Með húsráð undir rifi hverju.

 

Allar alvöru húsmæður gera alvöru kartöflustöppur. 

Gervimús er ekki matur.

.

Í áratugi afhýddi ég kartöflurnar og stappaði þær síðan í þartilgerðri pressu.... því ég er auðvitað alvöru húsmóðir. 

.

Í fyrra gerði ég stórmerka uppgötvun.  Ef maður setti kartöflurnar, óafhýddar í pressuna, varð hýðið eftir en kartaflan kom í gegn, alveg í mauki.  Síðan var bara að skafa hýðið af með nærliggjandi hníf og setja næstu kartöflur í pressuna.

.

Þetta er þvílíkur tímasparnaður að ég get dundað mér við að gera krossgátur fyrir tímann sem ég græði í hvert skipti sem ég elda kartöflumús. 

.

Ég hélt þið vilduð kannski vita af þessu.

 

Athugasemdir

[Katrín Ósk Adamsdóttir, 20.10.2007 kl. 21:39]

Flott ráð,verð að prufa þetta í vikunni

[Halldór Sigurðsson, 20.10.2007 kl. 21:48]

Takk fyrir þeta - og þá er að ná sér í konu og segja henni frá þessu

[Ingibjörg Friðriksdóttir, 20.10.2007 kl. 22:13]

Veistu hvernig ég geri þetta, ég er reyndar ekki alvöru húsmóðir.

Ég afhýði kartöflurnar sjóðheitar (nota gúmmíhanska) sýð mjólkina með klípu af smöri, dengi þessu í hrærivélina, og þeyti. bæti sykri, salti og pipar.  Músin á að vera næstum því eins létt og þeyttur rjómi.  Og hana nú,  En svo er spurning hvort maður getur ekki notað forsoðnar kartöflur.  Ég er ógeðslega löt húsmóðir og hef fundið þessa líka fínu leiðina til að sleppa þessum leiðindum, skúra skrúbba og bóna, dau.. og dj..... .  sit bara við tölvuna í staðinn og læt mig dreyma.  Annars var ég fúl í kvöld.  Barði átti að vinna þessa keppni.  Tími til kominn að það sé einhver sveifla í þessu. 

[Brynjar Jóhannsson, 20.10.2007 kl. 22:47]

Halldór... Hún Anna er á lausu........

bullaðu bara nógu mikið einhverja tóma steypu ...þá fellur hún kylliflöt fyrir þér.. enda er hún af gæsapartíastofninum BULLUKOLLA.. hahahahahha

[Halldór Egill Guðnason, 20.10.2007 kl. 23:22]

Hverjum datt eiginlega í hug að skræla hollasta hlutann af kartöflunni af, ha? Kartöflumús með hýðinu og smá "dash" af sætum kartöflum með.........nammi namm. 

[Ingibjörg Friðriksdóttir, 20.10.2007 kl. 23:25]

Ég skil þetta ekki, er hún á lausu eða er hún laus, hvaða hvaða, en hún er af bullukollaættinni, það er þó víst.  Ég hinsvegar er af kollunni hans Villa Vill sem er blýföst og haggaðist ekki einu sinni út í Viðey í öllu rokinu sem þar nú var.

[Anna Einarsdóttir, 20.10.2007 kl. 23:31]

Ég henta nú illa fyrir Halldór Sig...... hann ætlar að ná sér í konu og segja henni frá þessu snilldarbragði.... og það er lítið gaman að segja einhverjum sem veit.    Það sjá það allir að þetta gengur ekki upp.

[Gíslína Erlendsdóttir, 20.10.2007 kl. 23:55]

Geri alveg eins og Ingibjörg nema nota enga hanska og sýð ekki mjólkina. Mér skilst á sérfróðum að ég myndi vinna heimsmeistarakeppnina í kartöfluafhýðingu ef hún væri haldin, svo fljót er ég að skræla....og hrærivélin er algjört möst.....áttu ekki eina svoleiðis Anna mín? Ef ekki þá færðu eina í brúðagjöf frá mér....þegar þú giftist Dóra Sig.

[Anna Einarsdóttir, 20.10.2007 kl. 23:59]

Mig vantar hrærivél.  VILTU GIFTAST MÉR DÓRI ? 

[Anna Einarsdóttir, 21.10.2007 kl. 00:07]

Nei annars !  Mig vantar ekkert hrærivél.    Ég baka bara smákökur sem ég hnoða og vandræði sem koma alveg áreynslulaust. 

