Quiznos

22.8.2010 | 11:52

Ég verð að viðurkenna að stundum man ég ekki hvort ég hef sagt frá tilteknum hlutum á blogginu áður - eða hvort ég hef ekki gert það. Ef ég segi tvisvar frá því sama getið þið farið í rannsóknarvinnu og athugað hvort frásögnin breytist á milli tímabila og hvort ég sé farin að ýkja. Tounge

Eftirfarandi frásögn er ein af þeim sem ég ekki man hvort ég hef áður sagt frá en atburðir gerðust fyrir rúmlega ári síðan:

Sonur minn og félagar hans voru að vinna mikið á tímabili - daga og nætur. Mamma gamla ákvað að létta undir með þeim og færa þeim eitthvað matarkyns.

Ég arkaði í sjoppuna (á bílnum) og keypti Quiznos sem þá var algjör nýjung á mínum slóðum. Pantaði þrjá báta en sá síðar, þegar pöntunin var lögð á borðið, að bátarnir voru í stærri kantinum. Næstum því skip. Wink Jæja, drengirnir yrðu allavega saddir af þessum hnullungum, hugsaði ég.

Mæti ég síðan á vinnustað og kalla á þá:

Strákar ! Viljið þið "kvasínos" ?

KVASÍNOS, gólaði sonur minn, undrandi og hneykslaður.

Strákarnir sprungu úr hlátri. Ég vil eiginlega ekki ræða það hversu lengi þeir hlógu.

-------------

Þessa dagana hljóma auglýsingar í útvarpinu; Kvisnos, kvisnos, kvisnos og mér líður eins og verið sé að gera grín að mér - sem ég kann alls ekki að meta. Whistling

-------------

Ekki er öll vitleysan komin í hús ennþá. Stuttu eftir að ég færði þeim brauðhleifana, Happy sagði ég systur minni frá atvikinu.

"Veistu bara hvað ? Ég keypti Kvasínos handa strákunum og þegar ég kom á staðinn, kallaði ég Kvisnos eins og kjáni" ! Og svo hló ég hátt.

Flokkur: Matur og drykkur | Facebook

Athugasemdir

HAHAHAHAHAHAHAHA !!!!!!!!

Hrabba (IP-tala skráð) 22.8.2010 kl. 13:56

hahahahahahaha !

Ragnheiður , 22.8.2010 kl. 14:50

Anna, ég man enn eftir sögunni um þjóninn á Spáni sem þú sagðir einu sinni (eða oftar) á blogginu þínu. Það er ekki öllum gefið að segja slíkar sögur af sjálfum sér. Mín vegna mættirðu segja hana a.m.k. einu sinni enn. En hvað hefðirðu gert ef þjónsvesalingurinn hefði slengt slátrinu á borðið!!

Sæmundur Bjarnason, 23.8.2010 kl. 20:56

Ég hefði orðið rosalega hneyksluð.

Anna Einarsdóttir, 23.8.2010 kl. 22:42

Hahaha - góður!

Ingibjörg Hinriksdóttir, 25.8.2010 kl. 07:44

Birna Dis Vilbertsdóttir (IP-tala skráð) 26.8.2010 kl. 14:06

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.