Ofhugsun.

.

Ég fór að hugsa. 

Sumir hafa fólk alveg í vasanum.

Hvar fást nógu stórir vasar ?

Ef einhver hefði mig í vasanum myndi ég reyna að hafa það reglulega gott.  

Það eru til vasadiskó, vasaklútar, vasabækur og vaselín....

.

.

Bara skrambans vesen að það skuli vera til vasaþjófar.      

Ætti ég nokkuð að hugsa svona mikið ? 

---------------------------------------------------------

 

Eða eins og ungverskt máltæki segir;  "Ég hef ekki hugmynd en segi það satt".

Bókmenntaperla eða ?

 

Vegna tveggja áskorana var sú ákvörðun tekin - skynsamleg eða ekki - að birta valinn kafla úr Slummu, slepju, slef- og klísturbókinni.

Bókin hefst á þessum orðum: 

"Manneskjan er hol,  Já við erum í rauninni bara rör, opið í báða enda". 

Hvað segið þið hin rörin um þetta ? 

.

Í miðju bókarinnar eru leiðbeiningar sem gætu nýst vel;

.

.

............ og uppskrift !!! 

.

.

Þetta blogg er að verða eins og besti fræðsluvefur. 

Bókmenntagagnrýni.

.

 

.

Þessa bók las ég um páskana.

Forsíðan ein og sér er allrar athygli verð.  Það er hægt að toga tunguna út og suður og svo skreppur hún sjálf til baka eftir smástund.  Dálítið slepjulegt - en þetta er jú Slummu, slepju, slef- og klísturbókin.

Innihald bókarinnar er svo allt önnur saga og ekki fyrir viðkvæma.

Ég ætla að hugsa málið, hvort ég birti miðju bókarinnar á morgun en það skal tekið fram að ekki er æskilegt að lesa hana rétt fyrir eða eftir máltíð.

Maður missir lystina ! 

Aðlögun dýranna.

 

Aðlögun dýranna hefur gengið vonum framar.  Í gær var Depill hundfúll eins og sjá má á þessari mynd;

 

.

Hann hélt sig í ákveðinni fjarlægð en kíkti þó með öðru auganu á litla skrímslið.

 

.

Hundurinn hins vegar tók Kötlu litlu afar vel.  Fín saman ?

 

.

Álappalegur svipur þarna;

 

.

Stóri kisi er í eðli sínu góður og nennir ekki að vera í fýlu lengur.  Hann tók því Kötlu í sátt, rétt áðan;

 

.

Hrafnkatla Himinbjörg er bara kát með nýju fjölskylduna sína og vill helst humarsúpu í öll mál.

Hvert örstutt spor.

.

Ein mesta gæfa hvers manns í lífinu er að hafa gott fólk í kringum sig.

Vöggukvæði Halldórs Laxness er að mínu mati óendanlega fallegt ljóð.

Ég tileinka það öllu góðu fólki með fallega sál - en sérstaklega þó góðhjörtuðum manni sem gaf mér góðar ráðleggingar um páskana.   

.

Vöggukvæði.

Hvert örstutt spor var auðnuspor með þér,
hvert andartak er tafðir þú hjá mér
var sólskinsstund og sæludraumur hár,
minn sáttmáli við guð um þúsund ár.

Hvað jafnast á við andardráttinn þinn?
Hve öll sú gleði er fyrr naut hugur minn
er orðin hljómlaus utangátta og tóm
hjá undrinu að heyra þennan róm,  

hjá undri því, að líta lítinn fót
í litlum skóm, og vita að heimsins grjót
svo hart og sárt er honum fjarri enn,
og heimsins ráð sem brugga vondir menn,  

já vita eitthvað anda hér á jörð
er ofar standi minni þakkargjörð
í stundareilífð eina sumarnótt.
Ó alheimsljós, ó mynd sem hverfur skjótt.

Halldór Laxness, 1902-1998

Páskaunginn - myndasyrpa.

.

Hún Hrafnkatla Himinbjörg (kölluð Katla) var heldur aum þegar hún kom í gær.

.

Maaaaaaammmmmmmma !

.

------------------------------------

En síðan tók hún sig saman í andlitinu.  Hún vakti mig klukkan 7.30 og leyfði mér ekki að fara að sofa aftur, fyrr en hún hafði skriðið uppí og komið sér vel fyrir.  Eftir að hafa sofið hjá nýju mömmu, tók hún gleði sína á ný, eins og sjá má;

.

.

.

.

Depill, kötturinn sem sýndi leikfimiæfingar hér fyrir nokkrum bloggum síðan, er ekki kátur.  Honum finnst að þetta skrímsli ógni tilveru sinni. 

Femína, hundurinn á heimilinu, heldur hins vegar að hún eigi þetta afkvæmi og kemur fram eins og hin besta mamma.   

Anna, kéllingin á heimilinu, biðst afsökunar á að hafa ekki tekið bloggfríið sem hún lofaði. 

Afmælisgjafirnar.

 

Ég fékk þær skemmtilegustu og bestu afmælisgjafir sem ég hef nokkurn tíma fengið. 

Hér koma tvö sýnishorn;

.

Sonur minn gaf mér m.a. þessa bók.

.

Yngsta dóttir mín afhenti mér þessa gjöf áðan og þrátt fyrir að ég hefði 80 sinnum sagt nei við beiðni hennar um svona....... bráðnaði ég umsvifalaust þegar hún gaf mér hana. 

.

 

 

Ég á yndisleg börn. 

 

 

Fjör í sveitinni.

 

Í dag 22. mars á hún Kristjana bloggvinkona, bekkjarsystir og fyrrum sveitungi afmæli.

-------------------------------- 

Hún skrifaði á sína bloggsíðu í gær; 

"Þessir 3 dagar sem nú fara í hönd hafa mér alltaf fundist gríðarlega merkilegir.

Það er stórmerkilegt að 3 stúlkur hafi fæðst 3 daga í röð á nánast 3 bæjum í röð.

Hvað var að gerast í þessari sveit 9 mánuðum áður?"

----------------------------- 

Á morgun, 23. mars á svo Rósa frænka mín afmæli.

Til hamingju með að vera flottar 44 ára, Kristjana og Rósa.   

Einmenningsmeistari Borgarfjarðar í bridge.

 

Ég er ekki alveg eins vitlaus og ég lít út fyrir að vera, því á mánudaginn var landaði ég titlinum einmenningsmeistari Borgarfjarðar í bridge.

.

.

Þar sem ég á afmæli í dag, fannst mér tilefni til að grobba mig dálítið. 

Eða eins og kínverskur málsháttur segir;   Gott grobb á góðum degi - er eins og gúmmelaði. 

 

Oft er bloggari kattliðugur eftir æfingar.

 

Nú þegar Páskahátíðin fer í hönd með tilheyrandi áti, er ekki úr vegi að taka léttar æfingar á milli máltíða.  Ég fékk fyrirsætu til að sýna æfingar sem þið getið gert.

.

Leggist niður og andið djúpt að ykkur.... muna að slaka vel á.

Lyftið höfði upp og til hægri.  Þessi æfing styrkir magavöðva.  Það má sleikja sig aðeins í leiðinni.

Teygið vinstri loppu út og haldið í þrjár mínútur.  Mjög gott fyrir hálsvöðva.

Lyftið síðan vinstri loppu upp og teygið vel á.  Æfingin hentar vel fólki sem er inni í sér.

Veltið ykkur á hina hliðina og spennið kviðinn út.  Smá naflaskoðun.

Að lokum skal fara í fósturstellinguna og sofna vært.