Tilvonandi tengdamamma.

 

Hvar skal byrja ? 

Æ, ég byrja bara einhvers staðar.  Það er aldrei hægt að segja alla söguna því hún myndi hljóma einhvern veginn svona;  Svo lagðist ég á sólbekkinn sem Egyptinn hafði komið svo haganlega fyrir á besta stað við sundlaugarbakkann og lá þar næsta hálftímann.  Þá var mér orðið heitt svo ég hoppaði í hálfkalda laugina og kældi mig.  Síðan skreið ég aftur á sólbekkinn.  Eftir hálftíma hoppaði ég aftur í laugina en hafði í millitíðinni skellt í mig einum bjór.  Svo lagðist ég aftur á sólbekkinn.......

.

Nei, þið eruð ekki að fiska eftir svona sögu ef ég þekki ykkur rétt. 

.

Ok, hverju klúðraði ég feitt ?  Engu.    Guð hvað það er nú fyndið í sjálfu sér.   

.

Stærsta fréttin er líklega sú að ég kom heim með bónorðsbréf í töskunni.  Einn Egyptinn, 23ja ára drengur sem ætlar að verða Doktor eftir tvö ár, kom að máli við okkur.  Hann varð svona líka yfir sig heillaður af Íslendingunum.... okkur sko.    Egyptar urðu það reyndar allir !  Höfðu aldrei séð Íslendinga áður.  Nema hvað..... Muhamed en svo hét strákurinn, spurði hvort við ættum börn.  Þegar hann komst að því að dóttir mín væri 18 ára og á lausu, henti hann sér á hnén og bað um hönd hennar.  Hann bætti svo um betur daginn eftir og mætti með skriflega beiðni.  Beiðnin leit út eins og ferilskrá og svo var persónulegt bréf til dóttur minnar, ásamt mynd á hinni hliðinni.  Ég er ekki að djóka. 

Eftir bónorðið, var honum sagt að ef fyrirætlan hans lukkaðist, gæti hann kallað mig "mother in law".  Strákanginn hefur ætíð síðan kallað mig "mother love". 

.

Egyptaland er undursamlegt land.  Þar er fólk ljúft og landið skemmtilega öðruvísi.  

Athugasemdir

[Ragnheiður , 25.5.2008 kl. 17:49]

Hehehe ég hefði pakkað honum niður og komið með hann heim, kannski ekki sem tengdason, á svoleiðis en einhver vill hann örugglega.

[Gunnar Helgi Eysteinsson, 25.5.2008 kl. 17:58]

Aðeins yfirdrifið háttarlag, en sniðugt.

[Svanhildur Karlsdóttir, 25.5.2008 kl. 21:06]

Hehehe skemmtileg upplifun

[Guðrún Arna Möller (IP-tala skráð) 25.5.2008 kl. 21:26]

Jeminn eini!  Og hvernig líst dóttur þinni svo á gripinn?

[Anna Einarsdóttir, 25.5.2008 kl. 21:34]

Ragnheiður;  Taskan var full ! 

Guðrún Arna;   Hún hlær bara að þessu..... enda er þetta eiginlega fyndið.     Hann hefur ekki einu sinni séð mynd af henni og hann sagði við okkur  "If she is beautiful, it is not að problem...... but she must be nice". 

Jahmmm... ekki VANDAMÁL ef hún er falleg. 

[Hrönn Sigurðardóttir, 26.5.2008 kl. 00:01]

Gott að fá þig heim

[Brynjar Jóhannsson, 26.5.2008 kl. 00:20]

Hvað er þetta

gastu ekki gert dóttur þína út ?

[Birna Dis Vilbertsdóttir (IP-tala skráð) 26.5.2008 kl. 10:33]

Gott að þú ert komin heim.

[Brjánn Guðjónsson, 26.5.2008 kl. 11:00]

svona er nú munurinn á menningarheimunum, er það ekki málið?

eða er Muhamed kannski bara nöttkeis?

[Edda Agnarsdóttir, 26.5.2008 kl. 15:59]

Kúl, ég ætla að flýta mér þangað, ég á eina sem er ógift og á lausu komin hátt í fjórða tuginn - það yrði bónus að koma heim með bónorð!

[Ásdís (IP-tala skráð) 26.5.2008 kl. 17:42]

Svakalega hefur stráksi gott innsæi, Mother love, móðir Teresa eruð þið ekki bara svipaðar? Gott að þú ert komin heim og farin að blogga. Hér voru margir með heiftarleg fráhvörf svo stefndi í fjöldainnlagnir á geðdeild.

[Anna Einarsdóttir, 26.5.2008 kl. 21:24]

Gott að vera komin heim. 

Brjánn..... þú hittir beint á hausinn á naglanum.... Muhamed er hnetutoppur.

Ásdís.....  móðir Teresa ???      Ég myndi heldur segja að ég væri lík............................ froski.   Kommentið var nú samt ljúft.    

[Einar Indriðason, 26.5.2008 kl. 23:26]

Froski?  Ég sé ekki líkinguna?

Skýra út?

[Anna Einarsdóttir, 26.5.2008 kl. 23:47]

Mér finnst ég ekki standa undir samlíkingunni við þá undursamlega góðu konu, móður Teresu svo ég vísa þeirri samlíkingu frá en set í staðinn fram þá tilgátu að ég gæti hugsanlega líkst froski. 

Tómt bull hérna eins og venjulega.

[Einar Indriðason, 27.5.2008 kl. 09:23]

Heyrðu, já.... ég sé það núna... Afrískur tréfroskur af þessari gerð?