Ég fékk útblástur fyrir vildarpunkta.

 

Þessi færsla er mín fyrsta í flokknum "umhverfismál".

Þannig háttaði til að ég og mín fjölskylda nutum lífsins á Hótel Loftleiðum nú um helgina, fyrir vildarpunkta eingöngu.  Þetta er orðin hefð.  Fjórða árið í röð sem við förum til Reykjavíkurhrepps um miðjan desember til að tjilla og eyða vildarpunktunum. 

Jæja.  Við fórum og skoðuðum mannlífið í verslunum og litum við í kvikmyndahúsi einu.

Um kvöldið fórum við heim á hótel.  Sjáum við þá í lyftunni viðvörun á tíu tungumálum; 

"Varað er við stormi í nótt.  Vinsamlegast lokið gluggunum".

Við náttúrulega brostum í kampinn, vitandi það ósköp vel að veðurspáin hljóðaði upp á bongóblíðu og ekkert annað.     Galopnuðum gluggann og lögðumst til svefns.

Klukkan 9 í morgun vöknuðum við, við ógnarhávaða.  Drrrrunn, drrrrunn.  Flugvélarnar þöndu vélarnar eins og þær væru að fara í spyrnu.  Ekki viðlit að sofa lengur.  Allt í góðu með það því morgunstund gefur gull, ergelsi og pirru, eins og þeir segja Spaugstofumenn. 

Örstuttri stundu síðar fyllist herbergið af flugvélaútblæstri.  Hóst hóst.  Hreinasti mökkur !  Ég lít út og sé að flugvélarnar eru að þenja sig með afturendann alveg við andlitið á mér. 

.

 

.

Nú fer að þykkna upp.  Ekki bara á himni heldur líka svona inni í mér.  Ég hringi niður í afgreiðslu og bið konuna vinsamlegast að koma aðeins upp á herbergi.

Þegar hún gengur inn bið ég hana að þefa.   Hún segir þá;  "Já, þetta er alveg eins niðri hjá okkur" og svo segir hún "þetta er mengunin í Reykjavík". 

Við erum nú ósköp sveitó en.......... mengunin í Reykjavík ?

Nú spyr ég og vil fá hlutlaust svar;  Lít ég út fyrir að vera heimsk ? 

 

Athugasemdir

[Íris Guðmundsdóttir, 15.12.2008 kl. 02:16]

folk kemur med hvada afsokun sem er til ad koma ser undan svona mal..alger vitleysa, hvad hefdi samt hun getad gert? bedid flugvelina um ad faera sig haha. neiii tu ert alls ekki heimsk.

en mamma min eru pakkarnir komnir?

mannstu eftir styttu-jolatreinu sem langa amma bjo til, sem lysist upp?
tad er til tannig her sem eg get malad og tad lysist upp alveg eins og treid sem vid eigum heima, hugsadi alveg til tin tegar eg sa tad, langar rosalega ad finna svolleidins a islandi og mala, til ad gefa ter.

elska tig
Iris

[Hrönn Sigurðardóttir, 15.12.2008 kl. 08:00]

Nei það gerirðu alls ekki!

Ég hef nefnilega grun um að þeir sem verzli fyrir vildarpunkta fái hugsanlega verri herbergi/þjónustu/osfv. en aðrir........

[Anna Einarsdóttir, 15.12.2008 kl. 08:03]

Ummmm Íris.  Þú ert best. 

Pakkarnir eru ekki komnir ennþá en hafðu engar áhyggjur, það eru enn 9 dagar til jóla.  Ég veit alveg hvaða jólatré þú ert að meina......það sem stendur alltaf á hornborðinu hjá okkur í stofunni.    Við reynum að finna svoleiðis fyrir næstu jól.... held að þetta sé örugglega til ennþá í föndurbúðum.

Það sem starfsmenn Hótels Loftleiða hefðu getað gert;  Ekki platað og sagt að fólk ætti að loka gluggunum vegna yfirvofandi óveðurs...... heldur sagt okkur að loka gluggum vegna yfirvofandi mengunar frá þremur flugvélum í spyrnukeppni.

Knús knús Íris.   

[Anna Einarsdóttir, 15.12.2008 kl. 08:04]

Takk Hrönn...... mér finnst ég líka líta frekar gáfumannslega út.   

[Hrönn Sigurðardóttir, 15.12.2008 kl. 21:00]

....allavega á mynd! Annars hefði nú engu munað fyrir ykkur að renna yfir eins og eitt fjall og kíkja í heimsókn til mín Ég er soldið súr........

....ekkert mikið, bara soldið! 

[Steingrímur Helgason, 16.12.2008 kl. 00:08]

Hávaðinn & steinolíubrælan eru jafnfræg þarna enda 'eðli málzins samkvæmt eðlilega', eðlan mín.

Af eðlizlægum ótta við fólk í '300' póztnúmeri kýz ég ekki að svara hlutlauzt, fyrr en þjóðvegur nr. 1 verður aftur færður mun norðar.

[Fanney Björg Karlsdóttir, 16.12.2008 kl. 13:49]

uuu... má ég hringja í vin..??...

[Bergljót Hreinsdóttir, 16.12.2008 kl. 17:14]

Þú heimsk???...naujts...ekki miðað við færslurnar þínar...þú ert bara skemmtileg!!!!

[Halldór Egill Guðnason, 18.12.2008 kl. 16:35]

Ertu búin að kolefnisjafna þig eftir borgardvölina? Af hverju heldurðu annars að hótelið heiti LoftLEIÐIR?