvenna.

 

Þetta blogg er til þess fallið að vekja öfund. 

Í þessum hraðrituðu orðum er bóndi minn að elda humarsúpu eftir uppskrift sem hann fékk hjá lærðum kokki.

Í þessum sömu orðum er hann að baka sesambrauð.

Gott ef hann er ekki að strokka smér í leiðinni. 

Nei, ég segi svona.

.

 

.

Það sem hann er nú myndarlegur þessi maður !

.

Athugasemdir

[kop, 26.10.2008 kl. 11:58]

Til kvenna......, já þær öfunda þig örugglega. Alveg væri ég til í svona brauð og súpu.

Bara Brattur.

[Kolbrún Baldursdóttir, 26.10.2008 kl. 12:16]

Ég er með einn svona á heimilinu sem vill helst elda alla daga, getur auk þess bakað brauð, tekið slátur, búið til sviðsultu, já og svo sultaði hann í haust svo fátt eitt sé nefnt.

Ef eitthvað er mætti þessi áhugi og vilji hans vera heldur minni að mínu mati.

Sjálfri finnst mér bara best að borða hrískökur, epli, ost og egg. Gæti lifað á því alla daga. Þetta er þó afar hentugt þegar gestir koma í mat. Þá þarf ég ekki að sjá um neitt nema gera mig fína og leggja á borð.

[Fanney Björg Karlsdóttir, 26.10.2008 kl. 12:32]

á hvaða lyfjum er þinn maður......

[Anna Einarsdóttir, 26.10.2008 kl. 12:47]

Landamæravörður..... Ekki sitja og bíða.... gerðu bara súpuna og brauðið.   

Kolbrún.... þetta er svei mér þá orðin verulega öfundsverð færsla eftir þitt komment.   

Fanney.  Hann er ekki einu sinni á lyfjum.     Maðurinn fær bara hvatningu frá mér og nú skal ég ljóstra upp leyndarmáli;

Stelpur....besta hvatningin er að gera bylgju með höndunum í eldhúsinu.  Svona eins og áhorfendur á kappleikjum gera stundum.  Svínvirkar.  

[Hugarfluga, 26.10.2008 kl. 12:58]

Ég á einmitt svona myndarlegan mann sjálf ... bakar brauð og eldar besta mat í heimi. Og svo er hann bara svo asskoti dásamegur að öllu öðru leyti líka!  Njótum og metum, darling. 

[Birna Dis Vilbertsdóttir (IP-tala skráð) 26.10.2008 kl. 18:26]

Ég bí með einum svona.Nei hann fæst ekki klónaður,lánaður eða leigður.Ég er eigingjörn á hann

[Hrönn Sigurðardóttir, 26.10.2008 kl. 18:55]

Tjah.... það heppnaðist hjá þér í mínu tilfelli! Ég er fagurgræn eins og nýútsprungið brum á vordegi við fuglaundirsöng og lækjanið.....

[Gunnar Helgi Eysteinsson, 26.10.2008 kl. 21:04]

No comments

[Þórunn Ella (IP-tala skráð) 26.10.2008 kl. 22:38]

Mig langar eiginlega í uppskrift að sesam brauði :)

[Anna Einarsdóttir, 26.10.2008 kl. 22:48]

500 gr. hveiti
300 gr. heilhveiti
100 gr. sesamfræ
100 gr. sólblómafræ
4 tsk. lyftiduft, kúfaðar
1 tsk. matarsódi
1 tsk. salt
5 dl. súrmjólk
2,5 dl. vatn
1 egg

Hrærið saman öllu hráefninu nema sesamfræi og eggi.  Notið ekki hrærivél.  Reynið að vinna deigið sem minnst svo það verði ekki seigt.  Setjið deigið í tvö smurð jólakökuform og penslið með eggi og stráið sesamfræjunum yfir.  Bakið við 175° C. í 50 mínútur.

Verði þér að góðu frænka. 

[Steingrímur Helgason, 26.10.2008 kl. 23:54]

Mikil lyftíng í þessu deigi ...

[Anna Einarsdóttir, 27.10.2008 kl. 07:44]

Ójá Steingrímur.  En það má líka setja minna og fá flatköku.