Báturinn pissaði.

 

Í hádeginu í gær lagði ég bílnum fyrir utan Landnámssetrið, gekk að grjótgarði við sjóinn og fór í það sem kalla mætti innhverfa íhugun.

Fuglarnir sungu, sjórinn var spegilsléttur og bátur lá við festar undir brúnni út í Brákarey.

.

 

.

Ég er rétt að komast í innhverfuna þegar báturinn skyndilega pissar !

Ok, hugsa ég með mér.  Það hlýtur einhver að vera um borð að vaska upp og hefur tekið tappann úr vaskinum.

Sit ég síðan áfram og íhuga. 

Eftir mínútu gerist það aftur !  Báturinn pissar.  Bunan stendur í fallegum boga út á sjóinn, bakborðsmeginn, rétt aftan við stýrishús.

Mínúta líður og enn pissar báturinn.   Og aftur...... og aftur..... og aftur.

Það er ómögulegt að skýringin finnist í uppvaski einhvers sjómanns.  Fyrir það fyrsta sá ég engan um borð og hver vaskar líka upp fjórtán sinnum í röð ?

Mig langar að vita;   Hvers vegna pissa bátar ?

Og er ekki líklegt að hann sé með blöðrubólgu ?

.

Athugasemdir

[Brjánn Guðjónsson, 16.6.2009 kl. 22:07]

þessi tegund báta veikist gjarnan og er pissustand jafnan fylgifiskur sjóveiki.

já, ég segi fylgifiskur. enda er hér um fiskibát að ræða.

[Ólafur Eiríksson, 16.6.2009 kl. 22:35]

Það er engu við þetta að bæta hjá Brjáni!

Þetta er lekur trépungur.

[Hrönn Sigurðardóttir, 16.6.2009 kl. 23:31]

Láttu fjarlægja þennan bát strax! Hann er greinilega sárveikur af babbi!

[JRG (IP-tala skráð) 17.6.2009 kl. 00:14]

Þetta er sjálfvirk lensidæla sem dælir úr bátnum þegar vatnið nær ákveðinni hæð.

Trébátar leka alltaf þegar þeir eru settir á flot.

[Aprílrós, 17.6.2009 kl. 00:18]

Þrátt fyrir pissuvandann þá er þetta svakalega falleg mynd, og á myndinni að dæma er veðrið kyrrt og bjart. Mér finst svona myndir vera með þeim fallegustu myndum enda er þarna mynd frá náttúrunni, í þessu tilviki sjórinn ;)

[Anna Einarsdóttir, 17.6.2009 kl. 00:26]

Það er eins gott að lensidælan bili ekki.    Þá pissar báturinn í sig !

Takk fyrir upplýsingarnar JRG.

Þið hin.....