Fyrir pabba.

1.11.2008 | 10:13

Faðir minn dó fyrir rúmlega 10 árum.

Hann var bifvélavirki.

Ef maður kom með bíl í viðgerð til pabba þá kom þrennt til greina;

Maður vel efnaður = þurfti að borga venjulegt verð fyrir viðgerð.

Maður í millistétt = fékk ódýra viðgerð.

Maður átti mjög litla peninga = viðgerð ókeypis.

Því sýnist mér að pabbi hafi verið Jafnaðarmaður í hjarta sínu. Hann jafnaði kjör fólks. Smile

Í sveitum hefur það gjarnan tíðkast að nágrannar hlaupi undir bagga, hvor með öðrum. Lendi einn í tjóni eins og bruna koma hinir gjarnan til hjálpar og styðja við hann, ýmist með peningaframlögum eða hjálp við uppbyggingu. Þessi náungakærleikur er ómetanlegur.

Á erfiðum tímum ættum við að huga að náunganum.

Pabbi kenndi mér að við komumst best í gegnum erfiðleika með því að hjálpast að.

Með þetta í huga, ætla ég að styðja við einn bloggvin minn.

Allir að kíkja í pósthólfið sitt ! Joyful

Ég hvet ykkur til að huga hvort að öðru. Wink

Flokkur: Lífstíll | Facebook

Athugasemdir

Góður karl greinilega hann pabbi þinn! Þú átt ekki langt að sækja gæðin

Búin að kíkja í mitt pósthólf - þar er ekkert

Hrönn Sigurðardóttir, 1.11.2008 kl. 11:02

Æjhhhh Hrönn..... árans óheppni.

Anna Einarsdóttir, 1.11.2008 kl. 11:35

þið feðginin eruð greinilega bæði með rétta forgangsröð á hlutunum.

Dísa Dóra, 1.11.2008 kl. 11:47

Hjartað á réttum stað og forgangsröðina.

Kærleiks knús til þín ;)

Aprílrós, 1.11.2008 kl. 13:47

Þessu trúi ég bara vel, þú gast ekki átt langt að sækja gæðin.

Hann er fallegur á þessari mynd

Knús á þig ...ég er enn að melta hugmynd Tigers...

Ragnheiður , 1.11.2008 kl. 16:28

ég er sámmála pabba þínum.

a auki fá mínir bestu vinir alla míma aðsoð gratís. óháð efnahag.

Brjánn Guðjónsson, 1.11.2008 kl. 17:25

Kærleikurinn er svo mikils virði

Birna Dis Vilbertsdóttir (IP-tala skráð) 1.11.2008 kl. 21:17

Eðalmenni verið greinilega hann Pabbi þinn. Mættu vera fleiri svona.

Ekkert í mínum tölvupózdi, ég átti von á verðlaunum !

Steingrímur Helgason, 1.11.2008 kl. 23:30

Ég er sko í liði með pabba þínum....viil samt helst aldrei taka borgun fyrir greiða...eiginlega bara alls ekki....

Það er gott og gaman að vera greiðvikin og það er bara staðreynd að maðuir fær það alltaf til baka í alls konar myndum....

Þú ert örugglega mjöööög lík pabba þínum....góðhjörtuð og réttsýn....

Takk fyrir það...

Bergljót Hreinsdóttir, 2.11.2008 kl. 00:32

Gæðalegur maður hann pabbi þinn, sjá þessi góðlegu augu. Hann hafði rétt að mæla það er hægt að komast í gegn um ótrúlega margt með því að hjálpast að!! Þú hefur verið heppin með hann pabba þinn

alva (IP-tala skráð) 2.11.2008 kl. 01:42

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.