Dóri.... gleymd´essu.

[Halldór Egill Guðnason, 21.10.2007 kl. 00:10]

Ætlaði bara að fara að segjaða Anna. Þú gitist nú ekki fyrir eina hrærivél? Lágmark að fá "Mixer" með

[Brattur, 21.10.2007 kl. 00:25]

... Anna, ertu nokkuð til í að senda mér smá kartöflustöppu í pósti... mig langar að vita hvort hún er eins góð hjá þér eins og hún var hjá mömmu...

... annars vantar mig hrærivél líka... hvaða tegund ætli sé best?

[Anna Einarsdóttir, 21.10.2007 kl. 00:28]

Já.... Mixer Halldór.... nú þarf ég að hugsa mig um.   

KitchenAid er langbest.......það voru svo flottar auglýsingar í gamla daga man ég..... kona með svuntu og alles. 

Ég sendi þér eitt bréf af stöppu Brattur.... A4 eða A3 ?

[Halldór Egill Guðnason, 21.10.2007 kl. 00:35]

Er það ekki A 1 í dag, ha? Hilsen fra Danmark

[Anna Einarsdóttir, 21.10.2007 kl. 00:40]

Heyrðu Halldór !  Hvað vannstu mikið í spilavítinu ?

Tak for hilsen fra Danmark.

[Brattur, 21.10.2007 kl. 00:40]

Anna... faxaðu bara stöppuna...

... gömlu auglýsingarnar myndu gera allt vitlaust núna, sumar hverjar... t.d. þessi, sem KEA notaði á Akureyri á sínum tíma fyrir matvöruverslanir sínar...

"Húsmæður, húsmæður... gerið helgarinnkaupin snemma á föstudögum"...

[Halldór Egill Guðnason, 21.10.2007 kl. 00:44]

Anna.: Heppnin var með í þetta sinn.18.425.DKK takk fyrir, í plús! Já það borgar sig að versla snemma á föstudögum.....húsmæður Brattur.: Það gengur ekki að auglýsa svona í dag, er það nokkuð?

[Halldór Egill Guðnason, 21.10.2007 kl. 00:46]

Annars þetta með að faxa stöppuna.: Gengur það að stappa föxuna? Bara að spá.....

[Anna Einarsdóttir, 21.10.2007 kl. 00:47]

18.425 DKK sinnum 33,3%  ....   Halldór, þú skuldar skákfélagi bloggara með tattoo 6.135 DKK.  Borga fyrir mánaðamót.

[Brattur, 21.10.2007 kl. 00:51]

... nei... Halldór... það gengur auðvita ekki að auglýsa svona í dag... frekar en að auglýsa... Húsbændur, eiginmenn... elskhugar... útsala á borvélum... yrðum við ekki móðgaðir???

[Halldór Egill Guðnason, 21.10.2007 kl. 00:51]

Sorry, too late. Búinn að eyða öllu. Kvikyndið var dressað upp.........

[Halldór Egill Guðnason, 21.10.2007 kl. 00:55]

Ef ég fæ borvél á góðum prís verð ég ekki móðgaður. Hvað er þetta annars með kvenfólkið, að taka saklausar auglýsingar svona nálægt sér. Hefur þér, Brattur, einhverntímann þótt asnalegt að sjá léttklædda konu auglýsa bremsuborða til dæmis. Sé bara alls ekki hvað er að því.

[Brattur, 21.10.2007 kl. 00:55]

... talandi um faxtæki... þá er hér smá saga:

... faxtækin voru nýkomin til Íslands og ekki allir sem kunnu á þessi tæki...

... þessi saga er sönn...

... forstjóri einn bað konu á skrifstofunni að faxa fyrir sig bréf til Bandaríkjanna... konan hamaðist á faxtækinu og ýtti á alla takka, en ekki fór bréfið í gegn...  hún fer til forstjórans og segir honum að hún nái bara ekki að faxa þetta bréf... jæja þá, sagði forstjórinn... settu það þá í umslag og sendu það svoleiðis....

... konan setti bréfið í umslag, sleikti og lokaði... stakk svo umslaginu í faxtækið og viti menn... umslagið rann í gegn!!!

[Halldór Egill Guðnason, 21.10.2007 kl. 01:01]

[Ingibjörg Friðriksdóttir, 21.10.2007 kl. 01:54]

Segi það enn og aftur Það er ekki öll vitleysan eins. Hún er öðruvísi