Innihaldslaus pakki.

 

Aðgerðarpakki ríkisstjórnarinnar fyrir íbúðareigendur er pakki með litlu innihaldi. 

Hálfgert prump.  

Hér er frétt um málið.

.

.

Í fyrsta lagi þarf hver og einn að sækja um lánið.  Ég hefði haldið að hin gríðarlega hækkun verðtryggingar yrði leiðrétt á einhvern hátt - fyrir alla. 

Í annan stað lækkar lánið ekki um eina krónu, sækir þú um - heldur, þvert á móti, er líklegt til að hækka.  Með öðrum orðum;  Þarna er verið að plata fólk til að kaupa  að öllum líkindum hærra lán með þeirri gulrót að greiðslubyrðin sé lægri til að byrja með...... en verði síðar hærri. 
Hvers hagur er það ?  Eða er ég ekki að skilja þetta rétt ?

Æ....... mér finnst vera komið nóg af pólitískum afglöpum.

Fjölskyldurnar í landinu eru það mikilvægasta af öllu mikilvægu.

Grunnþarfir fjölskyldunnar eru fæði og húsaskjól.

Ef til stendur að setja fjölskyldur landsins á hausinn með aðgerðarleysi - og engum til hagsbóta, þá kýs ég að kjósa eitthvað annað í næstu kosningum en ég gerði í þeim síðustu.

-----------------

Sparisjóður grínista og nágrennis - banki fólksins.  

.

P.s.  Ef enginn verður búinn að axla ábyrgð og segja af sér fyrir jól.......

..........  þá segi ég bara af mér !     

Geir og Grani.

Nú er ég orðin örlítið pirruð á þeim karlskunkum Geir stýrimanni og Grana (lesist Davíð) skipstjóra.

 

Þeim hefur verið treyst fyrir þjóðarskútunni í langan tíma og það fór nú ekki betur en svo að þeir sigldu henni á fylleríi á Hollensk/Breskan dall og koleyðilögðu bæði skútuna og dallinn.

Skipstjórinn situr ennþá í matsalnum og úðar í sig kleinum, ropar og horfir á sólsetrið.  Á sama tíma kennir stýrimaðurinn flugumferðarstjórn um allt saman.

Þetta var altså alls ekki þeim að kenna.  Bara einhverjum öðrum.

Þeir sjá því enga ástæðu til að taka einhverja ábyrgð.  Iss, þetta var þó ekki nema ein þjóðarskúta og eitt orðspor.  Who gives a shit ? 

Því sitja Geir og Grani sem fastast í björgunarbátnum og ætla, af sinni alkunnu snilld, að stjórna honum en samt hafa þeir ekki haft nokkurt vit á,  að taka með sér árar eða ákveða í hvaða átt þeir ætla !

...........

 

.

Mig langar svo svakalega að vita;

Hvað gæti hugsanlega verið nógu slæmt til að Davíð segði af sér ? 

Allavega ekki eitt stykki þjóðargjaldþrot og annað stykki ónýtt orðspor Íslendinga.

.

Æjæjæjææææ. 

Ísland stendur frammi fyrir gjaldþroti

Geir og Ágúst.

 

Nú skil ég ekki. 

Fyrir hálfum mánuði sagði Geir harði að við fengjum líklega lánið frá IMF fimmtudaginn 30. október.

Síðan, þegar það kom ekki, hélt hann að það kæmi á mánudeginum 3. nóvember.

Allt í góðu með það....... nema hvað........

Samkvæmt fréttum í gær sendu þeir umsóknina frá sér fyrir viku síðan.... 4. nóvember.  

.

Skilningsleysi mitt verður líklega að skrifast á litla hagfræðikunnáttu mína.

Ég hef bara alltaf haldið að venjan væri að senda inn umsókn fyrst og fá afgreiðslu svo.

Stjórnmálamenn í dag....... dæs. 

...........................

.

.

Einn fyrir svefninn;

.

Allir strákarnir voru að dansa við stelpur nema Ágúst

hann var að dansa við strákúst. 

.

.

Ómótstæðilegt bros.

.

 

.

