Kæru vinir.

 

Gleðilegt ár 2010 ! 

.

 

Áramót.

 

Ég rakst á skemmtilega síðu, http://elias.rhi.hi.is/rimord/  sem nýst gæti þeim sem vilja leika sér með rím.

Þegar ég sló inn orðið "áramót" komu þessar rím-niðurstöður.

Þá er ekkert því til fyrirstöðu að fara að yrkja vísur.   

heimsmeistaramót
kóramót
meistaramót
veðramót
aldamót
brautamót
fimleikamót
flekamót
frjálsíþróttamót
gatnamót
liðamót
mannamót
myndamót
mánaðamót
nemendamót
páskaeggjamót
stígamót
stúdentamót
taugamót
tímamót
íþróttamót
bikarmót
boðsmót
einstaklingsmót
evrópumót
golfmót
heimsbikarmót
kerfismót
landsglímumót
landsmót
málmsteypumót
mánaðarmót
mót
notendaviðmót
plastmót
prentmót
skriðmót
skákmót
stefnumót
steypumót
stórmót
svipmót
tvímenningsmót
undirbúningsmót
uppáhaldsmót
vetrarmót
viðmót
ármót
ættarmót
íslandsmót
Arnljót
Bergljót
Lagarfljót
Skjálfandafljót
almannafljót
alviðrubót
astarót
aðstöðubót
banaspjót
betrumbót
blíðuhót
blót
bragarbót
brjót
burnirót
bót
búbót
desemberuppbót
doktorsnafnbót
dragnót
dót
dýrtíðaruppbót
efratfljót
eggjagrjót
einkablót
endurbót
engiferrót
fastlaunauppbót
fjörugrjót
fljót
forljót
framfót
fundarbót
fót
gjágrjót
grasrót
grjót
gulrót
hafrót
handfljót
harmabót
haustblót
heilsubót
heimilisuppbót
heiðursdoktorsnafnbót
heiðursnafnbót
hellugrjót
herpinót
hlaðsbót
hleðslugrjót
hlutarbót
hlíðarfót
hnjót
hnésbót
hornafjarðarfljót
hringnót
hrjót
hvannarót
hverfisfljót
hætishót
hót
húsabót
júlíuppbót
kjarabót
klakabrjót
klumbufót
kvaðratrót
kúgildauppbót
kúrafljót
kúðafljót
langaréttarbót
launabót
launauppbót
ljót
lyfjauppbót
lófót
lögbrjót
lúpínurót
mannblót
markarfljót
meinabót
nafnbót
njót
norðlingafljót
nílarfljót
nót
olnbogabót
orlofsuppbót
orðljót
piparrót
riddaranafnbót
réttarbót
róbót
rót
samgöngubót
selfljót
seljurót
sendiherranafnbót
siðabót
siðbót
sjónvarpsviðbót
skaðabót
skeggrót
skjót
skotspjót
smádót
snurpunót
snót
spjót
staurfót
staðaruppbót
stjórnarbót
stuðlagrjót
stórfljót
svepprót
sárabót
síldarnót
síðufót
sót
súkkót
tilbót
tréfót
tungufljót
umbót
umrót
undirrót
uppbót
vinahót
vinarhót
viðbót
yfirbót
Úlfljót
ábót
árbót
öldurót
úrbót
þjófarót
þokkabót
þorrablót
þrjót
þrífót
þót

Örþrifaráð gerenda hrunsins.

 

Mér virðist sem farið sé að hitna undir þeim er áttu hvað mesta sök á efnahagshruni þjóðarinnar enda einungis mánuður þar til skýrsla rannsóknarnefndar Alþingis á að birtast.

Eins og Björn Valur Gíslason bendir á, á Vísi.is eru bein og sterk tengsl á milli Sjálfstæðisflokksins og Björgólfsfeðganna:  

„Ég lít á þetta sem pólitíska fléttu af hálfu stjórnarandstæðinga sem hafa greinilega góða tengingu inn í þessa lögfræðistofu og eru að reyna að róta upp í málinu og helst fella og knésetja ríkisstjórnina," segir Björn Valur Gíslason, þingmaður VG og varaformaður fjárlaganefndar, um bréf bresku lögmannsstofunnar Mishcon de Reya sem barst í gær.

