Þýðir voff alltaf voff ?

 

Allir hundar segja Voff.  En ætli þeir skilji hver annan ?  Ef íslenskur fjárhundur hittir kínverskan smáhund og sá kínverski geltir,.... skyldi sá íslenski skilja geltið eða er þetta kínverskt Voff ?

Ég gerði einu sinni smá tilraun í Danmörku.  Var inni á dönsku heimili og þar var labradorhundur.  Hann hlýddi skipun eiganda síns um að setjast.  Hann hlýddi mér líka þegar ég sagði honum að setjast á dönsku.  Ef ég hins vegar notaði sama látbragð en sagði "sestu" á mínu ylhýra máli,  þá horfði hann bara á mig með heimskulegum hundasvip og gerði ekki neitt.  Hann skildi ekki íslenskuna.

 

En er Voff alþjóðlegt ? 

.

     

 

Athugasemdir

[Þorsteinn Sverrisson, 1.2.2008 kl. 17:23]

Ég held að þetta sér rétt hjá þér. Íslenskir hundar skilja íslensku, kínveskir kínversku o.s.frv. Akomendur hunda sem Vestur-Íslendingar fóru með til Winnepeg skilja t.d. mjög fáir orðið íslensku í dag.  Aðeins örfáir hundgamlir seppar. Þetta er víst alveg að deyja út þarna vestur frá.

[Brynjar Jóhannsson, 1.2.2008 kl. 17:26]

Já... Vofflenskan er snúið tungumál....

[Þorsteinn Valur Baldvinsson, 1.2.2008 kl. 17:34]

Las um rannsókn þar sem hundum var jafnað á við Simpansa í greind, og minnir að málskilningur hunda sé meiri en apanna.

Enginn furða, búnir að hlusta á röflið í okkur í margar kynslóðir.

[Halldór Egill Guðnason, 1.2.2008 kl. 17:47]

Reyndi að ræða við hund í Kína um daginn, en ekkert gekk, alveg sama hvað ég reyndi. Þeir smakkast hins vegar ágætlega í Kína, en það er önnur saga og ekki orð um það meir. Voff er greinilega ekki bara voff, það er ljóst. Annars hélt ég í fyrstu að hundurinn hægra meginn væri svona "gólfhreinsiróbot" sem þrífur meðan maður er að heiman. Sé það núna að þetta er bara gólfhreinsir. Ekkert með róbót að gera. Það sem maður getur annars bullað og tuðað...

[Gunnar Helgi Eysteinsson, 1.2.2008 kl. 18:12]

Einn vinur minn sagði að Voff þýddi: Ég er gæi.

[Ásgeir Kristinn Lárusson, 1.2.2008 kl. 19:30]

De spiser ju hunder i Kina - það er soldið OFF...

[Ragnheiður , 1.2.2008 kl. 19:54]

Ég er með fína hunda í voff upptökur

[Fanney Björg Karlsdóttir, 1.2.2008 kl. 23:59]

Athyglisverð pæling Anna......var einmitt með Bóndann og tíkina á hlyðninámskeiði....... merkilegt hvað tíkinni gekk betur að læra að hlýða en Bóndanum..... en það er nú annað mál....... en á námskeiðinu lærði tíkina að setjast á skipun frá mér sem inniheldur bæði munnlega og verklega skipun... þ.e. um leið og ég segi sestu þá bendi ég henni á að setjast..... kanski þetta sé gert til að danir og aðrir útlendinga geti skipað henni að setjast á sínu tungumáli...... veit ekki ..... bara svona vitsmunaleg pæling.... 

[Maddý (IP-tala skráð) 2.2.2008 kl. 00:13]

Ég er með nýja dellu núna, mig langar að eignast hund og kött og helst hænur líka, mér er alveg sama á hvaða tungumáli þessi dýr tala, svo þarf ég kannsi að eignast garð fyrir hænurnar.  Ef ég læt eftir mér að fá mér belju þá þarf ég sennilega heila jörð og ég nenni því ekki, langar samt líka í belju.

[Fanney Björg Karlsdóttir, 2.2.2008 kl. 09:24]

.... veistu Maddy.... þetta er skynsöm og skemmtilega della...... sjálf á ég hund, kött, hænur, kynvilltan hana ...en það er nú annað mál.... og svo er ég með hesta líka...... þetta er lífið.... eina sem mig vantar akkurt núna er lítinn sætan kettling..... helst læðu....

[Kristín Snorradóttir, 2.2.2008 kl. 15:01]

sko Íslenska tíkin mín og þýski fuglahundurinn minn eru alveg að tala saman, reyndar fer sá þýski oft í taugarnar á þeirri Íslensku en er það ekki bara þjóðarrembingur

[Gunnar Th. Gunnarsson, 3.2.2008 kl. 17:18]

Dóttir mín sagði einu sinni við mig að kettlingurinn okkar þekkti orðið nafnið sitt. Kettlingurinn sat í gluggakistunni og var að góna á eitthvað úti og dóttir mín segir frekar lágum rómi: "Tinni!". Þá leit kettlingurinn við og stelpan mín sagði hróðug; "sko!" Tinni hélt svo áfram að góna út. Þá sagði ég lágum rómi "Guðmundur!" ... og Tinni leit við á alveg sama hátt. 

[Anna Einarsdóttir, 3.2.2008 kl. 17:25]

  Kannski hét kettlingurinn Guðmundur Tinni ?