Fær Hannes Hólmsteinn undanþágu ?

 

Á mánudaginn fékk ég póst frá umsjónarmönnum blog.is.

Í honum stendur m.a.

"Umsjónarmönnum hafa borist ábendingar um að einhverjir notendur blog.is hafa virkjað tónlistarspilara og sett þar inn tónlist án tilskilinna leyfa. Samkvæmt lögum er óheimilt að setja þar inn tónlist sem er höfundarréttarvarin nema með leyfi rétthafa."

Gott og vel.  Ég var með tvö lög sem ég, að öllum líkindum, hafði ekki leyfi fyrir.  Lög sem ég keypti á tónlist.is.  Því fjarlægði ég tónlistarspilarann enda sjálfsagt mál að fylgja lögum og reglum.

Gefinn er frestur til 1. desember til að fjarlægja efni sem brýtur í bága við höfundarrétt.

.

Í morgun datt ég inn á síðu Hannesar Hólmsteins, besta vinar Davíðs ritstjóra.  Hún leit svona út:

.

.

Takið eftir tónlistarspilaranum.  Þar má sjá lög með Edith Piaf, Frank Sinatra, Marlene Dietrich ofl. 
Vá !  Það er eins og heimstyrjöldin sé enn í gangi þegar maður skoðar lagavalið. 

Nú verður fróðlegt að fylgjast með.  Mun Hannes þurfa að hlýta sömu reglum og hinir eða gefur Davíð honum undanþágu af því að þeir eru svo miklir "pallar" ?

Ég sé fyrir mér partý. 

Hannes og Davíð og Kjartan og Björn.  Þeir spila Marlene Dietrich í botni og grilla allt kvöldið.  Ég læt lesendum mínum eftir að geta sér til um umræðuefnið.
Mikið stuð ! 

Athugasemdir

[Ragnheiður , 10.10.2009 kl. 12:20]

Ég fékk líka svona póst en vegna þess að ég er óttalegur sauður þá hafði ég aldrei sett tónlistarspilararnn inn hjá mér haha...

Ég get hins vegar ekki skammast í HHG yfir lagavalinu..ég fékk mér einusinni nýjan Citroen..það fylgdi með spóla með Edit Piaf. Rás 2 var ekki komin og ég hlustaði á Piaf og hef haldið upp á hana síðan. Frankie er líka minn maður...það er mamma, hún spilaði þetta yfir mig alla tíð hehehehe..

[Bergljót Hreinsdóttir, 11.10.2009 kl. 14:50]

Úbbs...ég fékk líka svona bréf...en fattaði ekki að spilarinn tilheyrði þessu...verð ég þá að henda honum út???

[Bjöggi (IP-tala skráð) 11.10.2009 kl. 16:46]

Það gæti verið að eitthvað af þessari tónlist sé orðið það gömul að höfundarréttarlög ná ekki lengur yfir hana. Höfundaréttur á tónlist gildir einungis í 50 ár frá opinberum upptökudegi (sumum tilvikum útgáfudegi). Eftir þann tíma má hver sem er nota tónlistina eða spila opinberlega. Til dæmis voru einhverjir snillingar að endurhljóðblanda stóran hluta bítlalaganna og fá meirihlutann af söluandvirði diskanna beint í sinn eigin vasa, af því að þeir þurfa ekki að borga fyrir höfundarréttinn.

[Ragnheiður , 12.10.2009 kl. 21:58]

Nú er mailið mitt komið í lag...ég þarf að senda þér póst góða mín ...haha...dadaradda

[Anna Einarsdóttir, 13.10.2009 kl. 14:02]

Búin að svara þér..... duddurudduduuuu.