Fimm mínútna frægð.

 

Það var árið 1976.

Tíu á toppnum var minn uppáhalds útvarpsþáttur.

Þá voru spiluð öll flottustu lögin og við krakkarnir sátum tilbúin með segulbandið og tókum upp.

Lög eins og Love hurts. 

Og síðan var hlustað og ímyndunaraflið lék lausum hala.

Hvernig ætli sé að vera ástfangin ?

Mikið hlýtur ástarsorg að vera sár.  Allavega ef hlustað er á rödd söngvara Nazareth. 

.

 

.

En aftur að efninu áður en ég fer að skæla;

.

Þátturinn Tíu á toppnum endaði síðan alltaf með getraun.

Litla sveitastelpan ég var strax á þessum árum komin með keppnisskap.

Auðvitað sendi ég því bréf eftir hvern þátt með svarinu við spurningu þáttarins.

Og það ótrúlegasta gerðist !

Ég vann. 

Nafnið mitt var lesið upp í útvarpinu og Anna Einarsdóttir varð fræg. 

Á þessum tíma var bara ein stöð svo það voru ALLIR AÐ HLUSTA.

Í verðlaun fékk ég 45 snúninga plötu með Roger Whittaker.

Hún var brotin þegar pósturinn kom með hana. 

.

 

.

Athugasemdir

[Ragnheiður , 10.3.2009 kl. 21:38]

Ohh mamma elskaði Roger Wittaker..og spilaði hann endalaust þegar við vorum bara 2 heima og hvað gerðist ? Ég hlusta oft á hann á youtube hehe

Love hurts er æðislegt lag

[Hrönn Sigurðardóttir, 10.3.2009 kl. 21:49]

Garg! Brotin?

[Anna Einarsdóttir, 10.3.2009 kl. 23:02]

Brotin.  Fékk tvær plötur í stað einnar. 

Platan skipti líka engu máli.... það var frægðin sem kitlaði. 

[Páll A. Þorgeirsson (IP-tala skráð) 10.3.2009 kl. 23:08]

Til hamingju með plötuna Anna, ég man eftir þessu  

Hvað eru annars margar 5-mínútur liðnar síðan þessar frægustu fimm gengu yfir hjá þér   ......ég er ekki að hugsa um aldurinn þinn 

......bara að það er þó pottþétt að þú ert ung í anda 

.....ég verð að hlusta einu sinni enn á lagið áður en ég fer héðan, gott lag  

[Anna Einarsdóttir, 11.3.2009 kl. 16:23]

Jæja.  Ég fór aðeins að reikna. 

Mér reiknast svo til að ég hafi lifað 4.727.520 sinnum 5 mínútur.

Ég er að verða kelling !   _  

[Kristjana Bjarnadóttir, 11.3.2009 kl. 21:53]

Þvílíkt hvað mér fannst "love hurts" flott lag. Bara það alflottasta. Ég á þetta á vinyl, og trúðu mér, ég spila þetta stundum!

[Birna Dis Vilbertsdóttir (IP-tala skráð) 12.3.2009 kl. 11:04]

Ekkert smá hár á þeim.

[Aprílrós, 12.3.2009 kl. 11:08]

öldin önnur í dag með hárið ;)

[arnar valgeirsson, 12.3.2009 kl. 18:07]

og líka óskalög sjúklinga og óskalög sjómanna. maður sendi stundum kveðjur til að koma sínum lögum að...

og hlustaði á útvarpið á fimmtudögum eða spilaði manna og kana. jebbs.