Tillaga dagsins;  Að ganga til næsta manns og senda honum þitt fallegasta bros - án skýringa. 

Koma svo aftur og segja frá viðbrögðunum. 

Gillí - minning.

 

Gíslína Erlendsdóttir.

Fædd 12. janúar 1961

Dáin 8. nóvember 2007

.

 

.

Yndisleg persóna. 

.

Í tónlistarspilaranum er lag sem Björgvin Halldórsson syngur, Tvær stjörnur eftir Megas.

Þetta fallega lag mun alltaf minna mig á Gillí.

Mér þætti vænt um ef þið spiluðuð lagið og tileinkuðuð það Gillí um alla framtíð.

.

 

Vinir í raun.

 

.

 

.

Smellið hér til að þakka okkar bestu vinum, Færeyingum.  

Léttara hjal.

 

   .... hér kemur smá upprifjun frá gamalli tíð.

Munið þið eftir hámarksbröndurunum ?

.

Hámark hraðans ................. er að hlaupa svo hratt í kringum ljósastaur að maður geti bitið í eyrað á sjálfum sér.

 

Hámark keppnisskapsins ............. maður sem stendur við foss og mígur eins og hann getur. 

 

Og munið þið eftir Finnska hlauparanum;  Nartí hælana ?

.

 

Burt með spillingarliðið !

 

Fyrir ekki svo mörgum árum var Ísland land friðarins.  Maður sá fyrir sér að við gætum um alla framtíð verið sáttasemjarar heimsins og allra þjóða vinir.  Við Íslendingar erum í eðli okkar friðsöm þjóð. 

En hvað hefur svo gerst ?   Davíð og Halldór gerðu okkur að stríðsaðilum í Írak !    Davíð skaut síðan seðlabankastjórastólnum undir sig og á ögurstundu kom hann af stað milliríkjadeilu við Breta.  Og nú ætlar Björn að bæta um betur og segja Íslendingum stríði á hendur. 

Brynvarðir bílar, rafbyssur og táragas er það sem hann vill leika sér með.

Það er langur í mér þráðurinn en nú fyrst er farið að fjúka í mig. 

Ég get alveg sætt mig við að vera blönk en ég get EKKI sætt mig við að búa við ofbeldi yfirvalda.  Ef Björn og hans undirmenn beita almenning ofbeldi fyrir það eitt að hafa skoðanir, þá mun ég ekki unna mér hvíldar fyrr en ég er búin að gefa honum ærlegt spark í rassinn. 

Og þetta er ekki líkingarmál..... heldur meint nákvæmlega eins og það er skrifað.

.

Af DV í dag; 

"Björn Bjarnason dómsmálaráðherra undirbýr nú sérsveit Ríkislögreglustjóra og lögregluembætti landsins undir óeirðir. Björn hefur þegar breytt reglugerð sem heimilar ráðningu á allt að 250 lögreglumönnum. Þá er búið að breyta sex bifreiðum sem nota á í óeirðastjórnun og eru sumar þeirra hlaðnar aukabúnaði upp á margar milljónir króna. Til viðbótar er verið að breyta strætisvagni sem á að nota við fjöldamótmæli eða óeirðir en hann mun gegna hlutverki fjarskiptamiðstöðvar. Mikil leynd hvílir yfir breytingunum en einn þeirra sem vann við breytingarnar segir þær trúnaðarmál.

Reiði almennings gagnvart ríkistjórninni og bankamönnum er slík að nú þykir mikilvægt að undirbúa lögreglu fyrir óeirðir og fjöldamótmæli. Hingað til hefur ekki verið talin ástæða til að vígbúast en nú er öldin önnur. Samkvæmt áreiðanlegum heimildum DV vinna menn nú dag og nótt við að breyta bifreiðum sem nota á við óeirðastjórnun en þeirri vinnu hefur nú verið flýtt til muna vegna ástandsins á Íslandi".

Náttúran á sér ýmsar myndir.....

 

..... en þessi er ein sú furðulegasta sem ég hef séð. 

.

 

 

.

Rassálfur hvað !  

Ég ætla sko ekki að blogga um kreppu.

 

Best að skreppa í búð og kaupa kreppappír. 

.

 

.