Nýju... - annaeinars.blog.is

20.3.2009 | 16:28

Nýju fötin.......

Í gær fékk ég nýja ullarkápu og nýja skó. Það telst til tíðinda því ég er þessi týpa sem á bara tvö pör af skóm og geng í þeim þar til þeir eru búnir. Hef auk þess aldrei átt fína yfirhöfn, að frátöldum næfurþunnum jakka.

Það er nefnilega mýta að allar konur séu búðarsjúkar. Ég fer ekki inn í búð ótilneydd.

Í kjölfar eignarhaldsins á nýju skónum, fór ég í þeim í vinnuna. Dííííííí hvað ég var þreytt í fótunum í gærkvöldi. Frown Með miklum trega verð ég að viðurkenna að það voru stór mistök hjá mér að læra ekki skósmíði á sínum tíma. Að hugsa sér ef maður gæti bara alltaf lagað uppáhaldsskóna sína og gengið síðan í þeim alla ævi. Joyful Einir ríkisskór.

Ef einhvern skortir viðskiptatækifæri, þá mæli ég með skóbúð með notaða skó. Tilgengnar bomsur til sölu ! Gönguskórnir hans Jóns gamla á hlægilegu verði !

Og fyrst ég er farin að hugsa; Hvurslags eiginlega vitleysa er það, að konum sem vilja vera fínar er gert að klæða sig í sokkabuxur? OJJJJJJJJ... fínar sokkabuxur geta alveg eyðilagt góða veislu. Frown Þetta er svo óþægilegt fyrirbrigði að maður bíður allt kvöldið eftir að veislan sé búin svo maður komist aftur úr bévítans buxunum. Angry

Og háir hælar. GetLost Hefur einhver karlmaður prófað að ganga á háum hælum niður brekku ? Það er algerlega ómögulegt svo einhver reisn sé að.

Ég hef prófað. Og lenti í árekstri við gangstéttina í hverju skrefi. Pinch

En varðandi nýju kápuna og nýju skóna.... það kitlar mig núna að fara til Reykjavíkur í þessu.

Mig langar að prófa að vera fín frú. Tounge

3259029442_8cbf1e93c7

Flokkur: Lífstíll | Breytt s.d. kl. 16:29 | Facebook

Athugasemdir

hahah skil þig!

Hrönn Sigurðardóttir, 20.3.2009 kl. 17:14

Ég skil sko hvert orð, á eina venjulega skó, eina kuldaskó, eina strigaskó og eina gönguskó. Ég HATA sokkabuxur og er farin að nota slíkar úr bómull en ekki næloni.

Ég hef ekki átt fallega kápu

Jemundur hvað við þrjár erum eins...ætli foreldrar okkar þekkist eitthvað ?

Ragnheiður , 20.3.2009 kl. 19:16

Líst vel á það að þu prufir að vera fín frú ;)

Ég sveita vargurinn er ekki enn orðin fín frú í Reykjavíkinni ;)

Ég þoli ekki nælon sokkabuxur ;)

Aprílrós, 20.3.2009 kl. 20:10

Ragga... það er þetta með heilann... hver ykkar hefur hann núna?

Einar Indriðason, 21.3.2009 kl. 10:42

ÉG !

Góði gleymdu því að tala við hinar tvær í dag.

Anna Einarsdóttir, 21.3.2009 kl. 11:08

Ah... ég þarf að komast í dagbókina ykkar til að sjá hver hefur heilann per dag.... :-)

Einar Indriðason, 21.3.2009 kl. 11:15

Heldurðu að við séum svo skipulagðar ?

Það er bara sú sem á afmæli eða getur sýnt fram á mikilvægi sitt þann daginn umfram hinar hehe

Ragnheiður , 22.3.2009 kl. 10:20

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.