Sýnishorn frá Laufskálarétt.

 

Mig langar að deila með ykkur tveimur atvikum frá helginni:

.

Örn Árnason var að skemmta í reiðhöllinni á Sauðárkróki.  Hann sagði, íklæddur rónafrakkanum sem hann er stundum í, í Spaugstofunni:

Guð skapaði allt !  Hann skapaði sólarhringinn, með 24 tímum.  Hann skapaði líka bjórkassann.  Það er engin tilviljun að það eru 24 bjórar í kassanum !

.

psssst.... Þetta er birt í leyfisleysi svo suss..... leyndó.   

-----------------------------

.

Þegar við smöluðum Kolbeinsdalinn, stoppuðum við auðvitað á nokkrum stöðum.  Í einu slíku stoppi hlustaði ég á par tala saman.

.

Hann er eitthvað að tala um hest sem hann á.

Hún spyr hvað hesturinn sé gamall.

Hann segir:  Ég man það ekki, hann er alltaf að eldast og eldast.

Þá segir Anna litla:  Fer hann þá ekki að verða tilbúinn ?

.

.

 

Athugasemdir

[Kristjana Bjarnadóttir, 30.9.2007 kl. 21:01]

og meyrnar með aldrinum  

[Ingibjörg Friðriksdóttir, 30.9.2007 kl. 21:09]

Þú ert nú meiri grínarinn Anna.  En borðar þú hrossakjöt?

[Þröstur Unnar, 30.9.2007 kl. 21:12]

Já maður verður alltaf meira og meira tilbúinn með aldrinum.

Maður étur nú ekki vini sína, aldrei of miklið til af þeim, fríðust.

[Gunnar Helgi Eysteinsson, 30.9.2007 kl. 21:12]

 Þú ert fyndin

[Anna Einarsdóttir, 30.9.2007 kl. 21:17]

Þröstur svaraði þessu fínt.  Ég lenti reyndar í því, þegar ég fór í hestaferð í sumar, að vera langt komin með að klára af disknum þegar ég var upplýst um hvað ég væri að borða.... nefnilega hrossakjöt.  Eftir það borðaði ég smá bita af kjöti með vænum bita af kartöflu í hverjum munnbita.  Lystin minnkaði, einhverra hluta vegna.   

[Ingibjörg Friðriksdóttir, 30.9.2007 kl. 21:35]

Þykkvabæjarvelreykthrossabjúgu eru sælgæti og herramannsmatur get ég sagt ykkur og ét ég þau með bestu lyst, þrátt fyrir að vera komin af hestamönnum í báðar ættir.

[Kristjana Bjarnadóttir, 30.9.2007 kl. 21:38]

Svona, svona, ég borða heimalingana, afhverju ekki hestana líka? Móðir mín kenndi mér að eftir að búið væri að pakka kjötinu þá hefði það ekki nafn. Bannað að nefna matinn með nafni. Annars er Jóhann Björnsson heimspekingur með mjög skemmtilega pælingu um þetta nú um helgina. Að mínu mati algerlega brilljant.

[Ingibjörg Friðriksdóttir, 30.9.2007 kl. 21:52]

Hann er Freyjudjúpur hann Jóhann Björnsson, þykist þekkja hann og veit að hann borðar ekki ketti.

[Anna Einarsdóttir, 30.9.2007 kl. 22:36]

Heilsu ?   Kristjana mín... ég var bílstjóri á föstudagskvöldið, fékk mér síðan tár í réttinni en var farin að sofa fyrir miðnætti á laugardagskvöldið.  Stillt dama eins og ég er vandfundin á þessum síðustu og verstu tímum. 

[Edda Agnarsdóttir, 30.9.2007 kl. 22:51]

Gaman að heyra frá þér og fá fréttir úr réttunum! En hva so - erum við ekki að far á hestbak með tattó klúbbnum?

[Anna Einarsdóttir, 30.9.2007 kl. 22:52]

Til er ég Edda....... þið hin, hvað segið þið ?

[Edda Agnarsdóttir, 30.9.2007 kl. 23:16]

Hvar getum við fengið leigða hesta og leiðbeinanda? Drífa í þessu áður en þeir verða teknir inn - eða er þaki?

[Bjarndís Helena Mitchell, 1.10.2007 kl. 00:17]

[Gíslína Erlendsdóttir, 1.10.2007 kl. 16:08]

Eitthvað er ég skyld Kristjönu því það sama tíðkaðist heima hjá mér.......við Kristjana erum sko frænkur því mæður okkar eru systkinabörn í báðar ættir  í alvörunni. Éta allt sem að kjafti kemur.

[Ingibjörg Friðriksdóttir, 1.10.2007 kl. 16:12]

Edda það þarf engan leiðbeinandi, við Anna erum nú þokkalega reiðfærar.

En ég hringdi í gamni:  Það er alltaf leiðbeinandi, það eru skaffaðir útigallar og stígvél fyrir þá sem vilja, Og ef hópurinn samanstendur af óvönum, þá er farið í 90 mínútna reiðtúr út í hraun og kostar 4.900,- pr. mann.

Þeir reka hestaleiguna allan ársins hring.  Til er ég, ef ég verð ekki orðin svo þung að ég komist ekki á bak án hjálpar. 

[Arnfinnur Bragason, 1.10.2007 kl. 16:55]

Auðvelt að plata mig út í hvað sem er

[Anna Einarsdóttir, 1.10.2007 kl. 17:41]

Ingibjörg.........ég skal með ánægju ýta á rassinn á þér ef þú kemst ekki í hnakkinn sjálf. 

[Ingibjörg Friðriksdóttir, 1.10.2007 kl. 18:23]

Anna, ég fer ekki á bak ef ég kemst ekki hjálparlaust! Takk samt!

[Þorsteinn Sverrisson, 3.10.2007 kl. 22:33]

Hæ Anna. Þetta hefur verið gaman. Ég rak hross inn í Kolbeinsdal fyrir nokkrum árum með Óla á Kálfstöðum.  Mjög fallegt þarna.

[Anna Einarsdóttir, 3.10.2007 kl. 22:43]

Hæ Þorsteinn... fyrsti kommentarinn á blogginu mínu. 

Já... alltaf gaman að smala Kolbeinsdalinn.... svona hálfgerð indíánareið.  Kannski höfum við smalað saman þá !  Ég hef líklega farið sjö sinnum.

[Þorsteinn Sverrisson, 4.10.2007 kl. 12:31]

Nei ég rak bara inn eftir um sumarið fyrir nokkrum árum með Óla.  Ég hef aldrei rekið niður í Réttir um haust en það gæti verið gaman, sérstakelga ef þú værir með miðað við lýsingarnar hahaha.  Hefur þú smalað með einvherjum sérstökum bónda þarna?

[Anna Einarsdóttir, 4.10.2007 kl. 12:41]

Já.... ég hef smalað undanfarin ár með Ingu frá Ásgarði... dóttur Sigurðar í Víðinesi.... á hesti sem ég tamdi fyrir hann, fyrir nokkrum árum.