Ég gleðst yfir óförum annarra.

9.4.2009 | 12:04

Ég gleðst yfir óförum annarra.

Skírdagur og ég fer í skriftastólinn.

Ég játa að ég gleðst yfir óförum annarra. Blush

Ófarir Sjálfstæðisflokksins eru nefnilega "farir" okkar hinna.

Málið var að Geir Haarde vantaði smá pening. Hann hafði því samband við Landsbankann (þar sem vinir hans voru í stjórn) og FL-Group (þar sem konan hans var í stjórn). Ekkert var sjálfsagðara enda maður með mikil völd og í góðri stöðu til að liðka fyrir góðum málum. Honum láðist hinsvegar alveg að nefna þennan gjörning við sína nánustu flokksfélaga, segir hann.

En hann platar ! Og það er ljótt að plata. GetLost Og alveg sérstaklega ljótt að plata um páskana.

Kjartan Gunnarsson veit auðvitað ekkert um málið. Hann sat jú bara í stjórn Landsbankans og miðstjórn FLokksins. Það er ekki hægt að ætlast til að hann setji sig inn í mál þar sem hann er beggja vegna borðsins. Hann hefur átt fullt í fangi með að hlaupa í kringum borðið og ekki getað fylgst með á meðan. Skiljanlega. FootinMouth

Sjálfstæðismenn á blogginu reyna að verja múturnar;

"Það er örugglega líka svona hjá hinum flokkunum" segja þeir vælandi. Crying

"Það er svo heiðarlegt af Bjarna að skila þessu". Halo

En á meðan sit ég hér og gleðst í hjarta mínu. Happy

Gleðst yfir óförum FLokksins því ég vil helst af öllu að hann þurrkist út og verði bara slæm minning.

Ég er í svo góðu skapi í dag. LoL

Baugur er aðal styrktaraðili þessa pistils.

	Guðlaugur Þór hafði forgöngu um styrkina
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Breytt s.d. kl. 13:05 | Facebook

Athugasemdir

Ég hefði haldið að Borgnesingar styrktu skrif þín eða blogg? Er ekki Guðlaugur Borgnesingur? Þeir vilja þó ekki fá hann aftur eða hvað?

Edda Agnarsdóttir, 9.4.2009 kl. 12:10

Já, þú segir það. Kjartan vissi ekkert um málið? Alveg spurning.

Gott blogg.

Jón Halldór Guðmundsson, 9.4.2009 kl. 12:12

Edda mín.

Ég er Snæfellingur og stolt af því. Komin af vondu fólki eins og skrif mín gefa svo sterklega til kynna. Jú, Guðlaugur er Borgnesingur en hefur ekki búið í Borgarnesi í 20 ár eða svo.

Jón Ásgeir sat í stjórn FL-Group á þeim tíma er FLokkurinn fékk "styrk-múturnar". Þessvegna gaf Baugur mér styrk til að skrifa þennan pistil enda var ég frekar máttlítil áður en ég las fréttirnar. Djúpt ?

Anna Einarsdóttir, 9.4.2009 kl. 12:30

Þarna kom skýringin á því af hverju mér líkar svona vel við þig! Þú ert svo illa innrætt

Hrönn Sigurðardóttir, 9.4.2009 kl. 13:00

Það er alveg hægt að samgleðjazt samt !

Steingrímur Helgason, 9.4.2009 kl. 13:16

Á vefsíðunni

http://einu-sinni-voru-sjallar.blogspot.com/

verður safnað saman sögum um Sjálfstæðisflokkinn. Öllum er frjálst að setja inn efni (comment), undir fullu nafni eða dulnefni, skiptir ekki máli. Aðalmálið er að fá sögurnar. Hvernig flokkurinn hefur byggt upp veldi sitt og lagt undir sig heilt þjóðfélag.

Rósa (IP-tala skráð) 9.4.2009 kl. 13:20

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.