Draumar.

21.3.2009 | 10:03

Mig dreymir furðulega þessa dagana. Á nóttunni. Smile

Í fyrrinótt dreymdi mig þrjá hesta. Sá fyrsti stökk yfir læk með miklum tilþrifum. Annar tók þá á sprett á gangtegund sem ég hef aldrei séð áður, mjög tignarlegt. Þriðji hesturinn tók síðan rosalega flottan skeiðsprett og taglið stóð beint upp í loft, lóðrétt. Glæsileg sýning !

copy%20of%20flugumyri_11

Í nótt dreymdi mig síðan að ég var stödd í bíl, á Kerlingaskarði á Snæfellsnesi, á mínum æskuslóðum. Systir mín var með mér og einhver börn. Þá hefjast eldgos hér og þar. Litlar spýjur beint upp í loftið. Þar sem við keyrum niður Hjarðarfellsbrekkurnar, lendum við á milli tveggja gosa. Síðan keyrum við að Dal, æskuheimili föður míns. Þar stöndum við og horfum út um gluggann. Gosunum fjölgar. Ætli þau hafi ekki verið orðin á bilinu 50-100. Síðan finnst mér eins og næst muni koma upp gos undir húsinu sem við erum í. Ég verð hrædd og hugsa með mér hversu hræðilegur dauðdagi það hljóti að vera að lenda ofan í hrauninu.

Þá vakna ég.

Það sem er sameiginlegt í þessum draumum er tagl beint upp í loft og eldgos beint upp í loft.

Hvað þýðir þetta eiginlega ? FootinMouth

Eigið svo góðan dag. Og ég líka. Wink

Flokkur: Dægurmál | Facebook

Athugasemdir

Til hamingju með afmælið mín kæra

sko, ég er steinhætt að taka mark á draumum !

Ragnheiður , 21.3.2009 kl. 11:20

Draumurinn merkir það fyrsta sem þér datt í hug þegar þú vaknaðir ;)

En það sem ég les úr draumnum er að þú sækir í æskuslóðirnar ( eins og ég mjög oft í draumum ) sem er bara hið besta mál, og að þér muni bara ganga allt í haginn og vegna vel.

en kíktu inná www.draumur.is og gáðu hvað þessi orð þíða , : hestur, gangur hestanna , eldgos, lækur, tagl á hesit, æskustöðvar, nafnið á systur þinni og börnunum , systir, hræðsla, og tölurnar áttu að nota þér til framdráttar.

Eigðu góða helgi elskueg ;)

Aprílrós, 21.3.2009 kl. 17:15

Til hafmingju med afmaelid elsku mamma Sakna tin otrulega mikid og elska tig!
Eigdu bestan dag og vonandi er jafn gott vedur tarna og er her.

Elska tig KNUS

Íris Guðmundsdóttir, 21.3.2009 kl. 17:49

Ó takk.

Anna Einarsdóttir, 21.3.2009 kl. 19:19

Ég held að þetta sé bara góður draumur, spáir smá snjókomu en það er líka í lagi (eldgosið). Einhvern veginn held ég að þú sért hestamanneskja og mín tilfinning er sú að ef mann dreymir dýr sem manni líkar vel við sjálfum þá viti þau á gott meðan ekkert slæmt kemur fyrir þau í draumnum.

Linda Björk Jóhannsdóttir (IP-tala skráð) 23.3.2009 kl. 16:31

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.