Heitt rúgbrauð.

17.6.2008 | 23:15

Í Vestmannaeyjum hefur það tíðkast allt frá eldgosinu 1973, að baka rúgbrauð í heitu hrauninu.

Þá er rúgbrauðsdeigið sett í afskorna mjólkurfernu sem síðan er sett ofan í heita holu við hraunið.

Einu sinni bar svo við að konungborið fólk heimsótti Eyjuna. Til stóð að fara með kóngafólkið í skoðunarferð að morgni og átti einn dagskrárliðurinn að vera sá, að grafa upp heitt rúgbrauð og bjóða þeim að smakka.

Um morguninn mundi leiðsögumaðurinn allt í einu að hann hafði steingleymt rúgbrauðinu. Hann hringdi í snarhasti í bakaríið og bað stúlku eina að fara með nýtt rúgbrauð strax á þennan tiltekna stað í hrauninu og grafa brauðið þar niður.

Stúlkan gerði eins og fyrir hana var lagt.

Síðan var áð í skoðunarferðinni á þessum tiltekna stað. Leiðsögumaðurinn grefur hróðugur upp rúgbrauðið nýbakaða.

Kóngafólkið átti ekki til eitt aukatekið orð yfir þessu undri.

rugbraud

Rúgbrauðið var niðurskorið. W00t

Flokkur: Spil og leikir | Facebook

Athugasemdir

Hahaha góð! hvernig ferðu að þessu að finna allt þetta skemmtilega bull? Knús á þig darling:

Edda Agnarsdóttir, 17.6.2008 kl. 23:22

Þessa sögu heyrði ég í Vestmannaeyjum. Hún var sögð af leiðsögumanni sem sýndi hópi fólks Eyjarnar, þar með talið mér og ku sagan vera sönn.

Anna Einarsdóttir, 17.6.2008 kl. 23:27

Skyldi leiðsögumaðurinn hafa verið Palli Helga..................

Guðrún Jóna Gunnarsdóttir, 18.6.2008 kl. 00:10

Vestmannaeyingar og Anna Einars; the best things since sliced bread!

Helga Guðrún Eiríksdóttir, 18.6.2008 kl. 01:03

hahahahahahahahahahahahahahahahaaaaaaaaahahahahahha U kill me!!

alva (IP-tala skráð) 18.6.2008 kl. 01:59

Ég er að fara á pollamótið í Vestmannaeyjum um aðra helgi. Hahahahahahaaaa. ég mun segja þessa sögu þar. hahahhahah

Ingibjörg Friðriksdóttir, 18.6.2008 kl. 09:46

hahahaha..sá í neðra hjálplegur við að skera brauðið hehe

Ragnheiður , 18.6.2008 kl. 10:34

Guðrún Arna Möller (IP-tala skráð) 18.6.2008 kl. 14:08

Var ekki bara búið að skera í deigið, fyrir baksturinn ?

*ljózk* ....

Steingrímur Helgason, 18.6.2008 kl. 20:22

Hrönn Sigurðardóttir, 18.6.2008 kl. 21:14

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.