Nú fær einhver (á) baukinn.

.

 

  Á laugardagskvöldið næsta, er Rommýmót á dagsskránni hjá ákveðnum hópi bloggara með tattoo.

  Allir fá verðlaun sem mæta (ég setti þá reglu til öryggis svo ég færi ekki tómhent heim )  og skulu verðlaunin vera..... 

HEIMATILBÚINN SPARIBAUKUR.  Yesssss !!!

Sparisjóður grínista mun svo að sjálfsögðu nýta sér sparibauka-hugmyndirnar sem fram munu koma, sér og sínum til framdráttar. 

 

Ég hef tryggt mér einkarétt á bauknum mínum svo endilega látið mig vita ef þið sjáið einhvern stela hugmyndinni minni. 

 

 

 

Það verður fróðlegt að sjá hvers konar útfærsla verður á baukum annarra keppenda.  Ég hef haft fregnir af því að Brattur bloggvinur sé með ótrúlega frumlega útgáfu af bauk.  

Eða svo segir hann. 

Ég hef þó ekki séð baukinn hans enn.   Þið getið fylgst með síðunni hans HÉRNA.

 

 

 

Hafið þið heyrt auglýsinguna:
"Sparisjóðurinn sér um Sína"?

Ég hef aldrei vitað hver þessi Síni er. 

Athugasemdir

[Gunnar Helgi Eysteinsson, 12.3.2008 kl. 20:53]

Sína = Samband íslenskra " ? " auðugra... eða eitthvað

[Birna Dis Vilbertsdóttir (IP-tala skráð) 12.3.2008 kl. 21:11]

[Ragnheiður , 12.3.2008 kl. 21:25]

ansans..hvað er maður fljótur að fá sér tattoo ? Baukurinn er flottur og áætlun sparisjóðstjórans líka

Kær kveðja og knús í bala

[Edda Jónasdóttir (IP-tala skráð) 12.3.2008 kl. 22:39]

Sína held ég að sé Samband íslenskra anarkista. En þið eruð skemmtileg til aflestrar þú og þínir bloggfélagar.

Kv. Edda.

[Brynjar Jóhannsson, 12.3.2008 kl. 23:14]

Anna...

 Ég verð að hrósa þér sérstaklega fyrir framtaksemina...... Ef það væru fleirri svona "athafnamanneskjur gleðigjafans" eins og þú, þá væri lífið miklu skemmtilegra. Í ofan á lag er auglýsingin stórglæsileg. Skemmtilegur "sveitaballabóndabragur" yfir henni eða réttar eða það mætti líka segja að það væri "Ludo í Glæsibæ í kvöld" bragur yfir henni. 

[Lára Hanna Einarsdóttir, 12.3.2008 kl. 23:20]

Ég er búin að gleyma Rommý og er ekki með tattú... svo ég er líklega ekki gjaldgeng. 

[Sæmundur Bjarnason, 12.3.2008 kl. 23:21]

Eitt sinn sá ég bók sem kölluð var "Söngbók Sínu." Það var vegna þess að það eru svo margir textar sem eru sungnir með Sínu lagi. Þessi Sína er líklega systir gaursins hjá sparisjóðunum.

[Halldór Egill Guðnason, 12.3.2008 kl. 23:57]

Var rétt í þessu að koma úr heimsókn af síðunni hans Bratts. Vil ekki valda neinum leiðindum en baukarnir ykkar eru helst til líkir. Annars benti ég Bratti á það að baukur sem hefur einungis tvær hliðar er ekki baukur. Hann er umslag!

[Anna Einarsdóttir, 13.3.2008 kl. 00:13]

Ragnheiður.... bara hálftími að fá sér tattoo.  Þú mætir þá ???

Brynjar.... þetta er langfallegasta hrós sem ég hef fengið frá þér.  "Ludo í Glæsibæ í kvöld"  hljómar eins og fegursta aría í mínum eyrum.

Lára Hanna.... þau hin kunna ekki Rommý.  Þeim verður ekki kennt það fyrr en kvöldið góða.  Það er öryggisatriði svo ég vinni örugglega. 

