Mótmælaganga inn í eldhús og aftur til baka.

 

Undanfarið hafa komið tíðar fréttir af jarðskjálftum. 

Skýringin kemur núna því það er komið að mér .......... að gjósa ! 

 

 

 

Fari það í áttatíu röndóttar risarækjur og kófsveitta kolkrabba með klístraða hala.

.

Af hverju er stelpan örg ?

Óréttlæti heimsins.....  (hágrenjandi kall með hor)

.

Fréttir af hagnaði Kaupþings banka...... 1 milljarður á fjögurra daga fresti, samtals 93 MILLJARÐAR á ársgrundvelli er kannski kveikjan.  Eignir bankans nú eru 4570 milljarðar króna.

.

Fer þetta ekki að verða nóg handa ykkur elsku kallarnir mínir ? 

.

• Hreinar vaxtatekjur á öðrum ársfjórðungi jukust um 38%
• Hreinar þóknanatekjur á öðrum ársfjórðungi jukust um 65,4%

 .

Kæru landar....... það er verið að féfletta okkur.

.

Ég er ekki hætt. 

Nú var ég svo vitlaus að kaupa mér húsnæði og tók auðvitað íbúðalán hjá bankanum - alsæl því bankastjórinn og ég vorum svo góðir vinir og svoleiðis.

Svo gerist það að hann hættir...... eða er látinn hætta af furðulegum og fáránlegum ástæðum.

Þá vil ég hætta líka.  EN...............

Um það hefur bankinn þetta að segja í smáa letrinu:

"Eins og öllum lántakendum er kynnt við lántöku, bjóðast lægstu kjör eingöngu viðskiptavinum Kaupþings.  Ef þú hættir viðskiptum við Kaupþing þá fellum við niður afsláttinn af vöxtunum"

.

Hérna vantar bara HAHAHAHAHA hrossahlátur og   (nú er ég komin með ekka og orðin heldur ófrýnileg í framan).

.

Ennþá eigum við eftir að minnast á yfirdráttarvextina sem eru 22%-23% og á góðri mállýsku útleggst ....

OKUR ! 

.

Mér væri slétt hundsama þótt lánið mítt gjaldfélli út af þessum skrifum mínum........ þá er ég þó neydd til að skipta um banka og verð örugglega miklu hamingjusamari og helv. mikið blankari. 

.

Og PS.... til Kaupþings

Þið fáið mínar bestu þakkir fyrir jólagjöfina, bláu holuna, sem því miður vantaði þó leiðbeiningar með. 

Ég reyndi að nota hana sem kokkahúfu en hún passar víst frekar á górillu. 

Er þetta kannski risa-pennastadív ? 

.

-------------------------------------------------------------------------------

. 

Nú ætla ég að verða heimsmálaráðherra og þá gerist þetta:

Ég tek allan pening af öllum í heiminum í skatt.   

Verð sennilega heldur óvinsæll heimsmálaráðherra um stund en skítt með það.

Síðan ætla ég að skipta öllum peningunum jafnt á milli allra í heiminum - eins og maður gerir í Matador.....   og byrja upp á nýtt. 

.

.

Réttlætiskennd mín þolir ekki að einhverjir kallar baði sig í peningum.......

.

.

.

.......... á meðan börn eru að deyja úr hungri.

.

.

.

.

Eldgosi lokið.

 

 

 

 

Athugasemdir

[Gunnar Helgi Eysteinsson, 25.7.2007 kl. 18:45]

Ég skil þig...

[Anna Einarsdóttir, 25.7.2007 kl. 18:53]

Ég er annars í fínu skapi,, hef það eins og blóm í eggi.  (eggjarauða) 

Þetta er áskorun til fólks að láta ekki sitt eftir liggja að bæta heiminn...... takið að ykkur barn sem á bágt  (ég á eina 11 ára í Khasakstan)....... mótmælið græðgi.........sinnum náungakærleiknum meira.

MATUR !   (ég er heppin).

[Gunnar Helgi Eysteinsson, 25.7.2007 kl. 19:52]

Ég las það það stóð Guðjón Viðar Valdimarsson

[Anna Einarsdóttir, 25.7.2007 kl. 19:52]

 Kæri Guðjón, ég las það.  Það stóð ekki þar að bankastjórinn minn yrði látinn hætta í þessum banka og færi í annan.   

Ég vona að fólk túlki ekki þessa grein sem grenj yfir eigin fjárhag því ég hef það bara alveg þokkalega fínt.     En flétta jú inn einni og annarri staðreynd úr minni reynslu, tölulegar staðreyndir bankans, bull að hætti hússins dettur þarna inn líka........ en inntakið átti að vera misskipting auðs..... óbærilega mikill !

[Anna Einarsdóttir, 25.7.2007 kl. 19:53]

Þú ert svo einlægur Gunnar. 

[Ingibjörg Friðriksdóttir, 25.7.2007 kl. 19:58]

Anna, Veistu að það er 2-0 á Víkingsvellinum.  Íhaaaaa.

Kallinn minn er Framari og á Vellinum, en ég er borin og barnfædd Víkingskona.

Hvað með þig Guðjón Viðar? 

[Ingibjörg Friðriksdóttir, 25.7.2007 kl. 20:00]

Og annað  Anna,  Þú veist að vinur okkar er undir Fjöllunum. Ætlar þú ekki að fara heim til hans og yrkja honum ljóð?

[Brattur, 25.7.2007 kl. 20:27]

... Anna þú ert sko Hrói Höttur Íslands... ég skal vera Tóki munkur og berjast með þér

[Edda Agnarsdóttir, 25.7.2007 kl. 20:51]

Já lífið er ekki fallegt Anna mín - en það kemur mér á óvart að hann Brattur vilji ekki vera prinsessan!

[Anna Einarsdóttir, 25.7.2007 kl. 20:54]

Hann getur ekki ákveðið hvort hann á að vera Tarsan eða Hrói.......

[Brattur, 25.7.2007 kl. 21:11]

Tarzan var svo mikill sundkappi... ég verð bara Tarzan... og svo frelsa Hrói Höttur og Tarzan heiminn... Edda þú getur verið Zorro og hjálpar okkur... en prinsessa... það datt mér nú eiginlega aldrei í hug, ég bara verð að viðurkenna það...

[Anna Einarsdóttir, 25.7.2007 kl. 21:48]

Þú hefur ekkert hugmyndaflug Brattur !

[Brattur, 25.7.2007 kl. 21:56]

... nei það virðist alveg stöðvast hjá mér hugmyndaflugið þegar kemur að því að skipta um kyn... ég er bara ekki í stuði til þess...... núna...

[Ragnheiður , 26.7.2007 kl. 20:17]

Ég á einmitt lítinn snáða í Uganda og ætla að eiga hann alltaf...

[Anna Einarsdóttir, 26.7.2007 kl. 20:32]

  Fallegt hjá þér hagahross.

[Katrín Snæhólm Baldursdóttir, 28.7.2007 kl. 15:51]

Svo eru menn með einhvern skjálfta yfir að Katla eða Hekla eða Vatnajökull gjósi!!!! Já þetta peningabað er orðið frekar gaga....og við erum froðan í baðinu..ojojojoj!!!!