Föstudagurinn tuttugastiogsjöundi.

Föstudagurinn tuttugastiogsjöundi;

.

Í morgun arkaði ég í vinnuna og steig í þann eina poll sem var á gólfinu.  Afleiðingin var sú að ég hefði farið í splitt, hefði ég getað það.     Fæturnir fóru semsagt út um allt og ekki í sömu átt.   Þrátt fyrir jákvæðan vilja get ég ekki sagt að tilburðir mínir hafi verið tignarlegir.   Sennilega var byltan í hallærislegra lagi þótt ég segi sjálf frá.   En ómeidd er ég.

Síðan gerist það í hádeginu að ég sest upp í minn sífellt verðmeiri bíl en hann er að hluta til fjármagnaður með frekar alþjóðlegum hætti .... og keyri af stað.  Sól var í heiði og líka hjá mér svo ég opna gluggann.  Skyndilega svínar bíll fyrir mig svo ég stöðva minn eðalvagn snöggt og ákveðið.     Vill þá ekki betur til en svo að íshröngl sem safnast hafði á þak bílsins losnar og með einhverjum ótrúlegum hætti kom það allt inn um gluggann.  Þarna sat ég því með heilu ísklumpana í fanginu.   How cool is that ?

.

.

En að allt öðru;

Af hverju er sagt að eitthvað sé laukrétt ?

.

 

.

Og af hverju er sagt að eitthvað sé arfavitlaust ?

.

 

.

Laukur í verðlaun fyrir laukrétt svar.   

 

Athugasemdir

[Páll A. Þorgeirsson (IP-tala skráð) 27.2.2009 kl. 20:29]

Þú ert skemmtilegur hrakfallabálkur og góður bílstjóri með og án ísklumpa.

Talandi um lauk-rétt, hvað með hár-rétt  ?   

[Hrönn Sigurðardóttir, 27.2.2009 kl. 21:22]

Er ekki laukréttur bara hakk á pönnu?

[Hrönn Sigurðardóttir, 27.2.2009 kl. 21:23]

og þá komið af því að maður segir: Jaaaaa ég ætla nú bara að hafa svona laukrétt.......

[Hrönn Sigurðardóttir, 27.2.2009 kl. 21:24]

arfavitlaust er dregið af fyrstu árum mínum í garðyrkju. Þá reitti ég og reitti það sem ég taldi vera arfa en voru í raun blóm að reyna að stinga knúppum upp í vorið.

Sumsé ég reitti arfa-vitlaust

[Ingibjörg Friðriksdóttir, 27.2.2009 kl. 21:58]

Sé þig fyrir mér, sérstaklega með fangið fullt af ísdrönglum.

Forliðurinn lauk... hlýtur að vera til áréttingar en orðið laukur er nafn á rótarávexti sem ekki vex svo auðveldlega hér á landi en með sérstakri aðlögun má koma honum fyrir í skjólgöðum görðum og inn í gróðurhúsum þar sem hann getur blómstrað villt.  Eftir að laukurinn er fullvaxta´má nota hann í hina ýmsustu rétti til braðbóta að sjálfsögðu en finnst sumu fólki það bölvaður óþverri, en það fólk hefur mjög óþroskað bragðskyn.  Ýmsar sortir eru til og held ég mest upp á hvítlaukinn.  Hver var aftur spurningin?

[Brattur, 27.2.2009 kl. 22:09]

... laukur er merkilegri en margur heldur... yfir honum getur maður grátið en verið glaður í hjarta á meðan... ég á erfiðar með að gráta yfir papriku...

Brattur... laukur ættarinnar...

[Aprílrós, 27.2.2009 kl. 23:15]

Æjæj, ekki góður föstudagur hjá þér mín kæra, en vonandi endaði hann vel ;)

[Anna Einarsdóttir, 27.2.2009 kl. 23:52]

Páll.   Eftir að hafa lesið komment Hrannar þori ég ekki að hugsa um hárrétt.   Það er líklega eitthvað sem Hrönn eldar. 

Hrönn.     Skemmtilega kjánaprik.

Ingibjörg.  Aðalspurningin er hvað gerist á morgun ? 

Brattur.  Æi, ég segi þér það bara sjálf. 

Aprílrós.  Fínn dagur hjá mér !   Ég var stálheppin að lenda í þessu því dagurinn var óvenjulegur fyrir vikið.   Hvað er annars vik ?   

[Einar Indriðason, 28.2.2009 kl. 08:32]

Svo er laukur í svo mörgum lögum.... Þú flettir einu laginu af... og þá kemur næsta..... og næsta... og næsta....

Hmm... nei, ég held ég segi pass á matarboð til Hrannar, ef það verður "hárréttur" í matinn!

Góða helgi.

[Ingibjörg Friðriksdóttir, 28.2.2009 kl. 15:14]

Það er búið að gerast og þrátt fyrir að ekki hafi farið eins og ég óska mér, tek ég því og reyni að sjá björtu hliðarnar.

Aðalmarkmiðið er að gefa öðurm frí.