Bloggflokkurinn.

 

Bloggritari hefur fengið áskorun um að stofna stjórnmálaflokk bloggara.

.

Bloggflokkurinn heitir hið nýja afl.... sem mun hafa gígantísk áhrif á íslenskt samfélag á komandi mánuðum.... 

.

Nú þurfum við að kjósa frambjóðendur og mín tillaga er þessi:

1. Gillí frænka  (Hún myndi rústa hvorteðer handónýtu heilbrigðis og tryggingakerfi og byggja upp nýtt og flott kerfi.... og svo á ákveðin frænka greiðari aðgang að málum...  ) 
2. Halldór tuðari  (sá kann að tuða svo mikið að allir gefast upp og samþykkja allt sem hann segir) 
3. Jón Steinar prakkari  (hann getur strítt þingmönnunum og samið þingsályktunartillögur)
4. Jóna Svanlaug  (hún kemur í veg fyrir spillingu á Alþingi)
5. Einhver Sjálfstæðismaður....  (þá er einum Sjálfstæðismanninum færra á Íslandi).

.

SAMÞYKKT ?  

Breytingatillaga..... Ingibjörg verður í 5 sæti og Sjálfstæðismanninum verður bolað niður.... hún á að sjá um að frambjóðendur Bloggflokksins skemmti sér konunglega. 

.

Svo þarf að setja upp stefnuna !!

.

Ég verð að heiman í kvöld en geng út frá því að heildstæð stefna liggi fyrir þegar ég kem aftur.   

 

 

 

Athugasemdir

[Ingibjörg Friðriksdóttir, 15.10.2007 kl. 17:43]

Má ég vera í skemmtinefndinni? sem tilheyrir menningu og listum

[Ingibjörg Friðriksdóttir, 15.10.2007 kl. 17:59]

Jibbýyyyyyy öngvir sjálfstðismenn í okkar flokki bara sjálfstæðir.  Oho hvað ég hlakka til

[Brattur, 15.10.2007 kl. 18:10]

... heyrðu, ég vil vera í íþróttamálunum og styrkveitingum... frítt í sund fyrir alla... "Happy hour" í strætó alla föstudaga... allir sem ferðast þá með strætó fá bjórkippu og pakka af mjólkurkexi... og lakkrísrör...

[Heiða B. Heiðars, 15.10.2007 kl. 18:13]

Oj... ég skil ekkert í þér að hafa mig ekki með! Ég gæti sko stappað niður löppunum og rifið í hárið á fólki þangað til það hlýðir og er eins og ég vil hafa það!!

[Anna Einarsdóttir, 15.10.2007 kl. 18:17]

Hó hó...... það mega bara ALLIR VERA MEÐ í okkar flokki..... við skiljum sko ekki útundan. 

Þá er það stefnan ?    Spurning hvort við eigum að stefna að heimsyfirráðum.... eða kannski nennum við því ekki....

[Halldór Egill Guðnason, 15.10.2007 kl. 18:25]

Eitt skref í einu Anna mín. Byrjum úr Borgarfirði að Stokkseyri. Stefnan þangað er ca SSV að Suðri. Er það ekki bara fín stefna, ha? 

[kiza, 15.10.2007 kl. 19:02]

whoa, takk fyrir traustið!  

ég er memm! hef meira að segja "reynslu" af að vera í framboði frá því hér á árum áður þegar konseptgrínið "Anarkistaflokkurinn" bauð sig fram í ríkisstjórnarkosningum. Hann Brylli (Brynjar Jóhannsson) ætti eitthvað að kannast við það flipp...

[Anna Einarsdóttir, 15.10.2007 kl. 19:06]

Whoa (er að reyna að tala eins og mér örlítið yngra fólk), ekkert að þakka Jóna Svanlaug.  Ég sá í dag að þú ert komin niður í kjallara í Alþingishúsinu... og þar fannstu óþekka alþingismenn.  Við þurfum þig í þetta verkefni. 

[Ingibjörg Friðriksdóttir, 15.10.2007 kl. 19:17]

Það er nauðsynlegt að taka upp hýðingar.  segi og skrifa HÝÐINGAR, ætlaði að fara að búa til ljóð um þetta en hætti við af augljósum ástæðum.  Ég er engin dónastelpa. 

[Jón Steinar Ragnarsson, 15.10.2007 kl. 19:41]

Spurning um málefnasamstöðuna...  Jón Val í Dóms og Kirkjumál.  Ég skal taka fjármálin og gera út um þetta í eitt skipti fyrir öll.

