Orð skulu standa.

24.7.2009 | 16:56

Undanfarnar vikur hef ég verið að lesa bókina "Orð skulu standa" eftir Jón Helgason.

Bókin fjallar um nokkuð merkilegan mann en hún er skrifuð á svo sérstakan hátt að hún gæti svæft gíraffa á stundinni. Ég steinsofna alltaf á annarri eða þriðju blaðsíðu. Það hefur því tekið mig allar þessar vikur að komast á blaðsíðu 95.

Ég verð að mæla með þessari bók fyrir fólk sem liggur stundum andvaka.

Hér er úrdráttur úr bókinni án leyfis höfundar;

"Þarna voru aðdrættir langir og erfiðir, því að viður í brýrnar var fluttur í drögum af Vopnafirði og sement reitt í kössum. Nákvæmlega reiknaði Páll, hvað hver brú kostaði, sem og aðrar vegabætur og varð dýrust brúin á Gilsá, átta hundruð og átta krónur og fimmtíu og einn eyrir, enda tuttugu og tveggja metra löng. Þetta var bogabrú og beygði Páll tré í hana með skrúfuþvingum og vinduásum. Að verki loknu virðist hafa verið eins konar vígslusamkoma við brúna og lét Páll þá vega firn af grjóti og bera út á miðja brúna, vissa þyngd á tilsettan flöt og mældi síðan sigið á henni, er reyndist áttundi hluti úr þumlungi......... Sleeping

sleeping_giraffe

Flokkur: Bækur | Facebook

Athugasemdir

úff... ég missti þráðinn frekar snemma ;)

Hrönn Sigurðardóttir, 24.7.2009 kl. 20:17

En... veistu hvernig þyngartakmörk brúa eru fundin út? Þeir byggja brúnna. Svo keyra þeir vörubíl (af þekktri þyngd) yfir. Ef brúin heldur, þá ræður hún amk við þessa þyngd. Svo er bætt við þyngd á vörubílinn, og þetta allt endurtekið þar til brúin hrynur. Þá er brúin byggð upp aftur, á sama hátt. Þyngdin sem brúin ræður við, er þá þyngdin á síðasta vörubílnum sem komst yfir án þess að brúin hryndi....

Einar Indriðason, 25.7.2009 kl. 11:41

Nú hlær mín k..... Ég læt mér bara duga Faðir vorið. Þessi lesning færi með mig.

Ingibjörg Friðriksdóttir, 25.7.2009 kl. 22:53

Ég skil þig vel ....

Brynjar Jóhannsson, 26.7.2009 kl. 02:45

Var þetta síðasta bókin í kaupfélaginu?

Ásdís (IP-tala skráð) 27.7.2009 kl. 21:36

Nei, nei Ásdís. Ég er bara orðin svona þroskuð !!!!!!!

Anna Einarsdóttir, 27.7.2009 kl. 22:55

rétt hjá þér. sofnaði í 3ju setningu.

Brjánn Guðjónsson, 1.8.2009 kl. 04:16

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.