Vöknuð !

 

Jæja sko.

Í gærmorgun sagði ég "morgunstund gefur gull í mund".

Núna vaknaði skjátan klukkan sex.    ....... og er í sumarfríi !

Er þetta merki um að ég sé að verða gráðug á gullið ? 

Eða er ekki allt í lagi heima hjá mér ?

Augnablik !

Jújú, allt í ró og spekt og hundurinn hrýtur frammi.

Hef víst aldrei sagt ykkur að hundurinn hrýtur alveg ótrúlega hátt.

Við erum að tala um 8 desibil. 

Hvort ætti ég að fara með hann til háls- nef og eyrnalæknis eða dýralæknis ?

Það bitnar á ykkur að ég get ekki sofið.

Þvílíkt endemis buddl. 

 

 

Best ég reyni að syngja mig í svefn.

Athugasemdir

[Brattur, 18.7.2007 kl. 07:49]

... góðan daginn!... það getur verið erfitt að sofa þegar maður er spenntur....

[Anna Einarsdóttir, 18.7.2007 kl. 07:55]

Góðan daginn Brattur !

Ég var einmitt að gefast upp á söngnum.  Var komin í stuðlög og ekkert að sofna.

[Brattur, 18.7.2007 kl. 07:59]

... það er gott að geta skriðið uppí aftur.... en aumingja ég... á leiðinni í vinnuna... en hún er þó skemmtileg... það er kostur...

[Anna Einarsdóttir, 18.7.2007 kl. 08:04]

Nú er ég búin að laga netkaffi fyrir þig kaddl. 

[Brattur, 18.7.2007 kl. 08:06]

... mundu... bara te hérna meginn...

[Brattur, 18.7.2007 kl. 08:06]

nette...

[Anna Einarsdóttir, 18.7.2007 kl. 08:07]

Nette hljómar bara svo illa. 

[Anna Einarsdóttir, 18.7.2007 kl. 08:08]

Asnaprikið þitt Brattur !  Stalst nýyrðinu mínu.

[Brattur, 18.7.2007 kl. 08:09]

... nette lítur ekki vel út... og ekki víst að venjulegt fólk fattið svona orð...

[Brattur, 18.7.2007 kl. 08:09]

fatti

[Anna Einarsdóttir, 18.7.2007 kl. 08:09]

Mette drekkur nette. 

[Anna Einarsdóttir, 18.7.2007 kl. 08:10]

Heldurðu að Mette fatti gott nette ?

[Anna Einarsdóttir, 18.7.2007 kl. 08:12]

Er ég að tala íslensku ?

[Brattur, 18.7.2007 kl. 08:12]

... jæja... mikðvikudagur og lífið gengur sinn gang... best að kíkja út og sjá hvað bíður... heyrumst í kvöld...

[Anna Einarsdóttir, 18.7.2007 kl. 08:14]

Hagaðu þér þokkalega í vinnunni pjakkur. 

[Anna Einarsdóttir, 18.7.2007 kl. 08:24]

Best að reyna að kúra........

Ó hve létt er þitt skóhljóð

ó hve lengi ég beið þín

er ég syng koma óhljóð

já ég syng eins og svín

en ég reyni að raula

þetta heitir að baula

hljóðin óma eins og væl

ég er sofnuð með stæl

[Halldór Egill Guðnason, 18.7.2007 kl. 09:10]

Sæl, kæru bloggvinir. Afsakið fjarveruna. Eða voruð þið kannski bara fegin að losna við mig um stund? Búinn að lenda í miklum hremmingum með tölvuna heima og seinni partinn í gærkveldi var orðið ljóst að hún ætti ekki langt eftir. Gat tuðað eitt eða tvö komment og að því loknu, laust upp úr miðnætti gaf vélin endanlega upp öndina. Móðurborðið hrunið og ljóst að viðgerð borgar sig engan veginn. Veikindi "Dellu" hófust með "hiksti í mús" sem yfirleitt er ekki talinn hættulegur, að öllu jöfnu, en endaði semsagt með andláti í nótt.  Blóm og kransar vinsamlegast afþakkaðir, en þau sem vilja mynnast hennar er bent á "Leitasrjóð Lúsifers" á Akureyri. 

