Hrukkukremið.

23.4.2010 | 10:44

Fenguð þið sumargjöf ?

Ég fékk !

Á maður að gleðjast eða gráta þegar eiginmaðurinn gefur manni hrukkukrem ? Pouty

Jæja, ég viðurkenni alveg að þegar Nivea anti wrinkle var auglýst í sjónvarpinu, varð mér á orði að mig vantaði þannig. En ég var auðvitað að djóka. LoL

Ég les alltaf leiðbeiningar á öllu núorðið. Það kemur svosem ekki til af góðu. Fyrir nokkrum árum keypti ég mér brúnkuklúta. Eitt kvöldið var ég á leið í gleðskap og tók því einn klútinn og renndi honum yfir andlitið. Ekkert gerðist. Ég varð mjög hissa og renndi honum aftur yfir andlitið og varð sífellt meira hissa á því að nákvæmlega ekkert gerðist. Gasp Hafði ég keypt eitthvert ónýtt drasl ? Ég fór að lesa: "berist á húð - virkar eftir 4 klukkutíma" !

Það er skemmst frá því að segja að kjellan fór hvít í partý en kom dökkbrún heim. Cool

En aftur að núinu.

Ég er búin að lesa leiðbeiningarnar á hrukkukreminu og mér líkar ekki allskostar allt sem þar stendur:

Rekommenderad åldersgrupp 33-47 år.

Hvurslags asnaskapur er það ?

Mér líður eins og ég sé að verða útrunnin. Woundering

wrinkle_1745

Orð dagsins:

Alls ekki nota hrukkukrem þegar þú ert orðin hrukkótt/ur.

Flokkur: Lífstíll | Facebook

Athugasemdir

ansans vesen...ég er þá útrunnin og get ekki notað þetta krem. Er nú bara með eina hrukku og ég sit á henni !

Ragnheiður , 23.4.2010 kl. 10:52

hahahhaha þið eruð svo frábærar! Hvenær eigum við að taka bústað og flissa heila helgi?

Hrönn Sigurðardóttir, 23.4.2010 kl. 10:56

Tökum bústað í haust - þegar ég er orðin slétt í framan - og flissum eins og okkur sé borgað fyrir það. Ok ?

Anna Einarsdóttir, 23.4.2010 kl. 11:03

Hjónabandinu ekki lokið ?

Ég rétt minntizt á hvað gleðihrukkurnar í andliti konudýrz mín kæmu fallega fram eftir þriggja daga zkíðerí í zól & zef enn í geztaherberginu!

Steingrímur Helgason, 23.4.2010 kl. 20:42

Gefðu henni hrukkukrem. Það toppar daginn hjá konudýrinu.

Anna Einarsdóttir, 23.4.2010 kl. 21:01

Og ertu ekki búin að veita karlinum þínum viðeigandi ráðningu fyrir tiltækið? Á sumum bæjum væri blátt áfram lífshættulegt fyrir eiginmanninn að ota hrukkukremi að sinni heittelskuðu.

Jóhannes Ragnarsson, 25.4.2010 kl. 12:28

Hann fær viðeigandi meðferð.

Anna Einarsdóttir, 27.4.2010 kl. 16:07

Ég á ekki orð, gaf hann þér hrukkukrem.

Þetta hlýtur að vera afgreitt vitlaust í búðinni.

Þorsteinn Valur Baldvinsson, 27.4.2010 kl. 20:02

Hann bað um krukkukrem, held ég.

Anna Einarsdóttir, 27.4.2010 kl. 23:29

Ef svo er, þá er spurning hvort þeir hafi tekið of mikið úr honum á sjúkrahúsinu.

Var svo hrifin af þessu framtaki þínu að ég skutlaði gömlu á Neskaupsstað til að láta taka úr henni ónýtan botnlanga og eitthvað af göllum í leiðinni, er núna að fá bakþanka.

Þorsteinn Valur Baldvinsson, 28.4.2010 kl. 09:27

Hvernig segir maður "þarft framtak" í fleirtölu ? Þetta eru þörf framtök.

Og síðan skora ég á þig, Þorsteinn Valur, að koma í keppni. Minn kom heim með gallsteina í krukku. Ég þori að veðja að minn var með fleiri grjót en þín.

Anna Einarsdóttir, 28.4.2010 kl. 09:38

Nú fór ekki vel Anna, mín á nýrnasteina í krukku fyrir.

Hver ætlar að telja?

Þorsteinn Valur Baldvinsson, 29.4.2010 kl. 11:26

Það þarf nú engan sérfræðing til að telja upp að ellefu.

Sumir ROSA STÓRIR !

Hvað eru margir í þinni heimiliskrukku ?

Anna Einarsdóttir, 29.4.2010 kl. 13:35

Játa mig sigraðan

Þorsteinn Valur Baldvinsson, 30.4.2010 kl. 10:46

Anna Einarsdóttir, 30.4.2010 kl. 11:54

MIg langar að vita nákvæm úrslit... fór leikurinn 11-2 eða 11-10 ???

Brattur, 1.5.2010 kl. 10:48

7-11

Þorsteinn Valur Baldvinsson, 1.5.2010 kl. 19:36

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.