Allt fullt af fíflum.

 

Einhvern tíma var sagt við mig að maður ætti alvarlega að íhuga sinn gang þegar allt væri fullt af fíflum í kringum mann.

.

Það ER allt fullt af fíflum í kringum mig. 

 

Gjörsamlega yfirfullt af bévítans fíflum. 

 

.

 

 

.

 

 

.

 

.

 

 

.

Ég ætla að íhuga minn gang.

.

 

Guttormur er partur af lífi mínu.

 

.

 

.

 

Það eru ekki margir Íslendingar meðlimir í golfklúbbi án þess að kunna golf.

En það er ég. 

.

GLEFSUR ÚR FUNDARGERÐ STOFNFUNDAR - GOLFKLÚBBS GUTTORMS TUDDA;

. 

Nýr golfklúbbur stofnaður 25. maí 2000:

Tuddinn Guttormur gerður að verndara.  Áhuginn meiri en getan á upphafsdögum klúbbsins.  Aðal í klúbbnum og upphafsmaður að þessu öllu saman er Þorgeir Smári Einarsson. Talið er að hugmynd að stofnun golfklúbbs hafi kviknað þegar þrjú pör drifu sig á golfnámskeið snemmsumars 1999.   Í framhaldi af því var gutlað á golfvöllum hér og þar það sem eftir ar sumars – með misjöfnum árangri þó.

Komið hafði til tals að stofna til kosninga um nafngift golfklúbbsins en þess í stað var afráðið að nota hið alkunna einræðisvald og velja framangreint nafn, enda leist öllum bærilega á,  þegar allt kom til alls. Nafnið sækir klúbburinn í höfuð á heimsfrægum tudda í Laugardalnum, Guttormi hinum góðholda. Að auki er talið að klúbburinn sæki að hluta nafn sitt í aðalhvatamanninn – Þorgeir – sem fróðir menn telja að hafi í árdaga verið uppnefndur Þorgeir TUDDI.

Mörg mál voru á dagskrá þessa fyrsta fundar – og virtist fyrsta mál á dagskrá vera að fá sér aðeins í fótinn! Er það skoðun margra klúbbfélaga að fót-í-fá-sér ætti alltaf að vera fyrsta mál á dagskrá - ALLTAF!

...........................

Af hverju Guttormur?

Nafn klúbbsins vekur jafnan athygli þá sjaldan að það er til opinberrar umræðu eða þegar fólk heyrir af þessum félagsskap í fyrsta skipti.

Af hverju að kenna golfklúbb við naut?

Afhverju ekki? Svo einfalt er það. Á stofnfundi klúbbsins tók hinn ævikjörni formaður fram fyrir hendurnar á lýðræðislegri umræðu um nafngift (hefur lýðræðisleg umræða hendur?). Alræðisvaldi var beitt af yfirtuddanum sjálfum og þurfti raunar ekki mikið vald til þess að fá samþykkt að nafn klúbbsins yrði kennt við naut – því á stofnfundinum úði og grúði af drykkjunautum, sessunautum og jafnvel sáust þar stöku rekkjunautar.

Allra nauta elst

Segja má að Guttormur hafi slegið öll met...

Í fyrsta lagi er hann það íslenska naut sem þyngst hefur orðið. Þann 18. apríl 2001 náði hann 942 kílógrömmum en heldur hefur sigið á grennri hliðina hin síðari ár og nú í haust vó hann 890 kílógrömm. Þó ber að hafa í huga að Guttormur stundar meiri líkamsrækt á sumrin en á veturna og er því jafnan léttari í vetrarbyrjun en vetrarlok.

Í öðru lagi er Guttormur líklega frægasta naut á Íslandi og óhætt að fullyrða að hann á met að því leyti að ekki hafa fleiri barið annað naut augum.

Í þriðja lagi er Guttormur kominn á efri ár – sem mun sjaldgæft meðal nauta nú til dags að því er fram kemur í fróðleiksmola um gripinn á vef Húsdýragarðsins í Laugardal. Guttormur tuddi fagnaði þann 12. október ellefu ára afmæli sínu en algengt er að nautum sé slátrað þegar þau eru á bilinu tveggja til fjögurra vetra.

