Ég vaaaaar töffari.

5.7.2008 | 11:00

Bakgarðurinn hefur undanfarin ár verið gróskumikill með afbrigðum. Sem er ekki endilega jákvætt því þar átti að vera möl. Hérna uxu njólar í tugatali, gras kom upp úr sandkassanum og rabbarbarinn spýtti sér í allar áttir.

Þar sem ekki var neinn sérstakur markaður fyrir njóla og þessháttar eðalplöntur - þrátt fyrir tilraun mína til að markaðssetja njólapils í anda Hawai-pilsanna - var ráðist í að "laga" bakgarðinn. Gamli heiti potturinn, sem einungis var notaður sem geymsla fyrir sláttuvélina, var fjarlægður. Sandkassinn sömuleiðis og allar sjálfsprottnu plönturnar.

Ákvörðun var tekin um að þökuleggja allt dótið. Við mannfólkið viljum "stjórna" því hvar og hvernig plönturnar vaxa. Það er ferlega furðulegt að við gróðursetjum tré út og suður.... og svo erum við endalaust að klippa þessi sömu tré af því að okkur finnst þau of stór eða of gisin eða OF eitthvað annað. Pouty

Í gær tók ég svo á móti þökunum í bakgarðinn og þurfti síðan að bregða mér í Kaupfélagið og kaupa nokkra poka af þörungamjöli því það ku vera ansi gott undirlag fyrir þökurnar.

Er ég hafði greitt fyrir þörungamjölið, kom að því að skella því á bílinn. Eins og þið vitið er ég töffari. Cool Ég vippaði einum poka upp og arkaði með hann út í bíl. Starfsmaðurinn tók líka poka. Í næstu ferð var pokinn eitthvað fastur á brettinu.... undir öðrum poka. Starfsmaðurinn var alveg að koma svo mér fannst ég þurfa að hafa hraðar hendur. Ég tók því á öllu mínu og náði pokanum undan. Þá tók ég ægilega flotta sveiflu þegar ég skutlaði pokanum á öxlina. (æææ óóó Crying svakalega var þetta vont hugsaði ég) en með montsvip á andlitinu brosti ég til starfsmannsins og gekk hnarreist með pokann út í bíl. Síðan þakkaði ég fyrir mig, settist inn í bíl og stundi ææææææi. Frown Töffarastælar mínir kostuðu mig tognað bak.

Í dag er ég eins og gömul kerling. W00t

Flokkur: Spil og leikir | Breytt s.d. kl. 11:36 | Facebook

Athugasemdir

~..eins & ... ~ ?

Steingrímur Helgason, 5.7.2008 kl. 11:18

Hmmmm.... ertu að spyrja mig hvort ég sé óþekktarormur, Steingrímur ?

NEITS !!

Anna Einarsdóttir, 5.7.2008 kl. 11:22

Ég réð sjálfa mig sem verkstjóra. Djö.... skulu þau fá að púla.

Anna Einarsdóttir, 5.7.2008 kl. 11:38

Áiiiiiii! Ekkert annað í stöðunni en að snúa sé að verkstjórninni í bókstaflegri merkingu. Aðrir verða að þræla núna

Guðrún Jóna Gunnarsdóttir, 5.7.2008 kl. 12:27

Ææii greyið mitt........en mér líst vel á þig sem verkstjóra

Svanhildur Karlsdóttir, 5.7.2008 kl. 16:24

Ja hérna - það er erfitt að sleppa töffaranum í sér - kannski mildast það eitthvað eftir þessa raun!

Edda Agnarsdóttir, 5.7.2008 kl. 16:44

Æ, fékkstu nú þursabit ræfils tuskan.. vont vont .. fékk svoleiðis sem unglingur þegar ég var að losa hey úr stabba fyrir féð.. rikkti í gaffalinn.. og bingó .. var frá í 2 vikur.. man að mamma kom 15 kílómetra leið að hjálpa mér að klæðast.. amm.. í þá gömlu góðu daga.. Vona að þú náir þér fljótt, töffarinn minn!

Helga Guðrún Eiríksdóttir, 5.7.2008 kl. 17:24

Hefur þú talað við nýsköpunarsjóð um njólapilsin? Ég panta hér með eitt stykki ;)

Vona að bakið fari að hressast, uss...borgar sig ekkert að vera með þennan töffaraskap, komin á þennan aldur :P maður fær það margfalt borgað til baka

alva (IP-tala skráð) 6.7.2008 kl. 00:02

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.