Allt eitt allsherjar plott.

 

Þegar ég var að komast til meðvitundar í morgun, eftir nætursvefninn, var mín fyrsta hugsun sú að stjórnmálamennirnir væru heldur betur búnir að plata okkur.

Þetta er sko allt eitt plott.  Þeir hafa málað upp stöðu efnahagsmála á Íslandi miklu svartari en hún raunverulega er.  Norski ráðgjafinn ráðlagði þeim að gera það.  Síðan, smátt og smátt, kemur í ljós að staðan er skárri þarna og betri hér.  Verulega slæm staða samt en þar sem hún fer örlítið batnandi, sbr. styrkingu krónunnar nú,  þá láta kjósendur gabbast til að trúa því að stjórnmálamennirnir hafi spilað svona vel úr spilunum.  Og þá halda þeir Geir og Dabbi sínum elskuðu stólum og við erum áfram sauðir.

.

 

.

Hahhh, ég sá í gegnum plottið. 

.

Já sæll,  eigum við að ræða það eitthvað frekar ?

Steinríkur er smáhneta.

 

Hér áður fyrr var ég skrifstofublók.  Sat á skrifstofustólnum mínum allan daginn og gerði ekki handtak í orðsins fyllstu merkingu.  Pikkaði bara inn og hugsaði dálítið.

Síðan venti ég mínu kvæði í kross - snarsneri mínu ljóði við - og vann mig niður í verslunarstarf.  Ykkur að segja er miklu auðveldara að vinna sig niður en að vinna sig upp.    Nú sé ég um að fylla á grænmetistorg með tilheyrandi burði og göngu.  Það eru ekki allir sem fá greitt fyrir að stunda líkamsrækt. 

Í morgun fór ég að spá í hvað ég lyfti mörgum kílóum á viku.  Daglega tek ég af stóru bretti af grænmeti og ávöxtum,  fæ nokkur hundruð kíló af kartöflum og rófum vikulega og síðan ber ég allt dótaríið fram í torg og fylli þar á.  Lauslega áætlað reiknast mér til að ég lyfti um 3 tonnum vikulega. 

Ég er næstum því satt að segja farin að ganga með hendurnar hálfan meter frá skrokk vegna umfangs allra nýju vöðvana.  Þarf meira að segja að skáskjóta mér inn um dyr. 

.

 

.        Steinríkur er "pínöts" við hliðina á mér.

 

 

 

 

 

 

 

Nú, þar sem ég vil ekkert vera að misnota þessa síðu og grobba mig, ætla ég að sleppa því að minnast á alla hlutina sem ég hef brotið og bramlað vegna minna óbeisluðu krafta undanfarið og láta hér staðar numið með einu frumsömdu kvæði í kross;

.

.

Þrjú tonn af grænmeti,

Anna fær nóg

aaaaf kálhausum

já heilan skóg.   

.

Davíðsháttur.

 

Friðleifur múrari vann sem múrari.

Dag einn fékk hann þau skilaboð að starfskrafta hans væri ekki lengur óskað hjá Múrmúr ehf.

Friðleifur sagðist ekki hlusta á þetta.  Hann ætlaði sér að starfa sem múrari í nokkur ár í viðbót.

Friðleifur sagði að ef þeir myndu samt sem áður þvinga hann til að hætta, þá horfði málið allt öðruvísi við.  "Þá mun ég snúa mér að stjórnmálum" sagði hann kotroskinn.

.

 

.

----------------

.

Ég hvet alla,  sem lenda í þeirri stöðu að vera sagt upp vinnu, til að svara með Davíðshætti;

"Heyrðu nei, ég ætla að vinna þessa vinnu í nokkur ár í viðbót" !   

Dýr-legur brandari.

 

Þrjár kisur sátu saman á vegg.

Ein þeirra sagði brandara;

.

 

.

"Hvað sagði annar hundurinn við hinn þegar þeir gengu framhjá stöðumæli ?

Hvur andskotinn !  Þeir eru farnir að rukka inn á salernið hérna".

.

Og svo mjálmuðu kisurnar úr hlátri.   

Myndagáta.

.

.

Frétt úr Skessuhorni.

 

Uppsagnir í Borgarnesi eru reiðarslag fyrir samfélagið

28. nóvember 2008

Athafnasvæði Loftorku í Borgarnesi. Ljósm. TÞ

Fjöldauppsögn starfsmanna varð í Loftorku Borgarnesi ehf. í dag þegar 66 af 120 starfsmönnum fyrirtækisins var tilkynnt um uppsögn starfa miðað við næstu mánaðamót. Auk þess var 4 af 37 starfsmönnum Borgarverks ehf. sagt upp störfum nú síðdegis.

Í Loftorku jafngildir þetta því að starfmönnum fækkar um 55% þegar uppsagnirnar taka gildi. Flestir þeirra sem fengu uppsagnarbréf nú hafa þriggja til sex mánaða uppsagnarfrest, en sá tími ræðst af starfs- og lífaldri viðkomandi og sýnir að margir þeirra hafa starfað lengi hjá fyrirtækinu. “Verkefni fyrirtækisins hafa dregist mikið saman á þessu ári og sérstaklega á síðustu vikum og er þetta því miður óhjákvæmileg aðgerð af okkar hálfu. Við munum áfram leitast eftir verkefnum til að hafa störf fyrir þann reynda og góða hóp starfsmanna sem áfram verður hjá okkur í fyrirtækinu. Vonandi getum við dregið eitthvað af þessum uppsögnum til baka ef við fáum verkefni á næstu vikum og mánuðum,” sagði Óli Jón Gunnarsson framkvæmdastjóri Loftorku í samtali við Skessuhorn. Aðspurður segir hann að þeir sem sagt hafi verið upp störfum komi úr öllum deildum fyrirtækisins.