Björn Valur fullyrðir að fulltrúar Sjálfstæðisflokksins hafi verið í sambandi við íslenskan fulltrúa lögmannsstofunnar hér á landi. Fram hafi komið í gögnum stofunnar að sá maður sé Gunnlaugur Erlendsson. „Hann var lögmaður Novators í London sem var í eigu Björgólfsfeðga sem áttu Landsbankann og gerðu út Icesave reikninganna. Það er ekki mjög traustvekjandi."

.

.

Við, réttsýnir íslendingar, megum ekki láta blekkjast af pólitísku upphlaupi stjórnarandstöðunnar.  Komist Sjálfstæðismenn og Framsóknarmenn, þeir sem "seldu" bankana til þáverandi og núverandi vina sinna, til valda núna, þá þykir mér sýnt að rannsókn á verkum þeirra verði aldrei birt.   Og þá munu þeir væntanlega hylma yfir með vinum sínum, útrásarvíkingunum.

.

Það má ekki gerast.  Við verðum að uppræta spillinguna.  Annars er allt unnið fyrir gýg.

.

 

Vilja sjá tölvupóstana

Ég er með gjörskemmt smjör í ísskápnum.

 

Ég leyfi mér að blogga við þessa frétt þar sem enginn meiddist í bílveltunni en annars finnst mér óviðeigandi að blogga við slysafréttir

.

Þegar Davíð hóf störf hjá Morgunblaðinu var tekið rækilega til í leiðinni og allnokkrum starfsmönnum sópað út.  Ég hef grun um að prófarkalesari eða tveir hafi þá fengið uppsagnarbréf.

Stafsetningarvillur og málfarsvillur eru nokkuð áberandi í vinnubrögðum Moggamanna.

En fréttamenn í Hádegismóum virðast samtímis vera dálítið frjóir eins og dæmin sanna.

Í þessari frétt slengja þeir fram nýyrðinu  "gjörskemmdist".

.

Kannski maður bæti um betur og stórskrifi bloggið með stigmögnuðum forsetningum sem hálfkæta lesandann og allskemmta sjálfri mér í leiðinni enda hágaman að skellileika sér í miðskammdeginu.

.

.

Sat fastur í bílnum eftir veltu

Til Ebbu.

 

Því miður fyrir ykkur, kæru bloggvinir, eru þessir krúttilegu kettlingar fráteknir fyrir Ebbu.

.

 

.

 

.

 

.

Þarna varð ég að stöðva myndatökuna vegna óstjórnlegrar syfju Tígra litla.

 

.

Símanúmer jólasveinanna.

 

Nú er ég klædd og komin á ról
kominn er tími á gleðileg jól

það fann ég er reis upp við dogg

Hvers ber að vænta á næsta ári ?
ástar og stöku gleðitári.
Vonandi engu hjartasári,
veikinda eða öðru fári.

Ég óska ykkur því alls hins besta
margra gjafa og ógrynni gesta
Hlýju í hjarta þið skuluð „testa“
og gleðinni alls ekki fresta.

Þetta er mitt jólablogg.

.

.

Hvernig líst ykkur á þá hugmynd að gefa jólakveðjur Ríkisútvarpsins út á CD ?

Væri ekki frábært til dæmis, næst þegar fjölskyldan fer í sumarbústað að setjast öll saman að kveldi, kveikja á kertum og hlusta á jólakveðjurnar síðan í fyrra !  

.

 

.

Þessi köttur er að upplifa sín fyrstu jól.  Hann nýtur þeirra í botn við jólatréð.

Systir hans er uppteknari af litlu systkinum sínum.  Hún fann upp á því í vikunni að gerast hjálparhella móður sinnar og sinnir hlutverkinu af alúð.   Vel upp alinn kisa.

