Tíska er fáránleg.

16.8.2007 | 21:38

Hvaða mannapi ákvað að allir ættu að fylgja "tískunni" og vera eins ?

Hver segir að mannverur séu fallegri með uppstrílað hár heldur en ógreiddar ?

Og það heimskulegasta af öllu..... hvaða máli skiptir merki á flík ?

-----------------------------------------

Ég er búin að velja fegurðardís dagsins.

Þessi yndislega stelpa er frá Nepal.

-----------------------------------------

Nepal_crop_w350

Flokkur: Spil og leikir | Facebook

Athugasemdir

Hæ sæta mín, fann ykkur Gillí á tölvuflandri, er svona búin að vera að glugga í skrifin þín og það er nú bara skemmtilegt ;) Gaman að finna gamla vini og sjá hvað þeir eru að bralla, ekki það að þú sért að bralla neitt..... Allavega máttu vera viss um að ég kíki á þig af og til í framtíðinni, knús frá Unni fyrrum fyllirafti og félaga í fylliraftafélaginu jú og fyrrum ljósmóður

Unnur Valdemarsd. (IP-tala skráð) 16.8.2007 kl. 21:47

UNNUR !! Frábært að hitta þig hér. Má ég leiðrétta þig smá svo lesendur mínir haldi ekki að við höfum verið í einhverju drykkjumannafélagi.

Fyllivaskar hét það...... og var fullt af vösku fólki. Við brölluðum nú margt sem vert væri að rifja upp. Sumt er þó líklega óprenthæft.

Og "sonur" þinn varð tvítugur um daginn. Til lukku Unnur "pabbi"

Stórt knús til þín líka.

Anna Einarsdóttir, 16.8.2007 kl. 21:59

Ég verð nú bara að vera sammála þér. Þessi skvísa er líka algjör dúlla!

Bjarndís Helena Mitchell, 16.8.2007 kl. 22:00

Hún er voða sæt.

Ragnheiður , 16.8.2007 kl. 22:05

Krútt

Edda Agnarsdóttir, 16.8.2007 kl. 22:19

Hún minnir mig á RONJU, sem var eins sæt og Pippi litla langströmp,

Ég þótti mjög lík Pippi, enda sæt með afbrigðum.

Flott hjá þér að finna mynd af þessarri fegurðardís.

Ingibjörg Friðriksdóttir, 16.8.2007 kl. 22:27

Þú ættir að senda myndina til Viktoríu Bekkham sem eyðir milljónur dollara í föt.....ja...sennilega í hverri viku og er ekki nærri jafn sæt og þessi litla snót.

Gíslína Erlendsdóttir, 16.8.2007 kl. 23:02

Mikið rétt. Þörf ábending. Myndi fara í Don Cano galla og setta fluffuteygju í hárið akkúrat núna, ef ég ætti slíkar gersemir, og gefa skít í tísku. Smjúts.

Hugarfluga, 17.8.2007 kl. 00:17

Bíddu bara... ógreiddar hárlufsur komast ábyggilega í tísku bráðum og þá verða allir þannig:)

Heiða B. Heiðars, 17.8.2007 kl. 00:30

Ég hef ekki átt greiðu eða hárbursta í fjöldamörg hár..finnst það algerlega gagnslausir hutir fyrir mitt fína hár sem vill helst vera út um allt og fötin sem ég kaupi flest í secondhandbúðunum eru mjög fín og jafnvel með einhverjum merkjum á. Það skiptir hinsvegar ekki máli..heldur að þar finnur maður flíkur sem eru í stíl við mann sjálfan....kosta lítið en þau fáu pund renna beint til góðverka á ýmsum sviðum. Og þetta eru föt sem einhver gaf svo hægt væri að halda þessari hringrás gangandi. Mér finnst þetta mjög flott hagfræði sem ætti að vera í tísku hjá sem flestum.

Aumingja Victori Beckham...hugsið ykkur hvað hún missir af mörgum mikilvægu bara með tímaeyðslunni í að klæða sig og snyrta áður en hún getur svo farið að standa fyrir og vera puntukella. Agalegt lífsstarf sem konugreyið er að burðast með.

Katrín Snæhólm Baldursdóttir, 17.8.2007 kl. 09:21

Hæ aftur, er klædd og komin á ról, fyllivaskafélagið hét það, mér fannst þetta líka eitthvað skrítið og hugsaði ; hvernig í ósköpunum datt okkur í hug að kalla okkur fyllirafta En ég man það núna við vorum agalega mikið að fylla vaska.

OG mér alltaf jafn furðulegt þegar börn fæðast og eru svo orðin tvítug eftir ca. 3 ár, skilaðu kveðju til kappans

Unnur aftur (IP-tala skráð) 17.8.2007 kl. 09:41

Fallegt barn, eins og reyndar öll börn. Ekki mulið undir hana, þessa elsku, frekar en milljónir annara á hennar aldri. Þetta tísku, merkja og ímyndarkjaftæði er löngu orðið að farsa hjá of mörgum. Victoria Beckham ? Tja...ef það er flott að vera álíka mikil um sig og Svalarör, andlitið hulið með sólgleraugum sem er fast að hálfur fermetir, klædd örflíkum, sem eru varla meira en merkjamiðinn, þá hefur maður greinilega ekki verið að fylgjast með. Nei, hólkvíðar pokabuxur og skyrtur í XL. Það er toppurinn. Örstutt hár, nú eða bara skalli. Hef ekki átt greiðu í áratugi, enda ekki þurft. Það verður bannað að mæta í merkjavöru á skákmótið!! Allir í strigapkum og gúmmískóm.!

Halldór Egill Guðnason, 17.8.2007 kl. 11:48

Unnur mín,, ég skila kveðjunni. Endilega kommentaðu stundum. Mér finnst það svo skemmtilegt. Næstum eins og að tala við þig.

Ég sé að bloggvinir mínir eru almennilegt fólk. Ekkert snobbvesen. Ánægð með það.

Anna Einarsdóttir, 17.8.2007 kl. 15:04

Ég held svei mér að ég hafi séð þessa greiðslu á einhverjum tískusýningarpallinum. Þessi dama ber hana hinsvegar betur! ...og jú, skrýtið fyrirbæri þetta tískudæmi. Ég er að ala upp ungling. Say no more

Laufey Ólafsdóttir, 18.8.2007 kl. 10:44

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.