 

Þreföldun á atvinnuleysi

“Við áttum fund með framkvæmdastjórum Loftorku og Borgarverks fyrr í vikunni og gerðum okkur grein fyrir að ástandið væri alvarlegt í þessum fyrirtækjum. Engu að síður er það reiðarslag fyrir samfélagið þegar hópuppsögn af þessari stærðargráðu eins og í Loftorku á sér stað. Lauslega reiknað þýðir þetta að atvinnuleysi í Borgarbyggð fer í einu vetfangi úr 2% í 6% eða um þreföldun í tölu þeirra sem verða án vinnu ef uppsagnirnar ganga eftir,” segir Páll S Brynjarsson sveitarstjóri í samtali við Skessuhorn. Hann segir að fyrir hafi legið að byggingariðnaðurinn væri í þrengingum og vikulega að undanförnu hefði uppsagnir verksamninga átt sér stað. Hann kvaðst engu að síður vonast til að verkefnastaða Loftorku myndi styrkjast áður en uppsagnir þessa fjölda starfsmanna myndu taka gildi.

“Þetta er auðvitað mikið áfall fyrir þessa einstaklinga og fjölskyldur þeirra sem missa fyrirvinnu sína. Hugur okkar er hjá því fólki en við verðum að vona að úr rætist sem fyrst í efnahagsþrengingum þjóðarinnar,” segir Páll S Brynjarsson.

.............................................

Það verður sífellt erfiðara að vera glaður þessa dagana.  Samfélagið er einhvern veginn að hrynja og margir sem eiga í erfiðleikum.  Ég ætla að leyfa mér að vera dauf í smástund. 

Áslaug mín.... ég hugsa til þín, vitandi ekkert í hvorum hópnum þú lentir.

 

Ég er frá Grímsey - og er stolt af því.

 

.

 

.

Hi folks !

Undanfarna daga hef ég verið svo upptekin við að hafa það huggulegt, að ég hef ekki gefið mér tíma til að blogga. 

En þrátt fyrir vanrækt blogg - eða kannski vegna þess að ég hef vanrækt blogg - eru leti minni takmörk sett og hér hefur verið dugnaður á öðrum sviðum.  Jólin næstum því tilbúin á þessu heimili.  Flestar gjafir keyptar, búin með allar stórhreingerningar sem voru á dagskrá og smákökubakstur fer fram á næstu helgi.

Hlakka mikið til að sjá jólaljósin,  heyra jólalögin og finna ilminn af kökunum.  Það getur vel verið að ég smakki líka.  Hálf hallærislegt að þefa lengi af kökum. 

.

Inn á milli dett ég í pólitískar hugsanir, eins og líklega allir landsmenn.  Mér finnst hræðilegt að einhverjir Davíðar úti í bæ hafi haft mannorðið af okkur Íslendingum, bara sisvona.  Næst þegar ég fer til útlanda, ætla ég að plata;  "I am from Grims island".  Það er sko ansi nærri því að vera rétt hjá mér.   Ég er að segja Gríms-Ísland á rituðu máli, þótt ég beri það fram sem Grims-æland.   

Spillingin á þessari litlu eyju fer svo fyrir brjóstið á mér að ég fæ brjóstsviða !    Það er kannski aðeins orðum aukið að ég fái brjóstsviða en það hljómaði ágætlega, fannst mér - svona eins og það kom á lyklaborðið. 

Er ég kannski að smitast ?  Er ég að verða spillt, lítil, plötuskjóða ? 

 

Þessi hlustar aldrei á fréttir.

.

Hann er enda alltaf glaður. 

.

 

.

Við þurfum að passa að festast ekki um of í neikvæðri umræðu.

Munum að leika okkur, brosa og njóta þess sem lífið hefur upp á að bjóða, þrátt fyrir allt.

Allavega af og til.   

--------------

Gaman væri að fá sveppavísur. 

 

 

Getraun.

.

Hérna eru myndir af nokkrum húsgögnum.  Hvað er athugavert við eina myndina ? 

.

 

.

 

.

 

.

 

.

Er ég orðin klikkuð ?!!

 

Ég þykist vita að þetta sé ekki alls kostar venjulegt. 

.

Það fyrsta sem ég hugsaði um, þegar ég vaknaði í morgun var

- ekki kreppan

- ekki sólarlandaferð

- ekki jólin

- ekki fjölskyldan

- ekki peningar

 

...................................

heldur sellerírót    

 

og steinseljurót  

 

                             

.

Til að lágmarka asnalegheitin á þeirri hugsun, læt ég hér fylgja uppskrift;

.

250 g kartöflur skornar í báta

250 g gulrætur skorið í 1,5 cm sneiðar

250 g steinseljurót skorin í 1,5 cm kubba

250 g sellerírót, skorin í kubba

200 g ólífur

250 g laukur, skorinn í báta

5 stk hvítlauksrif, söxuð

60 ml ólífuolía

ítölsk steinselja, söxuð

salt og pipar

.