Snilld í kreppu.

13.6.2009 | 22:36

Hér kem ég með alveg brilljant ráð til ykkar, þótt ég segi sjálf frá. Það er reyndar alveg jafn brilljant ef einhver annar segir frá því. Joyful

Um daginn fór ég í Húsasmiðjuna og keypti mér ryksugu. Sú gamla var orðin alveg kraftlaus og ekki er hægt að vera ryksugulaus þegar maður býr nánast í dýragarði.

T1505-1

Síðan gerist það strax í kjölfar kaupanna að ég er að heiman í eina viku en móðir mín sér um heimilið á meðan. Þegar ég kem heim segir hún mér að hún hafi hreinsað einhver sigti í ryksugunni gömlu og að nú sé hún allt önnur !

Úps. Líklega þurfti ég þá ekki að kaupa ryksugu. Fljótfærni !

Því fer ég og skila henni aftur í Húsasmiðjuna enda er gripurinn enn í kassanum.

Nú fer að koma að skemmtilega hluta sögunnar. Happy

Næst fer ég í Húsasmiðjuna og kaupi málningu á alla glugga hússins, sem og pensla. Staðgreitt með inneign.

Í dag fer ég enn í Húsasmiðjuna og kaupi plötur á húsið í stað annarra sem voru farnar að vinda upp á sig. Oregon pine takk fyrir. Wink Ekkert slor enda dugir slor ekki á hús. Ennþá er til inneign. Þá er keyptur grunnur á nýju Oregon pine plöturnar og þrír nýjir penslar.

Guess what ! Staðan er sú að enn er inneign og nú er ég að hugsa hvað mig vanti fyrir afganginn ? Kannski ryksugu ? LoL

Framvegis ætla ég að stunda að kaupa einhvern óþarfa og skila honum síðan. Best er að hafa það eitthvað svolítið dýrt. Og svo er næstum endalaust hægt að kaupa það sem mann virkilega vantar út á inneignarnótuna.

Það hljóta allir að sjá að ryksuguræfill er miklu minna virði en viðhald og málun á húsi.

Ég stórgræddi !!!

Flokkur: Dægurmál | Facebook

Athugasemdir

Til hamingju með það! Það er gott til þess að vita að einhverjir aðrir græða þessa daganna, en ekki bara helv.... "krosseignatengslagangsterarnir"!

Lilja Guðrún Þorvaldsdóttir, 13.6.2009 kl. 22:55

héddna..... geturðu kannski sent mömmu þína yfir til mín?

Hrönn Sigurðardóttir, 13.6.2009 kl. 23:23

Hún fer í póst á mánudaginn Hrönn.

Anna Einarsdóttir, 13.6.2009 kl. 23:44

þetta er einhvert syndrome með Hósó í Borgó. Skuldaði þar marga marga þúsundkalla sem nú eru gufaðir upp.

enda var það 2007 og allar skuldir 2007 hafa gufað upp. spurðu bara Björgólf.

Brjánn Guðjónsson, 14.6.2009 kl. 20:29

Fekkstu lanandan hattinn hja vininum i Spaugstofunni. Thu minnir mig allavega a hann. (Hann er brodir minn)

Ingibjörg Friðriksdóttir, 14.6.2009 kl. 23:11

Heldurðu að mamma þín hafi eitthvað mislagst? Hún er ekki hér..........

Hrönn Sigurðardóttir, 15.6.2009 kl. 23:24

Ingibjörg. Hann er ekki bróðir þinn, ha ?

Hrönn. Ég veit ekki. Ertu kannski með of litla bréfalúgu ?

Anna Einarsdóttir, 15.6.2009 kl. 23:27

Nei, hann er ekki bróðir minn, en við erum andlega mjög skyld. Ég set reglulega upp hattinn og síðan fá vinir og vandamenn hann lánaðan annað slagið.

Ingibjörg Friðriksdóttir, 16.6.2009 kl. 02:14

Ja alveg snildar hugmynd ;)

Aprílrós, 16.6.2009 kl. 08:06

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.