[Anna Einarsdóttir, 18.7.2007 kl. 09:47]

Við söknuðum þín !

Nú arkar þú út í búð og kaupir þér nýja tölvu strákur.

Ég hlusta ekki á nein mótmæli hér.

[Edda Agnarsdóttir, 18.7.2007 kl. 10:35]

kvitt frá Ísafirði!

[Hugarfluga, 18.7.2007 kl. 11:29]

Ég held að þú ættir að prófa að fara með hundinn á bifreiðaverkstæði og láta tékka á hljóðkútnum í'onum. Og hey ... ég svaf til 10.58 og það er allt of mikið. Núna er ég með bakverk og sí-geyspandi. Hefði getað verið búin að gera helling í fríinu mínu, en nenni engu núna.

[Ingibjörg Friðriksdóttir, 18.7.2007 kl. 11:38]

Nei Anna, hundurinn er sennilega með skakkt miðnesi eða þá úfurinn of síður.

sem minnir mig á að eigi verður jakki frakki, nema síður sé. 

Leist þér ekki vel á lýsinguna á folanum mínum sáluga? (sjá komment á síðasta bloggi.)

Ég veit ekki hvort ég kemst á leikinn í kvöld, nema þú hafir kannski einhver ráð handa mér til að dulbúast.  Ferð þú á leikinn? 

[Marta B Helgadóttir, 18.7.2007 kl. 12:10]

er ennnnnnnn á flakkinu á Austfjörðum- takk Anna fyrir skemmtilegar færslur frá þér.

[Anna Einarsdóttir, 18.7.2007 kl. 12:16]

*geisp* 

Lýsingin á klárnum Inga......... ég tók sérstaklega eftir því að hann var alltaf 17 vetra.

Hæ stelpur, austur og vestur !

[Ingibjörg Friðriksdóttir, 18.7.2007 kl. 13:08]

var að spá í hvort þú værir í hestamennsku eftir að þú sagðist þurfa að strauja hestabuxurnar þína.  því þá gætum við rakið ættir Hrafns frá Holtsmúla,

[Anna Einarsdóttir, 18.7.2007 kl. 13:23]

Hrafn er undan Snæfaxa frá Páfastöðum og Jörp frá Holtsmúla.  Hrafn var frekar graður og eignaðist 5-600 afkvæmi.  Ég nenni engan veginn að telja þau upp núna. 

Þú kynnist mér með tíð og tíma Ingibjörg.... no comment, no comment. (vá, ég tala eins og ég sé fræg) 

[Ingibjörg Friðriksdóttir, 18.7.2007 kl. 13:31]

þú hlýtur að vera fræg, ef ekki núna, þá strax.

Það komu margir góðir frá Páfastöðum og allir brúnir.

Imbu genin láta ekki að sér hæða 

[Halldór Egill Guðnason, 18.7.2007 kl. 13:38]

Gobbidí gobb!!!!   600 afkvæmi.!! Nóg að gera þar  Átti einu sinni átta hesta. Þá var gaman.

[Anna Einarsdóttir, 18.7.2007 kl. 14:02]

Allt í lagi þá...... læt undan þrýstingi.  Já, ég á sýnishorn af stóði,, fjóra hesta.    Enginn brúnn !

[Ingibjörg Friðriksdóttir, 18.7.2007 kl. 17:12]

Stóri hesturinn minn brúni

stendur útí túni.

Sólin skín á hann allan

Hvað segir hún amma þín.      eöa þannig kvað frægur hestamaður sem löngu er nú fallinn frá.

Hvaðan eru þínir gæðingar Anna og Halldór Egill. Hvaðan voru þínir klárar.

Minn 17 vetra foli var grár á lit,  undan Slaufu frá Meðsetju og Kjarki frá Rauða-Hofi. Hann sagði líka gobeddí gobbedí gobb.

Það er ekkert að eiga 600 afkvæmi þegar þau eru dreifð um allar jarðir. 

Annars, er ég að fara í snyrtingu fyrir leikinn í kvöld.