Ef ég væri forsætisráðherra í einn dag....

 

Þeir sem mig lesa, hafa um langan tíma vitað að ég er anti-sjálfstæðiskona.

Mér finnst Sjálfstæðisflokkurinn vera flokkur eiginhagsmuna, græðgi og valdsýki.

Sjálfstæðisflokkurinn má þó eiga það að kosningamaskína flokksins virkar afar vel.

Þeir tyggja á því rétt fyrir kosningar að;

"merkir þú ekki við Dé-ið, fer allt til andskotans" ! og að "Vinstri menn setji allt á hausinn"

Nú fer vel á því að draga upp gamlan málshátt;

Margur heldur mig sig.

Þeir fáu sem enn styðja Sjálfstæðisflokkinn, eru að mínu mati fólk sem hefur fengið væna bitlinga frá flokknum..... góð störf eða annað slíkt.  Fólk sem hefur eiginhagsmuna að gæta. 

Vitið þið annars að flokkurinn gefur unglingum bjór fyrir kosningar.... þótt þau séu bara 17 ára !

Það hefur öllum brögðum verið beitt. 

EN...... það verður fróðlegt að sjá kosningabaráttu þeirra fyrir næstu kosningar.

Menn sem hafa státað sig feitt af góðærinu.... að það sé tilkomið vegna þeirra stefnu....þeir hljóta líka að eiga "vondærið".   Flokkurinn undirbjó jarðveginn og plantaði í eftirlitsstörfin og þetta er uppskeran.  Verra en kartöfluuppskeran mín ! 

Ég trúi því að "Fátt sé svo með öllu illt að ei boði gott" og að næsta ríkisstjórn verði mynduð af Samfylkingu og Vinstri grænum. 

Jafnaðarstefna þeirra er mun mannúðlegri, að ég tali nú ekki um grasvænni. 

.

Ef ég væri forsætisráðherra í einn dag myndi ég afnema eftirlaunafrumvarpið fyrir hádegi og segja síðan Davíð upp eftir hádegi.   Og fyrst hann vill ekki standa upp úr stólnum þá má hann eiga stólinn og taka hann með sér. 

 

 

 

Samfylking afneitar Davíð

Fyrir pabba.

 

Faðir minn dó fyrir rúmlega 10 árum.

Hann var bifvélavirki.

Ef maður kom með bíl í viðgerð til pabba þá kom þrennt til greina;

Maður vel efnaður =  þurfti að borga venjulegt verð fyrir viðgerð.

Maður í millistétt =  fékk ódýra viðgerð.

Maður átti mjög litla peninga =  viðgerð ókeypis.

Því sýnist mér að pabbi hafi verið Jafnaðarmaður í hjarta sínu.  Hann jafnaði kjör fólks. 

.

 

.

Í sveitum hefur það gjarnan tíðkast að nágrannar hlaupi undir bagga, hvor með öðrum.   Lendi einn í tjóni eins og bruna koma hinir gjarnan til hjálpar og styðja við hann, ýmist með peningaframlögum eða hjálp við uppbyggingu.  Þessi náungakærleikur er ómetanlegur.

Á erfiðum tímum ættum við að huga að náunganum.

Pabbi kenndi mér að við komumst best í gegnum erfiðleika með því að hjálpast að.

Með þetta í huga, ætla ég að styðja við einn bloggvin minn. 

Allir að kíkja í pósthólfið sitt !   

.

Ég hvet ykkur til að huga hvort að öðru. 

Vísnakeppni.

Hér kemur fyrripartur........ 

 

Enginn fæst ábyrgð til að axla

og áfram á himni skín tungl

.

.

Og botna svo !   

Misskilningur.

 

Ég á frænku. 

Í dag, þegar ég var að vinna, hitti ég frænku mína og manninn hennar.

Einu sinni bjuggu þau í Vatnsholti.

Foreldrar hennar eiga bústað sem heitir Holtsendi.

------------

Eftir að ég var búin að spjalla við hana, gekk ég inn á lager.

Þar sé ég pakka sem merktur er Vatnsendi.

.

 

.

Ég skokkaði með pakkann fram í búð og leitaði að frænku minni.

Ekki fann ég hana svo ég hringdi.

Ekki kannaðist hún við neinn pakka. 

Smá misskilningur hjá mér. 

----------

Ætli ég hafi unnið of lengi við bókhald fyrst ég finn það út að;

Vatnsholt + Holtsendi   =    Vatnsendi. 

.

Það tekur því ekki.

 

Í kvöldfréttunum var meðal annars rætt um forsetakosningarnar í Bandaríkjunum.

Dóttir mín, 12 ára, horfði á.

Svo gall í henni;

Af hverju er hann að bjóða sig fram ?   Hann er 71 árs !  

Góð spurning hjá henni. 

-------------------

Þegar ég var 19 ára var ég kölluð KERLING af nokkrum unglingum. 

Það er því í hæsta máta eðlilegt að McCain sé útrunninn í augum dóttur minnar.

.

 

.

Íslenskt mál - svo einfalt, svo einfalt.

 

 

Hamstur í flíspeysu

fékk flís,

varð hamslaus 

og fór þá að hamstra

 flísar og hamsa.

 

 

Svona mynd verður maður að deila með öðrum.

.

 

.

Færsla til kvenna.

 

Þetta blogg er til þess fallið að vekja öfund. 

Í þessum hraðrituðu orðum er bóndi minn að elda humarsúpu eftir uppskrift sem hann fékk hjá lærðum kokki.

Í þessum sömu orðum er hann að baka sesambrauð.

Gott ef hann er ekki að strokka smér í leiðinni. 

Nei, ég segi svona.

.

 

.

Það sem hann er nú myndarlegur þessi maður !

.

Kósí kvöld í kvöld.

.

 

.

 

.

 

.

Geymast betur, rétt eins og matvæli.

 

Það hefur löngum verið vitað að ýmis matvæli geymast mun lengur, séu þau í frysti.

Núna og fyrst núna,  kemur á daginn að peningar geymast líka miklu betur í frysti.

En það liggur samt svo í augum uppi !  Þú eyðir ekki peningum sem eru í frystikistunni. 

Já og svo ef greiðsluseðlarnir eru að sliga þig og þú átt ekki fyrir næstu afborgun....... þá hendirðu þeim bara í frysti og frystir lánin.  Gæti þetta verið auðveldara ? 

.

 

.

Starfsmenn Hæfingarstöðvarinnar á Akureyri eiga auðvitað að fá orðu fyrir þessa nýsköpun.

Á sama tíma hrósa ég happi.  Sökum þeirrar staðreyndar að ég er bara með pínulítið frystihólf fyrir ofan ísskápinn, þá mun ég teljast lukkunnar pamfíll að eiga bara lítið af peningum.   

Eða eins og ég segi;  ég er alltaf að græða. 

 

Innstæður frystar