[Brynjar Jóhannsson, 15.10.2007 kl. 20:11]

Jóna.. ég mann svo sannarlega eftir því .. þegar ég og Tóti haki.. héngum fyrir framan auglýinguna á lækjarbrekku við lækjargötu og kölluðum það kostningarskrifstofuna okkar.. hahahahaha .. það var skemmtilegur tími..

alltaf þegar við vorum spurðir út í eitthvað sem við gátum ekki svarað. þá sögðum við

"það er nefnd að vinna í málinu" 

[kloi, 15.10.2007 kl. 20:24]

Allar kisur fái fríar bjöllur og niðurgreiddan íslenskan kisumat. Gef kost á mér í dýraverndina

[Þröstur Unnar, 15.10.2007 kl. 20:38]

Ég skal vera Landbúnaðarráðherra.

[Gunnar Helgi Eysteinsson, 15.10.2007 kl. 20:59]

Ég get verið sendiherra Íslands í Svíþjóð

[Brynjar Jóhannsson, 15.10.2007 kl. 21:14]

ef gunnar ætlar að verða sendiherra íslands.. þá vil ég vera sendiherra í 101 rvk

[Ingibjörg Friðriksdóttir, 15.10.2007 kl. 22:26]

Kristjana,

Þú getur ekki skorast undan, held að formaðurinn gæti hugsað sér þig sem siðferðispostula stjórnar, ég meina protokollu eða siðameistara.´

Eins og þú veist verð ég skemmtanastjóri, það á engum að leiðast.

Stefnumálin semjum við svo síðar. það liggur ekkert á.  Anna heldur að við getum eitthvað gert þegar hún er úti á örkinnim, en þar skjátlast henni illilega.

Hún verður í það minnsta að vera heima, stúlkan sú, annars fer fyrir henni eins og fráfarandi borgermester.  Minnismiðar og annað aukaatriði forsvinner eins og dögg fyrir sólu.

[Halldór Egill Guðnason, 15.10.2007 kl. 22:50]

Vil bara árétta fyrir félögum flokksins að vera duglegir að "nótera" hjá sér allt sem sagt er á fundum, hvort heldur er heima hjá formanninum eða í væntanlegu félagsheimili. Ljósrita síðan að fundum loknum í 100 eintökum og dreifa til fundarmanna. Láta síðan alla viðstadda kvitta fyrir að hafa tekið við skjalinu.Ég skal taka af mér utanríkismálin. Er hvort eð er alltaf á ferð og flugi út um allan heim.

[Gíslína Erlendsdóttir, 15.10.2007 kl. 22:55]

Vá fæ ég að vera með....frábært....byrja á því að losna við Pétur Blöndal úr nefndinni og setja hann í að kenna börnum stærðfræði á grunnskólakennaralaunum.

   Og Brattur, burt með bjórinn....hann er óheilsusamlegur. Rífa í hárið sleppur. Hýða barnaníðinga á Lækjartorgi og setja þá síðan í gapastokk....nauðsynlegt, samfélagslegt verkefni. Óeðliega mikil ásókn í sendiherrastörf....lyktar af sögunni um Dabba kóng......eru sjálfstæðismenn í felum hér 

Annars er nefnd að vinna í málinu undir stjórn Brynjars.......

Þetta er allt að verða klárt....held ég fari að sofa enda búin að vinna sem heilbrigðisráðherra í 30 mínútur......algjört ríkismet.

[Ingibjörg Friðriksdóttir, 15.10.2007 kl. 22:56]

Frábært Halldór, einhver þarf að vera í því.

Ætti kannski að skreppa niður í Góða hirðinn á morgun og athuga með ljósritunarvél.

Væri ekki upplagt að fá Ægi í náttúruverndarmálin, hann er svo asssskoti umhverfisvænn.

Ég verð í Dublin í lok mánaðarins og þýskalandi í byrjun Nóvember, svo við verðum að hafa hraðan á með stefnumótun og því um líkt.

asskoti vorkenndi ég VIlla viðutan í kastljósinu í kvöld.  Gengur það að vera svona tæpur, er þetta helber heimska eða er hann bara svona mikið kjánaprik.

Ég held ekki að hann sé illur eða siðblindur, en ég fæ svona tilfinningu að mig langar að klappa greyinu. 

