Það er dýrt að vera vitlaus.

 

Við landsbyggðarfólkið erum heppin.

Góðærið náði ekki til okkar sem þýddi þá að við höfðum enga peninga til að kaupa hlutabréf fyrir sem aftur leiddi svo til þess að við töpuðum litlu.  Maður stórgræðir á að græða ekki.    Hverjum hefði dottið það í hug ?

Og það var fleira sem mér datt ekki í hug.    Til dæmis að ég væri ábyrgðarmaður fyrir einhverja Lukkuláka sem ég þekki ekki græna baun. 

Vúúúú, ef ég hefði bara vitað.    Þá hefði ég sent bréf til þeirra og sagt;

"Kæru félagar.

Nú vil ég ekki skrifa upp á fleiri íslenska banka í útlöndum nema ég fái eins og eina góða veislu í staðinn.  Einn Elton John eða Mike Oldfield upp á svið".  Jamm, eða eina skútusiglingu.  

.

 

. 

En nei.  Þar sem ég var vitlaus og vissi ekki neitt í minn haus, fékk ég nákvæmlega ekkert fyrir minn snúð.  Ekki einu sinni svið.      Því verð ég sjálf að baka mína snúða í framtíðinni og lofa sjálfri mér því að hætta að skrifa upp á víxla fyrir bláókunnuga menn.

.

Skammast´ín Anna að gera svona.   

 

 

Athugasemdir

[Ragnheiður , 20.10.2008 kl. 21:53]

Ji minn eini og þú sem ert sparisjóðsstjóri og allt..

[Anna Einarsdóttir, 20.10.2008 kl. 23:11]

Segðu ! 

Kannski ég axli ábyrgð.  Ég er með svo breitt bak. 

Á ég að segja af mér eða á ég að segja....... brandara ?

[Steingrímur Helgason, 20.10.2008 kl. 23:13]

Allt í réttu hjá þér samsinnir norðanvargurinn.

Mmmmm, zvið ....

[Guðrún Jóna Gunnarsdóttir, 21.10.2008 kl. 00:34]

Tí, hí,  góð............! 

[Halldór Egill Guðnason, 21.10.2008 kl. 01:37]

[Aprílrós, 21.10.2008 kl. 07:31]

;)

[alva (IP-tala skráð) 21.10.2008 kl. 08:26]

[Hrönn Sigurðardóttir, 21.10.2008 kl. 08:35]

Segðu frekar brandara! Enginn hinnar hefur sagt af sér og þau segja ekki einu sinni brandara

[Lilja Guðrún Þorvaldsdóttir, 21.10.2008 kl. 14:29]

Ég held að meirihluti Borgarbúa hafi ekki grætt neitt heldur, þó lengi hafi verið haldið í vonina um gróða eða allavega að góðærið skilaði sér í betri afkomu, en því miður gerðist það ekki .... eða kannski sem betur fer því nú sýtir maður ekki gróðatap. -  heldur hrósar happi. -

Ég var ein af þessum kverúlöntum sem brást illa við, þegar ég frétti af ríkisábyrgð hér og ríkisabyrgð þar,  á þessum og hinum fyrirtækjunum,  í þessu vinasamfélagi. 

Afþví að ég er alin upp við að fylgjast með fréttum og vera meðvituð um þjóðfélag mitt, var ég ósátt þó ég æpti ekki á torgum.  - 

Og ég grét,  þegar Davíð og Halldór gáfu vinum sínum kvótann "okkar" . -  Grét enn meir,  þegar þeir leyfðu "vinum sínum" að veðsetja óveiddan fiskinn í sjónum, og þegar þeir breyttu svo lögum til að geta leyft þeim að "veðsetja veðsetningarnar af óveiddum fiskinum í "og  "selja" veðsettu veðsetningarnar af óveidda fiskinum erlendis. -

Ég felldi líka tár þegar þeir einkavinavæddu bankanna,  en það voru reiðitár.

Ég fylltist sorg þegar ég sá hvernig þeir Bakkabræður Davíð og Halldór bruðluðu og breiddu úr sér, ásamt sínum áhangendum.

Ég huggaði börnin mín og sagði að þeir mundu lagfæra og leiðrétta ólögin sem þeir settu á öryrkja, lífeyrisþeganna og öreiganna, áður en þeir færu frá.  -

Því bráðum færu þeir á eftirlaun, og af venjulegum eftirlaunum gætu þeir ekki lifað.

Það hvarflaði ekki að mér að þeir væru orðnir það siðblindir að þeir settu ný lög sem tryggðu þeim og þeirra áhangendum margfaldan lífeyri á við alla aðra þrátt fyrir að þeir  væru með full laun annarsstaðar hvað þá hjá ríkinu að auki. - Og m.a.s. var tekið fram að ef þeir hefðu það að hobbýi að skrifa leikrit eða ljóð, smásögur eða ævisögur þá væri það líka skattfrjáls vinna.

Nú græt ég framtíð barna minna og barnabarna.  -

Og framtíð Lands míns.

[Anna Einarsdóttir, 21.10.2008 kl. 16:25]

Lilja Guðrún.  Ég sá þig í sjónvarpinu og mér líkar vel við þig.   

Guðjón Viðar.  Það að ég hafi tapað líka, er eitthvað sem ég sætti mig vel við.  Margur verður af aurum api en ekki ég.  Ég fæddist api. 

Hrönn.  Brandarinn kemur bráðlega. 

[Lára Hanna Einarsdóttir, 21.10.2008 kl. 18:57]

Hvar sástu Lilju Guðrúnu í sjónvarpinu???     Ég vil líka sjá...

[Gulli litli, 21.10.2008 kl. 19:02]

Má ég vera vitlaus med þér?

[kop, 21.10.2008 kl. 20:32]

Ég bara skil þetta ekki, samkvæmt þessu hér og hér þá ætti þetta ekki að geta átt sér stað.

[Anna Einarsdóttir, 21.10.2008 kl. 20:45]

Lára Hanna.  Ég sá Lilju Guðrúnu í fréttunum.  Leiklist á Akureyri.    Fyrir örfáum dögum.  Man ekki alveg hvaða dag.

Gulli litli.  Já, verum vitlaus.   

[Ragnheiður , 21.10.2008 kl. 20:59]

Ég líka,ég líka, ég sá hana sko líka.

(Dómur, afplána í 190 daga. Byrjar 21 desember. Á Skólavörðustíg)

Sett upp svona hans vegna og til að ættingjarnir sjái, ef þeir fatta þetta þá

[Ásgeir Kristinn Lárusson, 21.10.2008 kl. 22:23]

Ég er hryðjuverkamaður og les símaskrána - á hvolfi...

[Birna Dis Vilbertsdóttir (IP-tala skráð) 22.10.2008 kl. 11:49]

[Bergljót Hreinsdóttir, 22.10.2008 kl. 12:46]

Úff..guðanna bænum komdu með brandara...og gátur...það er svo gaman að hlæja með þér....

Ég bý nú á stórKópavogssvæðinu og græddi ekki krónu...bankinn minn græddi hins vegar á mér.....

Ég skrifaði víst líka uppá eitthvað fyrir einhvern...án minnar vitundar...var aldrei spurð....enda líklega í "vitlausra"hópnum...og hélt að bankarnir bæru ábyrgð á sér eins og ég á mér....ekki er ég með neina ríkisábyrgð sko....

En þegar þú verður ALVÖRU sparisjóðsstjóri...kannski í SAMVINNUSPARISJÓÐNUM...þá kem ég sko til þín og ávaxta gullið...