Glimmerljósið.

4.1.2008 | 23:30

Þegar ég fór til Danmerkur í nóvember, keypti ég mér tvær ógurlega fallegar jóla-glimmerkúlur í Tívolí. Önnur var með ljósaperu inní, til að hengja upp. Hin var með standi og ætlast til að sett væri inn í hana teljós.

Það var ekki auðveldast í heimi að koma þessum djásnum heim.... þurfti að hafa í handfarangri og fara afar varlega með. Á leiðinni, stakk ég hönskum í sama poka. Þegar ég kom heim og tók upp úr pokanum, blöstu ekki við mér leðurhanskar, heldur glimmerhanskar . Obbobobb. Of mikið glimmer.

Þá fékk ég snilldarhugmynd. Wink Ég ætlaði sjálf að eiga ljósið sem hengja átti upp...... en mamma átti að fá teljósið með glimmerinu sem hrundi út um allt. Ógurlega fallegt... but you know, too much glimmer for me. Smile

Síðan rennur upp aðfangadagskvöld og mamma opnar pakkann frá mér. Hún fékk bók og þetta líka gullfallega glimmerljós og var afar ánægð. Ég var sko líka ánægð. LoL

Eftir að allir pakkarnir höfðu verið opnaðir, fór ég í eldhúsið að útbúa ís og marengs-ávaxta-rjóma-kókosbollu-eftirrétt. Skömmu síðar gekk ég í stofuna.

Ó ! Gasp Sé ég ekki hvar mamma er búin að taka glimmerljósið uppúr kassanum og er að skella því á stofuborðið hjá mér. Pinch Glimmerið nánast þakti borðið á augabragði. Þvílíkt magn ! Frown

Mamma fór alsæl heim með ljósið og þetta var eiginlega bara mátulegt á mig !

Flokkur: Spil og leikir | Facebook

Athugasemdir

Hehehehe já sumt svona dót er erfitt í meðförum

Ragnheiður , 4.1.2008 kl. 23:50

... mamma snjöll... skilja bara glimmerið eftir hjá þér... hefðir þú ekki átt að skrifa á pakkann... "opnist utandyra"... eða "opnist heima hjá þér,mamma"....

Brattur, 5.1.2008 kl. 00:20

Ég sætti mig bara við að árið 2008 er árið sem ég varð glimmergella.

Anna Einarsdóttir, 5.1.2008 kl. 00:28

Góður!

Edda Agnarsdóttir, 5.1.2008 kl. 00:52

Fagra litla diskó dís

djísus, hvað þú ert fín,

glimmer, glans og mýs,

í gallann sem þú ferð í.

En Anna, það er rétt hjá þér, þetta var bara alveg mátulegt á þig.

Spurning hvort það eigi að vera glimmer þema á móti komanda?

Ingibjörg Friðriksdóttir, 5.1.2008 kl. 11:52

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.