Vilji menn leita að einhverju sameiginlegu með Guttormi tudda og Golfklúbbi Guttorms tudda liggur beinast við að nefna hringinn – við spilum níu eða átján holu hring en tuddinn sjálfur er með hring í nefinu. Um þennan nefhring segir í áðurnefndum fróðleiksmola: “Hringurinn í nefi Guttorms hefur þann tilgang að ef nautið, sem er mjög sterkt og stórt, ákveður að gera eitthvað af sér þá er hægt að grípa í hringinn og snúa upp á hann. Hættir þá nautið venjulega öllum látum og hlýðir þeim er tosar í hringinn. Með því minnkar hann sársaukann en miðnesið á nautgripum er mjög viðkvæmt. Ekki þarf oft að grípa til hringsins sem betur fer, Guttormur er geðgóður með eindæmum.” Hið sama verður að sjálfsögðu sagt um golftuddana – geðgóðir með eindæmum!

Guttormur er fæddur 12. október 1992 á Eystri-Sólheimum.

Þess má að lokum geta að verndari klúbbsins í kvennaflokki og guðmóðir verðlaunahornanna góðu er kusan Stássa frá Dal í Miklaholtshrepp.  Eigi kunnum við af henni miklar sögur né mælingar.

 

------------------------

Vetrardagsskrá klúbbsins er fjölbreytt og samanstendur m.a. af keilu, pool, félagsvist, pílu og badminton.  Flestir standa sig vel en aðrir enn betur.   Uppskeruhátíð er fastur liður á hverju ári með tilheyrandi verðlaunaafhendingu, veislumat og spurningakeppni.

Því miður fyrir mig, fékk ég engin verðlaun þetta árið.     Fannst þó að ég hefði mátt fá viðurkenningu fyrir best greiddu félagsgjöldin.  En ég var ein um þá skoðun.

. 

 

Guttormur 2 afhjúpaður

Hver bankar klukkan 10 á sunnudagsmorgni ?

 

Hver bankar klukkan 10 á sunnudagsmorgni, sagði ég við sjálfa mig þegar bankað var nett á útihurðina í morgun.  Ég gekk til dyra í náttfötunum og opnaði.  Fyrir utan stóð heimilishundurinn sem hafði greinilega sloppið út án okkar vitundar.  Ég skimaði yfir svæðið og sá engan annan.  Hundurinn leit lymskulega á mig og rölti svo inn. 

Notaðu dyrabjölluna næst, sagði ég við hundinn. 

.

 

.

Annars er bara sól í heiði og leti í koti í dag........

.

 

.

....... enda Hvítasunnudagur.   Hverjum datt annars í hug að kalla daginn Hvítasunnudag ?  
Það er svo margt sem maður veit ekki. 

.

Ég hef t.d. ekki hugmynd um hvað varð um bloggfærsluna sem ég skrifaði í morgun.

Hún bara hvarf !

Ef þú finnur bloggfærslu á víðavangi sem eitthvert vit er í...... þá er það örugglega ekki mín.

. 

Alexandra og Natalía.

 

 

 

 

 

 

 

 

 

 

                                                                              Alexandra, Tevez, Natalía.  Ronaldo sefur.

 Ronaldo.                                                                

 

 

 

 

 

 

 

 

 

 

   Tevez.

Kisumyndir fyrir Írisi.

 

.

 

.

 

.

 

.

 

.

Þegar maður man ekki hverju maður hefur gleymt.

 

Thomas A. Edison sagði eitt sinn  

"Ég veit ekki milljónasta hluta úr einu prósenti um nokkurn hlut"

Og fyrst að hann vissi það ekki, hvernig á ég þá að vita það ? 

Ég, sem man ekki einu sinni hverju ég hef gleymt ! 

.

Besti brandari sem ég hef heyrt var sagður af vinnufélaga mínum, Guðrúnu Björk, fyrir mörgum árum.

Brandarinn tók margar mínútur í frásögn.  Mikill stígandi í frásögninni, hástemmd lýsingarorð og uppbygging öll hin besta.   Ég var farin að flissa af spenningi.    Góður brandari er alltaf fyndnastur í endann. 

En hún mundi ekki hvernig brandarinn endaði ! 

Það var það fyndnasta sem ég hef nokkurn tíma heyrt. 

Ég grét úr hlátri.   Hahahahahahaha. 

Ég meina....... hver segir brandara í 5 mínútur sem vantar botninn í ? 

.

 

.