.

.

Um leið og ég og fjölskylda mín sendum landsmönnum öllum okkar bestu óskir um hamingjuríka jólahátíð, viljum við deila með ykkur smá leyndarmáli.

Við komumst yfir símanúmer jólasveinanna, sem að sjálfsögðu hefur verið leyninúmer fram til þessa.  Númerið er 692 332 og hálfur.   

.

. 

Gleðileg jól !

Hann er blindfullur rétt fyrir jól.

 

Það er laugardagskvöld.

Ég sit hér og sötra nýlagað kaffi.

Allt að verða klárt fyrir jólin.

Fyrirmyndarheimili.

.

.

.

Eða hvað !!!

.

.

.

Nei, er ekki einn fjölskyldumeðlimurinn dottinn í´ða.

Peðfullur, rétt fyrir jólin. 

Út úr heiminum alveg.

.

Á ég að henda honum út ?

.

.

.¨

 

.

 

.

Hann er í slæmum málum, tralla la la laaaaaaa.

 

Þar sem ég er nýgift, datt mér í hug að rannsaka aðeins hvort sú staðreynd hefði einhver áhrif á þankagang mannsins míns, hvort hann væri eitthvað breyttur í framkomu.

Ég spurði í sakleysi mínu:

"Hefur þú einhverja blogghugmynd fyrir kerlinguna"?

Og sá nýgifti datt þráðbeint í pyttinn.

Jú jú, hann stakk upp á að ég færi að blogga um jólin. 

ÉG !

Kerlingin. 

Í staðinn fyrir að blogga las ég honum pistilinn eins og ég væri virtur pistlahöfundur og nú er hann svo miður sín að það gerist ekki öllu meira miður.

Menn skyldu aldrei kalla stelpur kerlingar fyrr en þær eru orðnar kerlingar.

.

.

Bara einn hamborgara og franskar, takk.

 

Í sumar ferðuðumst við hjónin frá Siglufirði til Borgarness.  Í upphafi ferðar fengum við okkur pylsu um hádegisbilið.  Keyrum við síðan sem leið liggur suður á bóginn.  Á Blönduósi vorum við sammála um að okkur langaði í eitthvað en vorum samt ekkert sérstaklega svöng. 

Niðurstaðan varð sú að við keyptum okkur hamborgara og franskar fyrir einn og snæddum það saman.  Mjög mátulegt. 

Ekki svo löngu síðar fórum við frá Ólafsfirði til Borgarness.  Sagan endurtók sig.  Við stoppum á Blönduósi og ég panta hamborgara og franskar fyrir mig, ekkert fyrir hann.  

Verst að sami afgreiðslumaðurinn afgreiddi okkur í bæði skiptin. 

Þegar ég panta síðan gosglös fyrir okkur bæði með hamborgaranum eina, horfir hann á mig aumkunaraugum og segir;  Þetta er allt í lagi, það er áfylling á gosið þannig að ég rukka bara fyrir einn.

Á Blönduósi erum við því þekkt sem fátæklingarnir sem hafa ekki efni á tveimur hamborgurum.

.

 

.

Hvaða ár var broskallinn fundinn upp ?

 

.

 

.

Að vita svarið við því flokkast kannski undir óþarfa fróðleik hjá sumum en mér finnast þetta merkilegar upplýsingar og ég vildi alls ekki hrökkva upp af, óafvitandi um hvenær sá merki atburður gerðist. 

Annars má ég lítið vera að því að blogga þessa dagana vegna vinnu.  Það er alveg ótrúlegt hvað vinnan slítur í sundur fyrir manni daginn. 

Nánustu ættingjum til hugarhægðar skal þess getið að allar jólagjafir frá mér til ykkar eru tilbúnar og innpakkaðar þannig að engin hætta er á að þið farið í jólaköttinn. 

Það er hins vegar stór hætta á að þið farið heim með köttinn. 

.

 

.