Draumaráðning óskast.

 

Mig dreymdi í nótt að ég var stödd í verslun hér í heimabæ mínum.  Þá kemur að mér kona og heilsar mér með nafni.  Strax finnst mér ég eitthvað kannast við hana en kem henni þó ekki fyrir mig.  Hún spyr hvort ég þekki sig ekki og ég hugsa málið.  "Ertu kennari" ?  "Já" segir hún og kímir.   Stuttu síðar kviknar á perunni hjá mér;  "Pálína" !    (Hún var kennari minn í barnaskóla og ég hef ekki hugsað um hana í áratug eða meira)

Síðan segir hún við mig í draumnum;  Mig dreymdi þig einmitt í nótt Anna.  Þú varst stödd á 5th Avenue.

  Þá vakna ég. 

.

.

-------

Jæja folks.  Hvað þýðir svona furðulegur draumur ? 

Athugasemdir

[Hrönn Sigurðardóttir, 10.9.2008 kl. 20:20]

Þú ferð í skóla og verður bandarízk.........?

[Hrönn Sigurðardóttir, 10.9.2008 kl. 20:21]

..... eða þú ferð til NY og verður kennari!

[Hrönn Sigurðardóttir, 10.9.2008 kl. 20:24]

Nei! Ég veit!!

Þú opnar bandarízka verlunarkeðju í heimabæ þínum! Aðal söluvaran verða Birkenstock inniskór fyrir kennara!!

[Anna Einarsdóttir, 10.9.2008 kl. 20:25]

Ég hef aldrei komið til USA og því finnst mér vægast sagt undarlegt þegar mig dreymir að aðra dreymi að ég sé stödd á tilteknu stræti í Bandaríkjalandi.    Alveg klóra ég mér í hausnum yfir þessu !

[Anna Einarsdóttir, 10.9.2008 kl. 20:26]

Hrönn !!!     Kennarainniskór.    Hugmyndaflug þitt er óendanlegt.

[Hrönn Sigurðardóttir, 10.9.2008 kl. 20:26]

Já það er svo undarlegt hvað aðra getur dreymt mikla vitleysu!!

[Guðrún Björk, 10.9.2008 kl. 20:28]

Engin spurning - þú bara átt að skella þér til NY

Þetta er tvöfaldur draumur - draumur í draumi - það hlýtur að vera skotheldur draumur.

Drífðu þig og vertu bara snögg...

[Hrönn Sigurðardóttir, 10.9.2008 kl. 20:29]

Hér kemur ráðningin!

Dóttir þín sest á skólabekk í Bandaríkahrepp og verður mikilsvirtur kennari í heimabæ sínum

[Íris Guðmundsdóttir, 10.9.2008 kl. 20:37]

Ekki kennari... veldu einhvad annad mig langar ekkert ad verda kennari..

 nema ad soffia fari til bandarikjanna ta slepp eg undan tessu starfi sem tid erud bunar ad akveda fyrir mig.

[Íris Guðmundsdóttir, 10.9.2008 kl. 20:38]

Eg skrepp liklegast til New york i dvol minni her

[Gulli litli, 10.9.2008 kl. 20:50]

Kíkti adeins í bollann og tarrot og ég get ekki betur séd en ad tveir dökkhærdir menn med hreim séu í spilinu...

[Hrönn Sigurðardóttir, 10.9.2008 kl. 20:57]

Til hamingju með afmælið um daginn sæta stelpa Önnudóttir Ég skal reyna að finna eitthvað annað út úr draumnum úr því að þú vilt ekki verða kennari! Enda er það illa launað og vanþakklátt starf.....

[Anna Einarsdóttir, 10.9.2008 kl. 20:57]

Ok þá,....... ekki kennari Íris. 

Þú verður lögfræðingur !!!..... og hringir ókeypis í mömmu gömlu. 

[Hrönn Sigurðardóttir, 10.9.2008 kl. 20:58]

Nú veit ég!!

Dóttir þín sest á skólabekkí Bandaríkahrepp - verður lögfræðingur og sýnir þessum durtum hér heima í tvo heimana eða jafnvel fimm......

Hvernig hljóma þessi framtíðarplön?

[Hrönn Sigurðardóttir, 10.9.2008 kl. 20:58]

hahah Great minds - think alike....

[Anna Einarsdóttir, 10.9.2008 kl. 21:09]

Fyndið Hrönn !  Við segjum að hún verði lögfræðingur á sömu mínútunni.  Þú ert snillingur að láta þér detta þetta í hug.  Og fyrst við hugsum það sama - og þú ert snillingur að hugsa svona - þá hlýt ég að vera snillingur líka.    

Óvænt ánægja fyrir mig. 

[arnar valgeirsson, 10.9.2008 kl. 21:12]

æ, taktu með þér visakortið.

og það væri skemmtilegra ef þú þekktir fólk sem er að heilsa þér....

[Ingibjörg Friðriksdóttir, 10.9.2008 kl. 21:46]

  Að dreyma barnaskólakennarann sinn er fyrir því að leita þurfi í barnæskuna til að gera upp gömul mál.  En að vera stödd á 5. stræti er bara fyrir einhverju æðislegu, kannski verða börnin fimm áður en upp er staðið, eða það verði einhverjir fimm atburðir sem muni gleðja þig sérstaklega.  Ég tippa á að börnunum fjölgi, hvort sem að þú fæðir þau eða einhver önnur.

Ég þyki einstaklega draumspök kona. 

[Helga Guðrún Eiríksdóttir, 11.9.2008 kl. 11:13]

Þetta þýðir að henni hafi þótt þú alger draumur.  

PS. Okkur þykir það líka!

[Brjánn Guðjónsson, 11.9.2008 kl. 17:17]

þetta þýðir að verðbólga mun hækka í 14,5% og stýrivextir verða háir. einnig mun gengið falla mikið.

[Anna Einarsdóttir, 11.9.2008 kl. 19:48]

Ráðning draumsins skv. kommentum ykkar,  er þá eitthvað á þessa leið:

Tveir dökkhærðir menn með hreim hækka stýrivextina svo mikið.....  að úr því verður til barn.  Ekki verður það þó mitt barn því ég hef þegar fætt þau fimm svo það hlýtur að verða ömmubarnið mitt.  Ömmubarnið verður lögfræðingur í N.Y.  og berst fyrir því að kennarar fái sína Birkenstock inniskó.  

Þetta hljómar alveg ágætlega.   

[Hrönn Sigurðardóttir, 11.9.2008 kl. 20:38]

Þetta hljómar alveg sennilega........

[Ásgeir Kristinn Lárusson, 11.9.2008 kl. 21:35]

Er Pálína þessi ennþá á lífi? Annars datt mér í hug, að fyrrv. fegurðardrottning frá Alaska, hún Palin, væri að þvælast fyrir þér :)

[Bergljót Hreinsdóttir, 11.9.2008 kl. 22:45]

...ráðningin nokkuð sennileg...nema þú gleymdir einu...ömmubarnið...lögfræðingurinn snjalli...MUN heita Pálína....