Þegar sálin er yngri en líkaminn.

 

Ég fer að nálgast hálfa öld
og upplifi brátt ævikvöld
en samt í anda ung
farin er að láta á sjá
en áður en því kjafta frá
ég augað dreg í pung

......... og segi ekki orð ! 

.

.

 

Mér finnst svo óraunverulegt að vera 45 ára en líða alltaf eins og ég sé 29 ára.

Er að reyna að venja mig við þá hugsun að einhvern tíma hætti ég að vera unglingur.   

Þótt ég viti ekki alveg hvenær það gerist.

.

 

Athugasemdir

[Brjánn Guðjónsson, 19.6.2009 kl. 01:19]

ég er að verða 40 ára en í anda er ég 19 ára

aldur er bara viðmið við fæðingarvottorðið. einhver pappír sem gefinn var út.

Anna, þú verður 29 ára eins lengi og þér líður þannig.

[Ingibjörg Friðriksdóttir, 19.6.2009 kl. 03:32]

Þú ert að kynda mig Anna.  Þú lítur ekki út fyrir að vera komin á fimmtugsaldur.  Skrokkurinn á þér er eins og á fermingarstelpu og ekki ertu heldur gömul í hugsun.  Aldurinn er afstæður, ég held því bókstaflega fram að ég verði unglingur fram á grafarbakkann, þó ég verði hundrað ára.

[Hrönn Sigurðardóttir, 19.6.2009 kl. 08:07]

ég á við sama vandamál að stríða.....

....ég er ca. 27

[Brattur, 19.6.2009 kl. 08:57]

... mér finnst ég alltaf vera 1 árs... er það kannski of langt gengið...

[Ragnheiður , 22.6.2009 kl. 20:15]

oj Brattur hehe

Já ég skil þessi vandræði þín Anna mín

Stundum skil ég ekki hvaða K E L L I N G er í speglinum !!

[Kristjana Bjarnadóttir, 23.6.2009 kl. 00:03]

Við erum eins gömul og okkur finnst að við séum, þá er ég ekki að tala um töluna sem hækkar þegar við eigum afmæli, heldur andlega og líkamlega líðan.

[Aprílrós, 24.6.2009 kl. 08:46]

Erum ekki degi eldri en okkur líður og finst þótt líkaminn segir annað. Ég er 46 en er ekki nema 25 í anda hehe, líkaminn er nú ekki á sama máli sko ;)

[Lilja Guðrún Þorvaldsdóttir, 26.6.2009 kl. 00:34]

En þér á einmitt að líða eins og þú sért 29, alveg þar til að þú verður sextug, þá má þér finnast þú vera 33ja ára.