Sæmundur.... Fyrr má nú aldeilis fyrrvera, hugmyndaskortur foreldra þeirra Sínu og Sína.  Vonandi hafa þau ekki átt fleiri börn því hvað í ósköpunum ættu hin börnin þá að heita ?  Sína önnur og Síni annar ?

Halldór.... Nú fær einhver á baukinn er fyrirsögnin.  Brattur fær á baukinn fyrir að vera með lélega stælingu á mínum bauk.    Þetta umslag hans er náttúrulega ekki líkt eðalbauknum mínum fyrir tíkall.

Gunnar, Birna Dís, Edda og Móðir í hjáverkum.  Takk fyrir að styðja minn bauk og endilega fjölmennið hjá Bratti og segið honum að hann þurfi að búa til BAUK.  Ekki umslagsdruslu. 

[Tiger, 13.3.2008 kl. 02:39]

  *hic*... tattoo hvað? Nú, baukur .. á maður að skella krónu í eða bara mæta með seðlaveskið? Ekki er ég nú með rommý á hreinu en ég er í það minnsta með listaverk hangandi utaná mér... Skamm... ég var ekki að meina það sem fékk þig til að glotta, er með 3 tattoo sko! Knús í nóttina Anna..

[Áslaug Benediktsdóttir (IP-tala skráð) 13.3.2008 kl. 08:54]

Sína er örugglega eitthvað skyld kalli gjaldkerans.

Ég hef aldrei séð þennan kall,þó að ég hafi beðið og beðið og beðið eftir gjaldkeranum:  Mér finnst það eiginlega alveg nóg, þó að ég þurfi ekki að bíða eftir kallinum hans líka.

[Anna Einarsdóttir, 13.3.2008 kl. 17:55]

Ég er nú svo saklaus Tiger að ég glotti ekkert þótt þú haldir á málverki. 

Áslaug.    Það tók mig tvo klukkutíma að fatta þennan.

Menn fara í banka og bíða eftir að gjaldkerinn kalli........ eða bíða eftir kalli gjaldkerans.  En hvað á maður að segja við kall gjaldkerans þegar hann kemur ?  Var EINHVER annar búinn að skilja þetta hyldjúpa komment ?

[Anna Einarsdóttir, 13.3.2008 kl. 18:24]

  Já, þessi baukur ber ekki DIGRA sjóði Helena.  Hahahaha 

[Brattur, 13.3.2008 kl. 19:13]

... Helena, minn  baukur er ekkert líkur bauknum hennar Önnu... allt öðruvísi... á Önnu bauk stendur "Ertir viðkvæma"... á mínum bauk stendur "Ertir EKKI viðkvæma"... hver segir svo að þeir séu eins... huh...

[Anna Einarsdóttir, 13.3.2008 kl. 20:46]

Helena.     Þér að segja...... þá hefur hann Brattur ekki hugmynd.

Síðan tilkynnist það hér með, að sparigrísinn á mynd í kommenti 14..... er nú heiðurssparibaukur í Sparisjóði grínista og nágrennis.

[asben (IP-tala skráð) 13.3.2008 kl. 20:57]

Auðvitað gastu ekki fattað þetta Anna, ég gleymdi að segja frá þeirri staðreynd að það er oft skilti  við gjaldkerastúkur í banka, sem á stendur:"Bíðið eftir kalli gjaldkerans"

Þegar maður er búinn að bíða þarna langalengi eftir afgreiðslu hjá gjaldkeranum,þá er maður kannski ekki alveg til í að bíða ennþá lengur eftir þessum kalli gjaldkerans.  Ég hef ekki ennþá séð hann!  Og veit ekki heldur af hverju maður á að bíða endilega eftir honum.

[Halldór Egill Guðnason, 15.3.2008 kl. 00:04]

Baukurinn hennar Helenu er ekki beint til þess fallinn að safna miklum auði, en stendur þó. Mjór er mikils vísir.Grindhoraður er .....tja, hvað kemur svo?