Kannast lesendur við orðið músastigi ?

 

Það eru bara rúmir tveir mánuðir til jóla.     Þegar ég skreyti heima hjá mér fyrir jólin, er ég afar íhaldssöm.... já bara argasta íhald svo það er eins gott að ekki eru kosningar á þeim árstíma.

.

Megnið af jólaskrautinu er heimatilbúið... jólatré eftir ömmu heitna, trölladeigs jólasveinar sem mamma gerði, stjörnur og fleira sem börnin hafa búið til í skólanum o.s.frv.

.

Jólatréð er 14 ára gamalt gervitré sem mér finnst alltaf jafnfallegt.  Þegar það hefur verið skreytt með englum, fugli og ljósum, vef ég utan um það rauðum kúlurenningi og þá er það fullkomið. 

.

Mig vantar samt eitt núna:  Gamaldags músastiga.... eins og var á öllum heimilum fyrir 30 árum.... marglitar glansandi lengjur, hangandi í loftunum.

.

Hvar fæ ég svoleiðis ? 

.

.

Athugasemdir

[Ásgeir Kristinn Lárusson, 20.10.2007 kl. 11:48]

Allir mínir gömlu músastigar niðrí kjallara í djúpum s... - sorrý!

[Sæmundur Bjarnason, 20.10.2007 kl. 12:23]

Í gamla daga voru músastigar einfaldlega búnir til úr krep-pappír sem kallaður var. Auðvitað er hægt að búa þá til úr hvaða pappír sem er en hann þarf að vera af ýmsum litum. Það var einmitt aðalgaldurinn við gerð músastiga að velja saman góða liti.

[Arnfinnur Bragason, 20.10.2007 kl. 12:28]

Skemmtilega kærleiksríkur jólasveinn sem þú hefur fundið þarna..... vonandi ekki jólaandinn í ár

[Anna Einarsdóttir, 20.10.2007 kl. 12:37]

Já Sæmundur... ég gerði líka krep-pappírs-músastiga en ég er að leita að þessum glansandi fallegu breiðu renningum.  Þeir virðast ekki vera fáanlegir lengur. 

[Gíslína Erlendsdóttir, 20.10.2007 kl. 17:02]

Ekki veit ég hvað þú meinar með glansandi fallegum því ég gerði bara svona venjulega krep-pappírs.....eins og Sæmundur. Prófaðu föndurbúðirnar. Ertu að fara að skreyta strax...

[Anna Einarsdóttir, 20.10.2007 kl. 17:20]

Nei Gillí mín.... ég er bara byrjuð að hugsa.   

[Brynjar Jóhannsson, 20.10.2007 kl. 18:30]

Anna þó.....

Skamm, skamm og  aftur skamm fyrir að reyna að koma mér hátíðarskap með þessu þjófstartsbloggi þínu um jólinn .  Piff, piff og aftur piff fyrir að vekja upp skemmitlegar bernskuminningar jólahátíðanna. Mamma mín er nefnilega svona fallega íhaldsöm og þú varðandi jólinn.

Fyrir hönd allra bréfbera segi ég með jólaÓgleði í munni...

VÉR MÓTMÆLUM ALLIR.

Vér bréfberar hugsum nefnilega til hátíðarinna með stjórnlausum skítahrolli. Allur ruslpósturinn sem flytjum nauðugir viljugir til landans veldur okkur ofnæmisbólum hjá flestum okkar og þegar jólalögin fara að heyrast í útvarpinu fáum við sorgartár í augun.

OJ BARA ..... ég verð að fara á klósettið til að æla.  

[Fríða Eyland, 20.10.2007 kl. 18:35]

Sólavörubúðin er staðsett á móti bónus/ smiðjuvegi/kóp, þar færðu efnið sem þú leitar að í öllum litum föndrari 

[Ingibjörg Friðriksdóttir, 20.10.2007 kl. 20:54]

asskoti hefur Sveinka verið mikið mál

[Anna Einarsdóttir, 20.10.2007 kl. 21:14]

Brynjar minn.... það er svo krúttilegt þetta piff piff....

Takk Fríða.