Árans óheppni.

 

Í dag ætlar sveitastelpan að skella sér í menninguna.  

Það var á dagskránni að sýna mig og sjá aðra.   

Nema hvað.... vaknaði í morgun með svakalegar frunsur.  Ekki eina eða tvær.. heldur margar.   Það er kominn hjónasvipur með mér og Fílamanninum. 

Eins og það sé ekki nóg til að hrekja alla sjénsa út á hafsauga.  Nei sko, ég er líka með bólu á ótrúlega "skemmtilegum" stað.  Hún er í nösinni og blasir þar við. 

Ef ég hef reiknað hana rétt út, mun hún verða hvít í kvöld og þá lít ég út eins og Fílakona með hor.   

.

.

Ef þið sjáið mig á förnum vegi.... þá væri fallega gert af ykkur að hlægja ekki of mikið að mér.

Góða skemmtun !

 

Athugasemdir

[Edda Agnarsdóttir, 18.8.2007 kl. 13:12]

 Best að drífa það þá af núna.

[Gunnar Helgi Eysteinsson, 18.8.2007 kl. 13:13]

Farðu bara í ljót föt, þá tekur engin eftir bólunni

[Ragnheiður , 18.8.2007 kl. 13:49]

Iss farðu bara þá eftir myrkur, getur svo sagt að þetta sé endurskin frá flugeldasýningunni

[Björg F (IP-tala skráð) 18.8.2007 kl. 15:39]

Getur þú ekki bara gefið sjálfri þér glóðarauga og þá tekur engin eftir frunsunum?

[Björg F (IP-tala skráð) 18.8.2007 kl. 15:45]

Hvernig er þetta.. ertu ekki með einhverjar skemmtilegar myndir úr ferðinni sem þú getur skellt hérna inn?

[Ragnheiður , 18.8.2007 kl. 15:53]

frunsuflokkur,bólan og Anna hafa greinilega skroppið í bæinn, var ekki verið að tala um umferðaröngþveiti þarna niður frá ?

[Ingibjörg Friðriksdóttir, 18.8.2007 kl. 21:22]

Manneskja! settu á þig hvítan maska, sjóræningjaklút og sólgleraugun upp.  Annars er hálfur bærinn í frunsuvinafélaginu, þannig að maður tekur frekar eftir þeim sem eru frunsulausir.

[Halldór Egill Guðnason, 19.8.2007 kl. 03:11]

Einhver óværa í jökulvatninu? Held ég hafi séð þig í kvöld í bænum, eða kannski ekki. Sá bara fólk, fólk, fólk. Hrikalega er hægt að troða mörgu fólki saman í nafni menningar. Nokkrar frunsur og bóla á nefi....."no way" að nokkur hafi tekið eftir því. 

[Brynjar Jóhannsson, 19.8.2007 kl. 04:34]

Anna panna mjólkurkanna... þú þarft ekki að hafa áhyggjur af því að missa af sénsum þó þú sést með frunsur því nóg er af fílamönnunum niðri í miðbæjum Reykjavíkur. Margir þeirra fílamanna væru meira að segja vísir til með að bjóða þér í glas en vandamálið er að þeir væru alveg jafn líklegir til með að æla ofan í hálsamálið á þér.
Hitt er að ég efast um að jafn glæsileg kona kærir þig kollótta um þá. Þannig að þó þú sést með frunsur og bólu á nefinu eða ekki þá get ég fullvissað þig um að þú átt þína sénsa.

[Anna Einarsdóttir, 19.8.2007 kl. 16:38]

Æi hvað þið eruð góð.     Það liggur við að ég setji gleraugun á nefið líka eftir svona mörg "gerirekkerttilhvernigþúlíturút"  komment. 

Sástu mig Halldór ?  Manstu hvernig fötum "ég eða hún" var í ?

[Anna Einarsdóttir, 19.8.2007 kl. 17:33]

Björg !  Ég á engar myndir ennþá.    Ætli hún hafi gleymt að senda mér ?

[Halldór Egill Guðnason, 19.8.2007 kl. 22:21]

Nei, man ekki eftir fötunum. Sá bara bóluna.

[Anna Einarsdóttir, 19.8.2007 kl. 22:24]

Þá var þetta ekki ég Halldór.  Ég var svo kynþokkafullt klædd að það átti ekki að fara framhjá nokkrum manni. 

[Halldór Egill Guðnason, 19.8.2007 kl. 22:50]

Nú!! Varst það þú?? Ja sko, þá hef ég séð þig!

[Halldór Egill Guðnason, 19.8.2007 kl. 22:55]

Á ekkert að fara að sýna myndir frá svaðilförinni? Það er ekki nóg að segjast hafa farið. Það verður að sanna það með óyggjandi hætti

[Anna Einarsdóttir, 19.8.2007 kl. 22:59]

Ég fæ myndir á morgun eða hinn.  Jújú, ég verð að sanna mál mitt.  Vona að skelfingin skíni ekki úr andliti mínu á myndunum. 

Það eru samt ekki til myndir af okkur í siglingunni.  Hún var þess eðlis að það hefði engin myndavél lifað það af.  Bara myndataka á stoppistöðum.