Hestarnir.

.

.

 

 

 

 

 

 

.

 

.

Má ég kynna:  Ívar, móálóttur litföróttur og Koníak, jarpskjóttur... úr minni eigin hrossarækt. 

Hestarnir voru teknir á hús í dag.  Ég komst að því í leiðinni að mig vantar kúlu.  Þegar ég ætlaði að hengja hestakerruna aftan í bílinn, greip ég í tómt.  Engin kúla !!  Svik og prettir að selja manni kúlulausan bíl.    Jæja, skítt með það...

Mig langaði bara að sýna ykkur myndir af mínum gullfallegu gæðingum. 

.

 .

 

Athugasemdir

[Guðrún Jóna Gunnarsdóttir, 2.2.2008 kl. 17:46]

Báðir yndislegir, hvað heitir sá skjótti?

[Anna Einarsdóttir, 2.2.2008 kl. 17:48]

Koníak. 

[Ragnheiður , 2.2.2008 kl. 17:48]

nei vá...flottir ! Pant heimsækja þá um leið og þig hehe

[Gunnar Helgi Eysteinsson, 2.2.2008 kl. 18:13]

[Númi (IP-tala skráð) 2.2.2008 kl. 18:16]

Anna, ekki misskilja mig vitlaust,en áttu nokkuð hest sem er snöggbrúnyrjóttur,veit ekki hvaða litur það er en ég sá svona hest vestur  í Grundarfirði um daginn mér var sagt að litur hestsins væri semsagt ,,snöggbrúnyrjóttur,,hef aldrei heyrt þetta áður.Þá var mér sagt að hann hesturinn kæmi frá sunnan megin af Nesinu,þekkirðu þennan lit þaðan þú ert nú frá ,,sunnan,, megin af nesinu.Hesturin þinn, Koníak er glæsilegur.

[Anna Einarsdóttir, 2.2.2008 kl. 18:32]

Snöggbrúnyrjótt er ekki til.  Það hefur einhver verið að djóka í þér.

[Hugarfluga, 2.2.2008 kl. 18:46]

Ó, en fallegir hestar og falleg kona!

[Fanney Björg Karlsdóttir, 2.2.2008 kl. 19:06]

glæsilegir hestar...... mmmm ég finn allveg lyktina hingað..... yndislegt.....finnst þér það ekki...

[Þorsteinn Valur Baldvinsson, 2.2.2008 kl. 20:41]

Fjarskafallegir hestar, hvar lætur þú sprauta þennan litförótta, er bílamálari í Borganesi

[Þorsteinn Valur Baldvinsson, 2.2.2008 kl. 20:44]

Löngu hætt að tala um skjótt æi mynni fjölskyldu, dóttir mín kallaði þá Indíána póní og það er bara notað um alla skjóttu lita flóruna í dag.

[Gunnar Th. Gunnarsson, 2.2.2008 kl. 20:57]

Koníak ber með sér að vera ungur og viljugur, glæsileg hross. Það er ekki laust við að það taki sig upp gamall fiðringur

[Maddý (IP-tala skráð) 2.2.2008 kl. 21:08]

Svakalega fallegir hestar, ég þekkti einu sinni meri sem hét Bristol eins og sherrýið.

Kveðja í hesthúsið

[Ásgeir Kristinn Lárusson, 2.2.2008 kl. 22:05]

Maður verður bara tárbrestóttur við að sjá þessi fallegu skinn...

[Halldór Egill Guðnason, 2.2.2008 kl. 23:04]

Glæsilegar skepnur sem þú heldur Anna, enda ekki við öðru að búast. Átti eitt sinn hest sem mér var sagt að væri "vindóttur". Svo langt síðan að elstu menn muna ekki neitt. Þetta var glæsilegur hestur, yfir einn og fimmtíu á kambinn og fór létt með tuðarakvikyndið, enda hann ekki nema milli tektar og tvítugs. Ljótt að heyra þetta með kúluna. Hvar var fyrirhyggjan eiginlega? Annars er ég alltaf að bíða eftir því að Brattur, besti vinur, sendi okkur myndir af köflótta hestinum sem hann hitti í Hunaveri í sumar.

[Edda Agnarsdóttir, 2.2.2008 kl. 23:20]

Þeir eru krútt hestarnir þínir. Ég er hrifin af litnum á ÍVARI.

[Anna Einarsdóttir, 2.2.2008 kl. 23:53]

Þið eruð glæsilegir bloggvinir. 