[Ingibjörg Friðriksdóttir, 15.10.2007 kl. 22:59]

Kæra Gíslina, 

Gott að þú tekur undir með hýðingarnar, ég er þér hjartanlega sammála með Pétur Blöndal og það væri frábært að skipta um laun við hann,´þó ekki væri lengur en fram að jólum.

[Edda Agnarsdóttir, 15.10.2007 kl. 23:00]

Hver er formaður Bloggflokksins? Ef það er Anna óska ég eftir að verða aðstoðarmaður sem tekur skelli!

[Halldór Egill Guðnason, 15.10.2007 kl. 23:13]

Abbababababa! Kona, karl, kona, karl, kona, karl Edda. Þetta er jafnréttissinnaður flokkur. talsvert á skjön við allar áttir, með húmanísku yfirbragði og jafnréttiskennd sem hvergi hefur sést áður.

[Þröstur Unnar, 15.10.2007 kl. 23:26]

Sko ef ég fæ ekki Landúnaðarráðuneytið strax, kæri ég til umboðsmanns Önnu og vill öll spilin upp á borðið.

[Gunnar Th. Gunnarsson, 15.10.2007 kl. 23:44]

Flokurinn verður að hafa ritara. Starfsheiti hans á að vera "flokksbloggari"..Heeh flokksbloggari bloggflokksins..segið þetta eins hratt og þið getið tíu sinnum

[Anna Einarsdóttir, 16.10.2007 kl. 00:37]

Það er svo borðleggjandi að við erum Bloggflokkur sem treystandi er á.... valinn maður í hverju rúmi.... enda komin nótt.    Mér finnst bara eins gott að ég las þetta ekki fyrr í kvöld.  Þröstur segir öll spilin upp á borðið.  Ég var að spila bridge í kvöld og það hefði aldeilis dottið andlitið af mönnum ef ég hefði lagt hvert einasta spil á borðið. 

En hér eru fæddir ráðherrar og ritarar og sendiherrar og nefndarmenn.... og stefnumörkun komin í gang.  Við stefnum hátt !

Hvað finnst ykkur um að leggja það til að bloggarar fái hærri lífeyrisgreiðslur ?

[Halldór Egill Guðnason, 16.10.2007 kl. 08:48]

Það tilkynnist hér með að Tuðarinn, utanríkisráðherra Bloggflokksins, verður erlendis næstu vikuna að sinna brýnum málefnum á vegunm íslenskrar útrásar og kynna hið nýja afl í íslenskum stjórnmálum.(Þar sem enginn hefur mótmælt stöðuveitingunni, telst hún samþykkt einróma eða hjáróma. Ráðningartími 20 ár, óafturkræft og eftirlaun á sama skala og gengur og gerist hjá ráðamönnum þjóðarinnar. Öll ferðalög á Saga Class og ókeypis bíll.)

[Arnfinnur Bragason, 16.10.2007 kl. 12:18]

Halldór mér finnst þetta sjálfsagðar og eðlilegar kröfur enda er ég vel innrættur og laus við allt sem kalla má spillingu.... í beinu framhaldi af því krefst ég þess að fá að vera framsóknarmaðurinn í flokknum, veit það verður slegist um þá stöðu en..... fyrstur kemur fyrstur fær... samþykkt? og eins vil ég fá lykilstöðu  eða a.m.k. stöðu með lykli.. eða bara lykil eða lyklakippu

[Anna Einarsdóttir, 16.10.2007 kl. 17:45]

Verður slegist um að fá að vera Framsóknarmaðurinn í flokknum ???    Hvað er þetta Arnfinnur... ætlar þú að slást við sjálfan þig ?  Þú ert SÍÐASTI Framsóknarmaðurinn.

Góða ferð Halldór utanríkisráðherra. 

[Arnfinnur Bragason, 16.10.2007 kl. 18:22]

Bíddu aðeins Anna, Framsóknarmenn spretta alltaf upp ef góðar stöður eru í boði....  þannig að ég á eins vona á að þurfa að slást

[Ingibjörg Friðriksdóttir, 16.10.2007 kl. 19:28]

Arnfinnur er örugglega skyldur Þránni þurs Bertels. Bráðfyndinn framsóknarmaður.

Ég er líka komin af framsóknarmönnum, mann fram af manni og ekki nóg með það, það er regluleg kaupfélagslykt af mér.

Má ég ekki vera vera formaður stjórnar í Kaupfélaginu? Ég er svo djöfulli dugleg að ég get það alveg með skemmtanastjórastöðunni.