Geri alltaf allt rétt.

20.5.2007 | 23:22

Þegar ég var 13 ára gömul var ég barnapía hjá ráðskonu í sveit. Ári síðar hætti ráðskonan og flutti í burtu með barnið og þá var ég atvinnulaus. Ég sótti því um ráðskonustarfið og fékk það. Óskiljanlegt, því ég kunni ekkert til húsverka. Á þessum bæ komu oft gestir óvænt. Það mæddi því töluvert á ráðskonunni ungu. Dag einn komu margir gestir. Ég fór í frystikistuna og náði í bjúgu og svo sauð ég kartöflur og gerði minn fyrsta jafning. Eða..... það átti að vera jafningur. Eitthvað mistókst mér nú smá - vil ekki gera mikið úr því samt. Fólkið settist að borðum, fékk sér á diskinn en þegar það ætlaði að setja herlegheitin uppí sig, þá slitnaði ekki sósan eins og hún á að gera, frá diskinum. Ahhhh, fyrir smá misskilning samanstóð matseðillinn af bjúgum með kartöflum og lími.

Síðan hefur mörg sósan runnið til sjávar - segir grískur málsháttur.

Flokkur: Spil og leikir | Facebook

Athugasemdir

Heldurðu að þessi sósa hafi náð til sjávar?

Arnfinnur Bragason, 20.5.2007 kl. 23:33

Þessi örsaga er skemmtileg en ég hjó eftir hversu ung þú varst. Vááá þetta er bannað ANNA! Gott að þú varst þó hjá fólki sem þú varst farin að þekkja.

Jenný Anna Baldursdóttir, 21.5.2007 kl. 03:06

Ráðagóða ráðskonan.... Segi nú eins og Arnfinnur..sé nú ekki sósuna þína renna eitt eða neitt.

Katrín Snæhólm Baldursdóttir, 21.5.2007 kl. 14:58

"Enginn verður óbarinn jafningagerðarmaður" segir ævafornt indverskt máltæki .... eða var það "karrýgerðarmaður" ?

Hugarfluga, 21.5.2007 kl. 21:15

Það er svo einstaklega gaman að máltækjum.

Anna Einarsdóttir, 21.5.2007 kl. 21:20

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.