Er þetta okur eða er þetta rán ?

9.9.2008 | 21:55

Er þetta okur eða er þetta rán ?

Einu sinni á minni lífsleið, hef ég þurft að ráða mér lögfræðing. Ekki ætla ég að útlista hér hvers vegna, heldur aðeins að deila með ykkur reikningnum sem ég fékk frá honum.

Reikningurinn var sundurliðaður og eitt atriði vakti sérstaka athygli mína;

Reynt að hringja í Önnu kr. 5000,- (og síðan kom vaskur ofan á það)

Aldrei, hvorki fyrr né síðar, hef ég séð jafn mikið eftir því að hafa ekki verið með símann á mér. Frown

Það kom nefnilega önnur lína á reikningnum...... hringt í Önnu kr. 5000,-

telephone%20ringing%20twn

Nú.... skoðum málið aðeins betur. Ég tók tímann á - að reyna að hringja í einhvern sem ekki svarar - og fékk þá útkomu að ef maður hringir sex hringingar, tekur það hálfa mínútu.

Og haldið ykkur nú ! Miðað við ofangreint dæmi er lögfræðingurinn, eða lögfræðiskrifstofan, með sexhundruðþúsund krónur á tímann. Shocking Plús vask.

Æhhhh, ég vona að strákarnir á lögfræðiskrifstofunni muni eftir að greiða símareikninginn. Wink

Flokkur: Viðskipti og fjármál | Facebook

Athugasemdir

Ég ætla sko að verða lögfræðingur þegar og ef ég verð einhverntíman stór...........

Hrönn Sigurðardóttir, 9.9.2008 kl. 22:01

Guð ! afhverju varð ég ekki lögfræðingur ? ;)

Aprílrós, 9.9.2008 kl. 22:33

12000 kall á tímann án vazk & engin blöndunartími.

Mágur minn er lögfræðiIngi í einkaeign ríkizbubbanna sem að keyptu öreigabubbann hérna um árið með mannorði & kattöbblumúz & kann alla beztu lög-fól brandarana.

"Lögfræðíngur grafinn upp að eyrum í sólheitri Sahara eyðimörkinni er klárt merki um að þar vanti meiri sand", er frá honum sagt, klárklazzíg...

Steingrímur Helgason, 9.9.2008 kl. 22:57

Já...akkuru varð ég ekki lögfræðingur þegar ég varð stór????...mér...sem finnst meira að segja gaman að tala í síma....!!!

Ohhh...hvað ég væri rííík...núna.....?

Kannski hefði ég átt að taka lýsi þegar ég var lítil..þá hefði ég orðið stór!!!!

Þá væri ég lögfræðingur núna...með sexhundruðþúsund á tímann......

Bergljót Hreinsdóttir, 9.9.2008 kl. 23:04

Hahhhh....... áðan REYNDI ég að hringja í Bergljótu en hún var með vitlaust númer. Allavega svaraði hún ekki. EN.....nú sendi ég henni reikning upp á 3500 kr. Sorrý Bergljót mín.

En svona í alvöru talað...... þekkir einhver samskonar dæmi, þar sem rukkað er fyrir að gera tilraun til símtals ?

Anna Einarsdóttir, 9.9.2008 kl. 23:31

Já nú er ég hissa! En samt ekki.... Er þetta ekki bara fínt á okursíðuna?

Ásdís (IP-tala skráð) 9.9.2008 kl. 23:42

Ég hef aldrei heyrt þetta fyrr og þarf oft að hringja i vinnunni og næ ekki sambandi við viðkomandi...ég ætti kannski að fara að rukka svona fyrir það. Maður getur keypt prófskírteini á netinu, ég fékk allaveganna ruslpóst um það um daginn....

Ohh ég hefði ekki átt að henda því !

Ragnheiður , 10.9.2008 kl. 08:09

Ég var einu sinni rændur í sporvagni í Prag.....það hljóta að hafa verið lögfræðingar.....

Gulli litli, 10.9.2008 kl. 10:16

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.