Á hlaupum.

 

Ég var að horfa á Man. United leik í gær.   Eins og þeir vita sem fylgjast með enska boltanum, hleypur Wayne Rooney svakalega hratt.  Hann hleypur reyndar svo hratt,  að þegar það er endursýnt..... HÆGT ..... hleypur hann samt hraðar en ég !    

Veit þó ekki hvort Rooney gæti unnið þennan ?   Það þarf að horfa á allt myndbandið.

.

 

.

Og svo streyma peningarnir í kassann.........

 

Góðar hugmyndir eru oft einfaldar. 

Á þessum síðustu og verstu tímum er mikil þörf á frjóum hugsanagangi því við þurfum virkilega á því að halda að skapa nýja atvinnu og afla aukinna tekna.

Hér koma tvö stykkorð og það er ykkar að finna út hvernig búa má til nýja atvinnugrein úr þessu.

.

Kartöflurækt.

Golf.

.

.

Ég get svo svarið að það eru fleiri en ég sem falla í stafi yfir hugmyndum mínum. 

.

.

Bifhjólasýning Raftanna í Borgarnesi.

 

.

 

.

 

.

Glæsileg sýning Raftanna er í Borgarnesi í dag.    Sjá hér.

.

Í kvöld verður síðan dansleikur með hljómsveitinni Festival á nýjum skemmtistað í Borgarnesi;

 B 57,  Borgarbraut 57.

Það er allt að gerast í Borgarnesi. 

.

Játningin.

 

Hvað ég geri á netinu......

-  Ekki þarf það að vekja undrun neins þótt ég segi að ég blogga á netinu.   Það getur hver sæmilega þenkjandi manneskja sagt sér það sjálf að hún væri ekki að lesa bloggið mitt ef ég bloggaði ekki.      Þaggi ?

-  Oftast les ég helstu fréttir og kíki á heimapóstinn minn.

-  Einu sinni í mánuði fer ég á SÍBS til að sjá að ég hef ekki unnið í happadrætti. 

-  Reglulega fletti ég upp á SP fjármögnun bara til að sjá að Outlander bíllinn er orðinn ennþá verðmætari en hann var í gær.  Lánið á honum sem var 1.300 þúsund er nú 2.200 þúsund.  Þegar ég ek um á þessum eðalvagni í dag líður mér eins og ég sé sjálfur Gissur gullrass. 

-  Síðan nýti ég auðvitað heimabankann til að greiða reikninga.

-  Að lokum...... hef ég yndi af því að spila Crystal Clear við bóndann.  Yndið felst auðvitað í því að ég vinn miklu oftar en hann. 

.

.

Hvað ég geri EKKI á netinu..........

-  Ég nenni næstum aldrei að fara á Fésbókina.  Sorrý Fésbókarvinir. 

-  MSN póstinn minn man ég líka sjaldnast eftir að opna.  Það kom mér því í opna Skjöldu og Búkollu og þær allar, þegar ég fann þar gamalt bréf með mynd.   Bréfið innihélt játningu kattar.  Hann segist vera faðir Sir Alexöndru, Vidic og Tevez og Ronaldo.

.

Hann segist elska allt sem heitir Gustavsberg. 

.

.

Vinna óskast á Selfossi.

 

Ég sæki hér með um hlutastarf á Selfossi fyrir Hrönn.

Hrönn er með mesta hugmyndaflug norðan Alpafjalla.  Henni dettur bókstaflega ALLT í hug.

Því mætti nýta hennar virku heilasellur til uppfinninga.

Hún gæti líka svo vel tekið að sér formennsku starfsmannasjóðs...sem auðvitað er galtómur en það gerir ekkert til,  því gott grín er ókeypis.

Hrönn kann að baka og elda og reikna laun og ég veit ekki hvað og hvað.

Hún leikur stundum stór hlutverk í sakamálamyndum og hefur leikið Mjallhvíti eins og sést á meðfylgjandi mynd.  Það veldur mér þó nokkrum vonbrigðum að dvergana vantar á myndina. 

.

 

.

Hrönn er í boði Sparisjóðs grínista og nágrennis.   Neeeei......djók. 

Ég set upp alvörusvip og staðhæfi að sá sem ræður Hrönn í vinnu verður lukkunnar atvinnurekandi.

Umsóknir um Hrönn sendist á [e-mail]