Að rækta sjálfan sig.

 

Nú þegar líður að vori er vert að huga að vorverkunum.

Það er nú varla að ég þori samt að minnast á helvítis Aspirnar hans Halldórs.  Hann gæti komið hér blótandi og ragnandi og umsvifalaust breytt blogginu mínu í "bannað innan 18".

Ég sleppi því því.

En talandi um vorverkin, þá þarf að huga að ýmiskonar ræktun með vorinu.

Kartöflurnar þrá að komast í mold og eignast helling af kartöflubörnum.  Á síðasta ári fæddust mér bara kartöflu-smábörn.  Bara baunir !   Enda var meðgangan stutt og útsæðið afleitt.   Það má þó alltént hrósa manni fyrir nýjung í matargerð; kartöflusmábaunir. 

Nú.

Arfinn er ekki eins vitlaus og af er látið og sér sjálfur um útbreiðslu sína.

En ég er þó eins vitlaus og af er látið. 

Um það getum við verið sammála.

.

Hvernig á ég að rækta sjálfa mig ?

Spurningin er hvort ég eigi að hanga í tré, setja mig niður eða slá mig reglulega ?

En það er ekki nokkur spurning að maður á að rækta sjálfan sig og jafnvel vini sína líka.

.

 

.

Skrambinn !

 

Verð ég þá að hætta í liðinu ? 

.

 

.

Ferguson styður 6+5 regluna

Ekki er öll vitleysan eins.

Sjálfstæðismenn velkomnir !

 

Sjálfstæðismenn óskast á síðuna mína til að svara spurningu sem á mér brennur;

Hvað fær þig til að kjósa x-d ?

Ég er að biðja um málefnalegar og heiðarlegar útskýringar frá ykkur.

Þið megið gjarnan koma fram undir dulnefni ef ykkur finnst þægilegra að tjá ykkur þannig.

Umfram allt vil ég reyna að skilja það sem ég alls ekki skil.

.

 

.

Sjálfstæðisflokkur með mest fylgi

Ég er ekki skjaldbaka.

 

Nýlega var sett skilti á planið fyrir utan vinnustaðinn minn;  15 km. hámarkshraði.

 

Ég verð að játa á mig lögbrot. 

Dag eftir dag hef ég keyrt yfir planið á 30 km. hraða.

Ætli ég missi prófið ef lögreglan sér mig ?   Tvöfaldur leyfilegur hraði, ef mér reiknast rétt til. 

Það er einfaldlega fyrir skjaldbökur að keyra á 15 km. hraða.  Og þá meina ég auðvitað skjaldbökur með bílpróf.  Og ófullar.

.

 

.

 

Kannski ég fari bara svona að á morgun.

Þá skulum við líta á boðaða stefnu Sjálfstæðisflokksins.

 

HÉR ER STEFNAN eins og hún var boðuð fyrir síðustu kosningar.

Það þarf engan snilling til að sjá samhengið í stefnunni og því sem síðan gerðist.

Og miðað við skýrsluna;   ætti þá ekki fólkið sem sat á þingi fyrir Sjálfstæðisflokkinn að biðjast afsökunar og stíga af sviðinu ?  Og þá meina ég allir.

.

 

.

Ef málið væri ekki grafalvarlegt, mætti næstum því sjá þessa mynd sem brandara.

.

 

Stefna brást ekki, heldur fólk

Til þín og þinna.

 

Heill sé þér og þínum

þá einnig mér og mínum

þegar þú og þínir

næst hitta mig og mína,

megi gestrisni mín og minna

jafnast á við þá sem þú og þínir

hafa sýnt mér og mínum

í dag.

 

.

 

Föstudagurinn tuttugastiogsjöundi.

Föstudagurinn tuttugastiogsjöundi;

.

Í morgun arkaði ég í vinnuna og steig í þann eina poll sem var á gólfinu.  Afleiðingin var sú að ég hefði farið í splitt, hefði ég getað það.     Fæturnir fóru semsagt út um allt og ekki í sömu átt.   Þrátt fyrir jákvæðan vilja get ég ekki sagt að tilburðir mínir hafi verið tignarlegir.   Sennilega var byltan í hallærislegra lagi þótt ég segi sjálf frá.   En ómeidd er ég.

Síðan gerist það í hádeginu að ég sest upp í minn sífellt verðmeiri bíl en hann er að hluta til fjármagnaður með frekar alþjóðlegum hætti .... og keyri af stað.  Sól var í heiði og líka hjá mér svo ég opna gluggann.  Skyndilega svínar bíll fyrir mig svo ég stöðva minn eðalvagn snöggt og ákveðið.     Vill þá ekki betur til en svo að íshröngl sem safnast hafði á þak bílsins losnar og með einhverjum ótrúlegum hætti kom það allt inn um gluggann.  Þarna sat ég því með heilu ísklumpana í fanginu.   How cool is that ?

.

.

En að allt öðru;

Af hverju er sagt að eitthvað sé laukrétt ?

.

 

.

Og af hverju er sagt að eitthvað sé arfavitlaust ?

.

 

.

Laukur í verðlaun fyrir laukrétt svar.   

 

Kvefaður klerkur.

 

Ég afgreiddi prest í vinnunni í gær.

Í miðri afgreiðslu hnerraði hann......... atjúúúúúú.

Og aftur.......... aaaatjúúúúúúú.

Ég þagði.

Hann hnerraði í þriðja sinn......... aaatjúúúúúúú !

Þá sagði ég ..............

. 

  Guð hjálpi þér ! 

.

 

.

Mér fannst ég satt að segja vera komin aðeins inn á hans verksvið. 

 

Eins og talað úr mínu hjarta.

 

Auðvitað eiga þeir sem gömbluðu með fé landsmanna að skila því.  Í mínum huga ber útrásarvíkingunum að skila öllu því fé sem þeir eiga.... m.ö.o. vera þeir fyrstu til að greiða upp skuldir þjóðarinnar.  Síðan, þegar því er lokið, á að ganga að okkur ábyrgðarmönnunum. 

Sem vissum samt ekki að við værum ábyrgðarmenn, enda var manni kennt að skrifa ekki uppá fyrir ókunnuga. 

Ég er sammála Atla Gíslasyni varðandi það að ætli þessir menn sér að stinga af með auðinn, þá eiga þeir ekki landvistarrétt á Íslandi í framtíðinni.  Hins vegar, skili þeir því sem þeir tóku frá þjóðinni og biðjist fyrirgefningar, þá er ég til í að taka þá í sátt.  Við verðum að muna að þeir eru líka fólk og að þeir eiga líka börn.  En á sama hátt eiga þeir að muna eftir okkar börnum sem erfa munu landið.

.

 

.

Útrásarvíkingana á válista