Hér með lofa ég að birta myndir aftur í vor.  Þá verður sá litförótti öðruvísi á litinn.  Það eru einungis 2-300 litföróttir hestar til í öllum heiminum og undanfarin ár hefur verið í gangi átak til að fjölga litföróttum hrossum svo þau deyi ekki út.   Ykkur til fróðleiks eru mörg afbrigði af litförótta litnum;  þ.e. grunnliturinn getur verið rauður, brúnn, jarpur.... en litförótt þýðir að búkur hestsins lýsist upp tvisvar til þrisvar á ári en fætur og höfuð halda sama lit.  Skemmtilegt !

Koníak er fjörugur - eins og nafnið ber með sér.

Hér með skorum við á Bratt að birta myndir af köflótta hestinum. 

Ragnheiður.... ég er búin að hella á könnuna. 

[Brattur, 3.2.2008 kl. 00:17]

... ha, já... nú þarf ég að finna þessa mynd af þeim köflótta... hún kemur fyrr en síðar... sjáið bara til...

[Lára Hanna Einarsdóttir, 3.2.2008 kl. 00:47]

Íslenskir hestar eru dásamlegustu dýr í veröldinni... að íslenska fjárhundinum undanskildum...

[Þorsteinn Valur Baldvinsson, 3.2.2008 kl. 01:04]

Sem sagt, 2-3 á ári þarftu að drösla klárnum inn í sprautuklefa í Borganesi og láta líma yfir haus og fætur, sprauta búkinn í tískulitum ársins, og ríða svo um á flottasta hestinum á staðnum.

Þú ert snillingur Anna, hvernig datt þér þetta í hug.

[Anna Einarsdóttir, 3.2.2008 kl. 01:07]

Pabbi sprautaði bíla og var uppfinningamaður.  Það segir sig sjálft að afkvæmið lærir af því sem fyrir því er haft. 

[Guðrún Arna Möller (IP-tala skráð) 3.2.2008 kl. 01:53]

Glæsilegir hestar hjá þér Anna.  Það fer alveg um mig gamli þægindahrollurinn sem fylgir því að vera í nálægð við hrossin.  Bara yndisleg dýr

[Árni Gunnarsson, 3.2.2008 kl. 09:34]

Hestar eru falleg dýr, en misfallegir eru þeir nú blessaðir nema kannski í augum eigendanna. Vindhærðir og loðnir, nýkomnir á hús sýna þeir nú varla sitt besta.

En svona rauðjarpskjóttur litur er mitt uppáhald. Út af þannig litri hryssu ræktaði ég nokkur af bestu reiðhrossum landsins á þeirri tíð. Þessi hryssa hét Fjöður og hafði ættbókarnr. 4120. Hún var líklega minnsta hross sem fengið hefur 1. verðl. á kynbótasýningu en það fékk hún fyrir afkvæmi árið 1974.

Hæð á herðakamb var 124 cm, bandmál!!!!!

[Anna Einarsdóttir, 3.2.2008 kl. 12:42]

Árni.   Ég er forvitin og hef ekki aðgang að Feng.  Mig langar að vita meira um Fjöður.  Má ég spyrja um ætterni hennar og einhver afkvæmi ? 

[Hrönn Sigurðardóttir, 3.2.2008 kl. 18:51]

Flott nafn Koníak!

[Númi (IP-tala skráð) 3.2.2008 kl. 22:41]

Anna já hann pabbi þinn var mikill uppfinningarmaður,ég man svo vel eftir vindmyllunum hans,hann var langt á undan sinni samtíð.

[Erna Bjarnadóttir, 4.2.2008 kl. 18:41]

Hvernig eru þessir stólpagripir þínir ættaðir Anna?

[Anna Einarsdóttir, 4.2.2008 kl. 19:10]

Sá litförótti er undan Skímu frá Brjánslæk og Galdri frá Laugavatni.  Sá skjótti er undan Indíánaskjónu frá Skíðsholtum og Guma frá Laugavatni. 

[Erna Bjarnadóttir, 4.2.2008 kl. 20:51]

Ó ekki slæmt, ég á eina undan Ham frá Þóroddsstöðum sú á líka bróður undan Guma

[Anna Einarsdóttir, 5.2.2008 kl. 00:05]

Hamur er mikill hestur.  Laugavatnsklárarnir eru umdeildir... eins og reyndar flestir stóðhestar.  Mikil pólitík í gangi í þeim bransanum.  Mér líkar hins vegar ljómandi vel við þá.